| e-texts navigator |
| Wylie |
344a1 གེས་གསོལ་པ། གང་ཟག་ལ་ལ་དག་དོན་ལ་མཁས་པའི་རྣལ་འབྱོར་གྱི་རྗེས་སུ་འབྱུང་བ་དག་གཞན་གྱི་དཔོན་བསྟབས་ན་མི་ཤེས་བཞིན་དུ་རས་གཅོད་ཅིང་ཚུལ་འཆོས་ཤིང་སེམས་གྱ་གྱུས་སློབ
344a2 དཔོན་གྱིས་འཛིན་པའི་རྣམ་པར་སྨིན་པ་ནི་ཇི་ལྟ་བུ་ལགས། གསང་བ་མཆོག་གི་བདག་པོས་བཀའ་སྩལ་པ། སྨྲ་བའི་སེང་གེ་བླ་མའི་དོན་ལ་མཁས་པའི་རྗེས་སུ་བྱུང་བའི་མི་ཤེས་བཞིན་དུ་ཚུལ་འཆོས་ཤིང་བླ
344a3 མའི་ས་བཟུང་ནས་ཚོགས་སྐྱོང་བ་དེ་ནི་དྲེགས་པའི་རུ་ཏྲ་ཆེན་པོར་ལྟུང་བར་ངེས་སོ། །དེ་ཡང་ཇི་ལྟར་ཡོངས་སུ་ཤེས་ཞེ་ན། སྔོན་འདས་པའི་དུས་ང་དྲན་པ་ཐོག་མའི་ཚེ་བླ་མ་དོན་ལ་མཁས་པ་དག་གི་རྗེས་སུ་འབྱུང་བའི
344a4 དགེ་སློང་དྲི་མེད་སྤྱོད་པ་ཞེས་བྱ་བ་ཞིག་རྣལ་འབྱོར་གྱི་ཚུལ་འདྲ་བ་ཙམ་དུ་སྤྱོད་དེ། དེ་དོན་ལ་མཁས་པའི་བླ་མ་རྣམས་མི་བཞུགས་ནས་བླ་མ་དེ་དག་གི་ཚོམ་བུ་འབུམ་གྱི་འཁོར་རྣམས་ཀྱིས་བདག་ཅག་རྣམས་ཀྱི
344a5 བ་ལ་མའི་གདུང་འཚོབ་བར་གསོལ་ཞེས་དཔོན་བསྟབས་པས་དགེ་སློང་དྲི་མེད་སྤྱོད་པ་ཞེས་བྱ་བ་དེ་ཆེ་བའི་དྲེགས་པ་སྐྱེས་ཏེ་མི་ཤེས་བཞིན་དུ་ཚུལ་འདྲ་བ་ལོག་པར་སྤྱོད་པས་དེའི་ཚེ་དེའི་དུས་ཉིད་དུ་དགེ་སློང་ཚོམ
344a6 བུ་འབུམ་གྱི་འཁོར་དང་བཅས་པ་དྲེགས་པ་ཆེན་པོའི་རུ་ཏྲར་བསྐལ་པ་ཆེན་པོ་གྲངས་མེད་པར་སྐྱེས་སོ། །དེ་བས་ན་དེ་བཞིན་དུ་ཤེས་པར་བྱའོ། །ཡང་སྨྲ་བའི་སེང་གེས་གསོལ་པ། གང་ཟག་ལ་ལ་དག་བདག
344a7 ཉིད་ཀྱིས་ཚོགས་སྐྱོང་བའི་འཁོར་བླ་མ་གཞན་གྱིས་དབང་དུ་འགྱུར་དུ་དོགས་ནས་དགེ་བའི་སྒོ་འགེགས་པ་དག་མཆིས་ན་དེའི་རྣམ་པར་སྨིན་པ་ཇི་ལྟ་བུ་ཞིག་ལགས། གསང་བ་མཆོག་གི་བདག་པོས་བཀའ་སྩལ་པ།
344a8 སྨྲ་བའི་སེང་གེ་འཁོར་སྒོ་རིགས་དང་རྐྱེན་མཚན་སོ་སོར་བཅད་ཅིང་བླ་མ་གཞན་ལ་ཉོན་མོངས་པའི་སྒོ་འབྱེད་པ་ནི་ངན་སོང་གསུམ་གྱི་ཁ་བརྒྱུད་ཅིང་ཤོ་གམ་གཅན་ཆེན་གྱི་རིགས་སུ་སྐྱེ་བར་ངེས་སོ། །དེ་ཡང་ཇི་ལྟར
iiif viewer powered by OpenSeadragon
