| e-texts navigator |
| Wylie |
346b1 ཀུན་ནས་ཀུན་གྱི་དབང་བསྐུར་དམ་པའི་བདག་། ཁྱད་བཞུགས་ཡིད་དང་འཐད་པའི་བླ་མ་ཁྱོད་ལ་ཕྱག་འཚལ་འདུད། །གསང་སྔགས་ཡོན་ཏན་རྒྱ་མཚོ་གྲངས་མང་བསམ་ཡས་ཀྱང་། །གཞུང་དང་འགལ་བྱས་སྣོད་ངན་སྐྱོན་ཉིད་ལྷུང་གནས་མང་པོ་བརྗོད་མི་ལང་། །ལེགས
346b2 དང་ཉེས་པའི་འབྲས་བུ་རྣམ་སྨིན་དེ་ཉིད་ཀྱིས་ནི་རབ་གསུངས་པ། །བདག་ཅག་འཁོར་ཚོགས་དགའ་སྤྲོ་གསང་ཉིད་དོན་ལ་འཇུག་ཅེས་དམ་པར་གྱུར། ། ལ་ལ་ཧོ་ཞེས་བྱ་བ་གླུ་འདིས་མཉེས་པར་བྱས་སོ། །དེ་ནས་སྨྲ་བའི་སེང་གེས་ཕྱག་རྣལ་འབྱོར་གྱི་ལུགས་སུ
346b3 བྱས་ཏེ། མཆོད་པ་རྒྱས་པ་དེ་ཁོ་ན་ཉིད་ཀྱིས་མཆོད་དེ་གསང་བ་མཆོག་གི་བདག་པོ་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་གསང་བ་མཆོག་གི་བདག་པོ་གསང་བའི་ཐེག་པ་འདི་བདག་ཅག་འཁོར་དང་བཅས་པ་རྣམས་ལ་བསྒོ་བར་གསོལ་ཅི་ནས་ཀྱང
346b4 མ་འོངས་པའི་གང་ཟག་རྣལ་འབྱོར་པ་རྣམས་ལ་ཕན་གདགས་པའི་ཕྱིར་ནན་ཏན་བགྱི་བ་བསྒོ་བར་གསོལ། དེ་ནས་གསང་བ་མཆོག་གི་བདག་པོས་ཞལ་འཛུམ་པ་མཛད་དེ། སྨིན་རིངས་བསྒྱུར་ནས་བཙུན་མོ་རྔམ་པ་ཀྲོ་དྷའི་རྒྱལ་མོ་ལ་རྣམ་པར་འཇུག་པར་གྱུར
346b5 ཏོ། །དེའི་ཚེ་ཆོས་ཐམས་ཅད་གཉིས་སུ་མེད་པའི་བྱང་ཆུབ་ཀྱི་རང་བཞིན་དུ་གནས་པར་གྱུར་དེ། །དེའི་ཚེ་བྱང་ཆུབ་སེམས་དཔའ་དེ་དག་སྨྲ་བའི་སེང་གེ་བྱེད་པ་པོ་རྡོ་རྗེ་ཀུན་དུ་བཟང་པོས་བཙུན་མོ་བྱ་བ་མོ་ཀུན་དུ་བཟང་མོ་དང་གཉིས་སུ་མེད་པའི་དཀྱིལ་འཁོར་ལ་ཐིམ་པར
346b6 མཛད་དོ། །དེ་ནས་བཅོམ་ལྡན་འདས་གསང་བ་མཆོག་གི་བདག་པོས་སྨྲ་བའི་སེང་གེ་ལ་བཀའ་སྩལ་པ། སྨྲ་བའི་སེང་གེ་ད་ངས་ཆོས་འདི་བསྡུས་ཏེ་བཤད་ཀྱིས་ཉོན་ཅིག་།གསང་བ་ཆེན་པོའི་རང་བཞིན་ནི། །བསྐྱེད་པ་མེད་ཅིང་བསྒྲུབ་པ་མེད། །བསྒོམ་པ་མེད་ཅིང་གཟུགས
346b7 ཀྱང་མེད། །ཕྱག་རྒྱ་མེད་ཅིང་འཇུག་སྒོ་འང་མེད། །འདོད་པ་མེད་ཅིང་བསྲུང་བ་མེད། །བརྟུལ་ཞུགས་མེད་ཅིང་བསྲུང་བ་འང་མེད། །ཡེ་ནས་རྣམ་དག་བརྗོད་མེད་ཆོས། །སྐྱོན་དང་ཡོན་ཏན་དབྱིངས་སུ་དག་།ངོ་བོ་ཉིད་ནི་བརྗོད་དུ་མེད། །དེ་ལ་གསལ་འཕྲོ་གོམས
346b8 པར་བྱོས། །མེད་པའི་དེན་ལས་ཀུན་འབྱུང་བ། །གསལ་འདྲིས་གོམས་པ་བྱ་བའི་ཕྱིར། །སྨྲ་བའི་སེང་གེ་ཁྱོད་ཉིད་ཀྱིས། །ཚིག་དོན་མ་ལུས་ཐམས་ཅད་ཀུན། །ཤེས་རབ་བློ་ལ་གསལ་བསྡུས་ནས་མི་ནུབ་རྒྱལ་མཚན་རྩེ་མོ་ལྟར། །ནན་ཏན་གྱིས་ནི་བརྩོན་འགྲུས་བྱའོ། །
iiif viewer powered by OpenSeadragon
