| e-texts navigator |
| Wylie |
341a1 ཡང་དབེན་པ་ཅིག་ཏུ་འདུག་ནས་གསང་བ་ལ་རབ་ཏུ་གདུང་བའི་ཤུགས་ཀྱིས་ངུ་ཞིང་སྨྲེ་སྔགས་ཀྱི་ཚིག་འདི་སྐད་ཅེས་སྨྲས་སོ། །ཀྱེ་མའོ་བདག་གི་ལས་འདི་ཤིན་དུ་ཕམ། །ཐོག་མ་སྐྱེས་ནས་རྒས་བར་དུ། །འབད
341a2 དེ་གསང་བའི་དོན་བཙལ་ཡང་། །གསང་བ་མ་རྙེད་ལས་རེ་ངན། །ད་ཡོངས་ཇི་ལྟར་བཙལ་ན་རྙེད། །བཙལ་ཡང་རྙེད་པར་མི་འགྱུར་ན། །ཐུགས་རྗེས་བདག་ལ་སྐྱབས་མཛོད་ཅིག་ཅེས་སྨྲས་ནས་ནམ་མཁའ་སྟོང་པ
341a3 ལས་ཆོ་འཕྲུལ་གྱི་སྒྲ་འདི་སྐད་ཅེས་གྲག་གོ། །བྲམ་ཟེའི་བུ་ནི་སྐལ་ལྡན་ཁྱོད། །ཡིད་དམ་བརྟན་པ་ཤིན་དུ་ལེགས། །ཁྱོད་ནི་དོན་གྱི་སྐལ་པ་ཅན། །ཕྱོགས་བཅུ་དུས་བཞིའི་སངས་རྒྱས་ཀྱིས། །ཁྱོད་ལ་བྱིན་གྱིས
341a4 རློབ་པ་མཛོད། །རང་ཉིད་ལྟ་བ་མ་ཡེངས་པར། །བག་ཆགས་སྦྱངས་པའི་ཐབས་དག་ལ། །མཁས་ཤིང་བརྩོན་པར་བྱ་དགོས་ཏེ། །རང་གི་ཁྲག་རྣམས་དྲངས་ནས་སུ། །དད་ཅིང་གཙང་བ་ཙན་དན་ཆུར། །དམིགས
341a5 ནས་རྒྱལ་བ་ཀུན་མཆོད་ན། །མྱུར་དུ་གསང་དོན་རྙེད་པར་འགྱུར། །ཞེས་བར་སྣང་ལ་ལུང་བསྟན་པ་ཐོས་ནས་རབ་ཏུ་དགའ་བའི་སེམས་ཀྱིས་ལུས་ཀྱི་རྩ་རྣམས་ཁྲག་དྲངས་ནས་འཕགས་པ་རྣམས་ལ་མཆོད་པ་དེ
341a6 ཉིད་དུ་གསང་བའི་དོན་མཐོང་ཏེ་རིག་འཛིན་རྒྱལ་བའི་སྲས་དམ་པར་གྱུར་པ་དེ་བཞིན་ཤེས་པར་བྱའོ། །དེ་ནས་ཡང་སྨྲ་བའི་སེང་གེས་གསོལ་པ། །བཅོམ་ལྡན་འདས་གསང་བ་མཆོག་གི་བདག་པོས་གསང་བའི
341a7 ཐེག་པ་འདིའི་སྒོར་ཞུགས་ཤིང་ཚོགས་ཀྱི་དཀྱིལ་འཁོར་དམ་པ་མཐོང་བའི་གང་ཟག་དམ་པ་དེའི་འབྲས་བུ་ཇི་ལྟ་ལགས། ལུང་བསྟན་དུ་གསོལ། །བདེ་བར་གཤེགས་པས་ལུང་བསྟན་དུ་གསོལ། །གསང
341a8 བ་མཆོག་གི་བདག་པོས་བཀའ་སྩལ་པ། གསང་བའི་ཐེག་པའི་སྒོར་ཞུགས་ཤིང་ཚོགས་ཀྱི་དཀྱིལ་འཁོར་དམ་པ་མཐོང་བའི་གང་ཟག་དེ་ནི་དངོས་གྲུབ་དུ་གྱུར་ཏོ་འཚལ་ཐམས་ཅད་ཇི་ལྟར་འདོད་པ་བཞིན་ཐོབ
iiif viewer powered by OpenSeadragon
