| e-texts navigator |
| Wylie |
340b1 ཐོས་པས་ཀྱང་ངན་འགྲོ་ལས་སྐྱོབ་པར་འགྱུར་རོ། །དེ་ཡང་ཇི་ལྟར་ཡོངས་སུ་ཤེས་ཞེ་ན། སྔོན་འདས་པའི་དུས་དྲན་པ་ཐོག་མའི་ཚེ་གསང་བའི་ཐེག་པའི་ལྷའི་གནས་རིམ་པ་གསུམ་ན་ཚུལ་བཞིན་དུ་སྤྱོད་པ་ལས
340b2 འོད་ལྡན་ཞེས་བྱ་བའི་ལྷའི་བུ་ཞིག་མི་རྟག་པའི་དུས་ལ་བབ་སྟེ་འཆི་བའི་སྔ་ལྟས་རྣམས་བྱུང་བར་གྱུར། དེ་རབ་ཏུ་མི་དགའ་བའི་འདུ་ཤེས་སུ་གྱུར་ནས་ཚེ་ཕྱི་མ་ལ་གང་དུ་སྐྱེ་སྙམ་པའི་འདུ་ཤེས་འབའ་ཞིག་སྐྱེས
340b3 བ་ལས། ལྷའི་བུ་དེ་ཉིད་མངོན་པར་ཤེས་པ་ལས་མི་གཙང་བ་ཟ་བའི་བྱོལ་སོང་གི་རིགས་སུ་སྐྱེ་བར་མཐོང་སྟེ་ཤིན་དུ་འཇིགས་པའི་སེམས་སྐྱེས་ནས་མགོན་སྐྱབས་གཞན་མེད་པར་མཐོང་སྟེ་གསང་བའི་ཐེག
340b4 པའི་མཚན་ཐོས་ནས་དེ་བཞིན་དུ་ཡིད་ལ་དྲན་པར་བྱས་སོ། །དེའི་ཚེ་འོད་ལྡན་ཞེས་བྱ་བ་ལྷའི་བུ་དེ་ངན་འགྲོའི་ལམ་དེ་ལས་གྲོལ་ཏེ་གསང་བའི་ཐེག་པ་འཛིན་པའི་གནས་ག་ལ་བ་དེར་སྐྱེས་སོ། །དེར་སྐྱེས་ནས་ཀྱང
340b5 ཚོགས་ཆེན་པོ་ལ་ལོངས་སྤྱོད་པ་སྐལ་པ་ཅན་དུ་གྱུར་པ་དེ་བཞིན་དུ་ཤེས་པར་བྱའོ། །ཡང་གསོལ་པ། གསང་བ་མཆོག་གི་བདག་པོ་གསང་བའི་ཐེག་པ་འདི་ལ་དགའ་ཞིང་མོས་པ་དང་། འདུན་པ་སྐྱེས་པའི་གང
340b6 ཟག་དེ་ནི་རྣམ་པར་སྨིན་པའི་ཡོན་ཏན་ཇི་ལྟ་བུར་འགྱུར། ལུང་བསྟན་དུ་གསོལ། གསང་བ་མཆོག་གི་བདག་པོས་བཀའ་སྩལ་པ། གསང་བའི་ཐེག་པ་འདི་ལ་དགའ་ཞིང་། མོས་པ་དང་འདུན་པ་སྐྱེད་པའི་གང
340b7 ཟག་དམ་པ་དེ་ནི་རིག་འཛིན་རྒྱལ་བའི་སྲས་དམ་པར་འགྱུར་བར་གདོན་མི་ཟའོ། །དེ་ཡང་ཇི་ལྟར་ཡོངས་སུ་ཤེས་ཞེ་ན། སྔོན་འདས་པའི་དུས་ང་དྲན་པ་ཐོག་མའི་ཚེ་བྲམ་ཟེ་རྒྱལ་བྱེད་ཅེས་བྱ་བའི་བུ་བྱམས་ལྡན་ཞེས
340b8 བ་ཡ་བ་ཞིག་གསང་བའི་ཐེག་པ་འདི་ལ་དགའ་ཞིང་མོས་ནས་འདུན་པ་སྐྱེས་ཏེ་གསང་བའི་ཐེག་པ་འདི་ཀུན་དུ་བཙལ་བས་རང་གི་སྒྲིབ་པའི་བག་ཆགས་སྟུག་པོས་གེགས་བྱས་ནས་རྙེད་པར་མ་གྱུར་ཏེ་ས་ཕྱོགས་ཤིན་ཏུ
iiif viewer powered by OpenSeadragon
