| e-texts navigator |
| Wylie |
346a1 ན་དེ་བཞིན་དུ་ཤེས་པར་བྱའོ། །ཡང་སྨྲ་བའི་སེང་གེས་གསོལ་པ། གལ་ཏེ་གང་ཟག་ལ་ལ་དག་དོན་དང་ལྡན་པའི་རྣལ་འབྱོར་ལ་མངན་སེམས་ཀྱི་སྒྲོ་སྐུར་འདེབས་པ་དེའི་རྣམ་པར་སྨིན་པ་ཇི་ལྟ་བུ་ལགས། གསང་བ་མཆོག་གི་བདག་པོས
346a2 བཀའ་སྩལ་པ། དོན་དང་ལྡན་པའི་སྐྱེས་བུ་ལ་མངན་སེམས་ཀྱིས་ཕྱིར་འདོགས་པ་ནི་མནར་མེད་པར་ལྟུང་སྟེ་ལྕེ་ལ་ཐོང་གཤོལ་འབར་བ་ལྔ་བརྒྱས་འདྲལ་བར་འགྱུར་རོ། །དེ་ཡང་ཇི་ལྟར་ཤེས་ཞེ་ན། སྔོན་འདས་པའི་དུས་ང་དྲན་པ་ཐོག་མའི
346a3 ཚེ་རྣལ་འབྱོར་དོན་དང་ལྡན་པ་རྣམ་པར་དག་པའི་བློ་གྲོས་ཞེས་བྱ་བ་ལ་མི་འཇིགས་བློ་གྲོས་ཞེས་བྱ་བ་དོན་དང་མི་ལྡན་པ་ཞིག་གིས་རྣམ་པར་དག་པའི་བློ་གྲོས་སྡེ་མང་པོས་སྐྱོང་བའི་སར་མི་འཇིགས་བློ་གྲོས་འོངས་ཏེ། མངན་སེམས་ཀྱི་སྒྲོ་སྐུར་མང་པོ་བཏབ
346a4 པས་དེའི་རྣམ་པར་སྨིན་པས་མི་འཇིགས་བློ་གྲོས་མནར་མེད་པར་ལྟུང་ནས་ལྕེ་ལ་ཐོང་གཤོལ་འབར་བ་ལྔ་བརྒྱས་རྨོས་པར་གྱུར་ཏོ། །དེ་བས་ན་དེ་བཞིན་དུ་ཤེས་པར་བྱའོ། །ཡང་སྨྲ་བའི་སེང་གེས་གསོལ་པ། གང་ཟག་ལ་ལ་དག་གི་ཤེས་རབ་ཀྱི་རྣལ
346a5 འབྱོར་ཁོང་དུ་མ་ཆུད་པར་སྒྲ་ཐོས་པ་ཙམ་གྱིས་གཞུང་སྤྱད་ན་ཇི་ལྟ་བུར་འགྱུར་བ་ལགས། གསང་བ་མཆོག་གི་བདག་པོས་བཀའ་སྩལ་པ། སྒྲ་ཕྱིར་འབྲེང་བའི་རྣལ་འབྱོར་དེ་ནི་ལོང་བའི་འདུ་ཤེས་ཐོབ་པར་འགྱུར་རོ། །དེ་ཡང་ཇི་ལྟར་ཡོངས་སུ་ཤེས་ཤེ་ན།
346a6 སྔོན་འདས་པའི་དུས་ང་དྲན་པ་ཐོག་མའི་ཚེ་རྒྱལ་པོ་རབ་གསལ་འཛིན་ཞེས་བྱ་བ་མཚན་མའི་རྣལ་འབྱོར་ཅན་དེ་ཤེས་རབ་ཀྱི་ཚིག་མེད་པར་སྤྱི་ཡུད་ཙམ་ལ་ལྟོས་ནས་རྣལ་འབྱོར་གྱི་ཚུལ་བཟུང་བས་དེའི་དབང་གིས་ལོག་པའི་ཁམས་སུ་ལྷུང་བ་དེ་བཞིན་དུ་ཤེས
346a7 པར་བྱའོ། །རིགས་ཀྱི་བུ་དེ་བས་ན་ཤིན་དུ་གསང་བའི་ཆོས་འདི་ནི་ཤིན་དུ་གོལ་ས་ཆེ་བས་མཉམ་པ་ཉིད་ཀྱི་དོན་ལ་གོམས་པའི་སྒོ་ནས་སྤྱོད་ཅིག་ཅེས་གསུངས་སོ། །དེ་ནས་དེའི་ཚེ་འདུས་པའི་འཁོར་ཚོགས་རྣམས་ངོ་མཚར་བར་གྱུར། རྨད་དུ་གྱུར་ཏེ། རྨད་དུ་བྱུང་བའི་ཆོ
346a8 འཕྲུལ་རྣམ་པ་དུ་མ་སྟོན་ཅིང་ཉེས་ལེགས་ཀྱི་ཁྱད་པར་དེ་དག་ལ་རབ་ཏུ་ངོ་མཚར་ནས་མགྲིན་གཅིག་ཏུ་འདི་སྐད་ཅེས་དམ་པའི་གླུ་འདི་བླངས་སོ། །ེ་མའོ་ངོ་མཚར་རྨད་ཀྱི་སྟོན་པ་གསང་མཆོག་ཀུན་དུ་བཟང་། །གསང་བ་ཀུན་གྱི་མངའ་བདག་ཡེ་ཤེས་རོལ་པའི་མཛོད། །
iiif viewer powered by OpenSeadragon
