| e-texts navigator |
| Wylie |
343a1 དོན་རྟོགས་ནས་གཞན་དག་ལ་སྨྲ་བར་བྱེད་པ་དེའི་ཡོན་ཏན་ཇི་ལྟ་བུ་ལགས། ལུང་བསྟན་དུ་གསོལ། གསང་བ་མཆོག་གི་བདག་པོས་བཀའ་སྩལ་པ། སྨྲ་བའི་སེང་གེ་གསང་བའི་མདོ་འདིའི་དོན་རྟོགས་ནས
343a2 གཞན་སྣོད་དང་ལྡན་པའི་འགྲོ་བ་ལ་བསྟན་ཏམ། བཤད་ན་ཆོས་ཀྱི་རྒྱལ་པོ་ཆེན་པོར་འགྱུར་ཏེ་ང་ཉིད་དང་འདྲ་བར་འགྱུར་རོ། །དེ་ཡང་ཇི་ལྟར་ཡོངས་སུ་ཤེས་ཤེ་ན། སྔོན་འདས་པའི་དུས་ང་དྲན་པ་ཐོག་མའི་རྣལ་འབྱོར་ལ་གནས
343a3 པའི་དྲང་སྲོང་ཀ་པ་ཡ་ན་ཞེས་བྱ་བས་དྲང་སྲོང་མང་པོ་རྣམས་ལ་གསང་བའི་དོན་འདི་བཤད་ཅིང་བཀྲོལ་བ་ལས་དྲང་སྲོང་མང་པོས་རིག་འཛིན་གྱི་ས་ཐོབ། སྟོན་པའི་དྲང་སྲོང་དེ་ཉིད་གསང་བའི་བདག་པོར་གྱུར་ཏོ། །དེ་བཞིན་དུ
343a4 ཡོངས་སུ་ཤེས་པར་བྱའོ། །དེ་བས་ན་གསང་སྔགས་ཆེ་བའི་ཡོན་ཏན་གྱི་ཁྱད་པར་ནི་བསམ་གྱིས་མི་ཁྱབ་པའོ། །དེ་ནས་སྨྲ་བའི་སེང་གེ་བྱེད་པ་པོ་རྡོ་རྗེ་ཀུན་དུ་བཟང་པོས་གསོལ་པ། བཅོམ་ལྡན་འདས་ཐེ་ཚོམ
343a5 ཐམས་ཅད་གཅོད་པའི་རྒྱལ་པོས་གསང་སྔགས་སྤྱད་ཉེས་པའི་སྐྱོན་གྱི་རྣམ་པ་ཞུ་བར་འཚལ་ན་གནང་བའི་སྐབས་དབྱེ་བར་གསོལ། གསང་བ་མཆོག་གི་བདག་པོས་བཀའ་སྩལ་པ། བཅོམ་ལྡན་འདས་གསང
343a6 དོན་ལ་མི་གནས་པས་གསང་སྔགས་ཀྱི་སྤྱོད་པར་ཚུལ་འཆོས་པའི་ཉེས་པ་ཇི་ལྟ་བུ་ལགས། གསང་བ་མཆོག་གི་བདག་པོས་བཀའ་སྩལ་པ། སྨྲ་བའི་སེང་གེ་གསང་བའི་དོན་ཟབ་མོས་ཡིད་ཆེས་པ་མེད་པར་ཚུལ
343a7 འཆོས་ཤིང་གཡོ་སྒྱུས་བདེན་པར་འཆོས་པ་ནི་ངན་འགྲོ་ལོག་པའི་ལམ་དུ་ལྟུང་བར་ངེས་སོ། །དེ་ཡང་ཇི་ལྟར་ཡོངས་སུ་ཤེས་ཞེ་ན། སྔོན་འདས་པའི་དུས་ང་དྲན་པ་ཐོག་མའི་ཚེ་བསྐལ་པ་ཀུན་དུ་བཀོད་པ་ཞེས་བྱ་བ
343a8 ལ་ཨ་སངས་རྒྱས་ཀྱི་ཞིང་མངོན་པར་འབྱུང་བ་ཞེས་བྱ་བ་དེར་སངས་རྒྱས་མངོན་པར་འབྱུང་བའི་རྒྱལ་པོ་ཞེས་བྱ་བ་དེ་སྐུ་མྱ་ངན་ལས་འདས་པར་གྱུར་པའི་འོག་ཏུ་བཟང་རྒྱན་ཞེས་བྱ་བའི་རྣལ་འབྱོར་དུ་ཁས་འཆེས་པ་ཅིག
iiif viewer powered by OpenSeadragon
