| e-texts navigator |
| Wylie |
340a1 འབུམ་གྱི་ཆར་ཡང་མི་ཕོད་དོ། ། དེ་བཞིན་དུ་གང་ཟག་ལ་ལ་ཞིག་གིས་མེ་ཏོག་ལ་སོགས་པས་སངས་རྒྱས་ཀྱི་ཞིང་ཡོངས་སུ་གང་བའི་བསོད་ནམས་དང་ཡེ་ཤེས་ཀྱི་ཕུང་པོ་གང་ཡིན་པས་འདོད་པའི་ཡོན་ཏན
340a2 ཏ་ཤོགས་ཆེན་པོ་གཅིག་གི་རྡུལ་ཕྲ་རབ་ཀྱི་ཆ་ཙམ་གྱི་བསོད་ནམས་དང་ཡེ་ཤེས་ཀྱི་ཕུང་པོ་གང་ཡིན་པ་དེ་བས་འདོད་པའི་ཡོན་ཏན་ཚོགས་ཆེན་པོ་གཅིག་གི་རྡུལ་ཕྲ་རབ་ཀྱི་ཆ་ཙམ་གྱི་བསོད་ནམས་དང་ཡེ་ཤེས་ཀྱི་ཕུང་པོ་ཁྱད་པར་དུ
340a3 འཕགས་ཏེ་འབུམ་གྱི་ཆར་ཡང་མི་ཕོད་དོ། །རིགས་ཀྱི་བུ་དེ་བས་ན་དད་པ་ཅན་གྱི་སྐྱེ་བོ་གསང་བའི་ཐེག་པ་ཉིད་དང་། གསང་བའི་ཐེག་པ་ལ་གནས་པའི་བླ་མ་འཁོར་དང་བཅས་པ་ལ་དད་པའི་སེམས་ཀྱིས་གཡོ་སྒྱུ་དང་གསོག་འཇོག
340a4 སྤངས་པ་དེའི་བསོད་ནམས་དང་ཡེ་ཤེས་ཀྱི་ཕུང་པོ་ནི་ཚད་མེད་དོ། །དེ་བསོད་ནམས་དང་ཡེ་ཤེས་ཀྱི་ཕུང་པོ་ནི་ཐམས་ཅད་མཁྱེན་པའི་སངས་རྒྱས་རྣམས་ཀྱིས་ཀྱང་བགྲང་བར་མི་ནུས་སོ། །དེ་ནས་སྨྲ་བའི་སེང་གེས
340a5 འདི་སྐད་ཅེས་གསོལ་ཏོ། །བཅོམ་ལྡན་འདས་གསང་སྔགས་ཀྱི་ཡོན་ཏན་ནི་ཚད་མ་མཆིས་སོ། །བདེ་བར་གཤེགས་པ་ཚད་མ་མཆིས་ལགས་སོ། །བཅོམ་ལྡན་འདས་འོན་ཀྱང་བདག་ཅག་ལ་སོགས་པ་དང་། མ་འོངས
340a6 པའི་འགྲོ་བ་རྣམས་དྲང་བའི་སླད་དུ་སྔོན་འདས་པའི་ལོ་རྒྱུས་ཀྱི་གཏན་ཚིགས་རྣམས་ཞུ་བར་འཚལ་ན་གནང་བའི་སྐབས་དབྱེ་བར་གསོལ། །གསང་བ་མཆོག་གི་བདག་པོས་བཀའ་སྩལ་པ། སྨྲ་བའི་སེང་གེ
340a7 ཁྱོད་ང་ལ་ཞུ་བར་སྤོབས་ཀྱིས་ཅི་དང་ཅི་འདོད་པ་དྲིས་ཤིག་དང་ངས་ཁྱོད་ལ་བཤད་པར་བྱའོ། །དེ་ནས་སྨྲ་བའི་སེང་གེས་གསོལ་པ། བཅོམ་ལྡན་འདས་གསང་བའི་ཐེག་པ་འདི་རྣ་བའི་དབང་པོས་ཐོས་པའི་ཡོན
340a8 ཏན་དང་རྣམ་པར་སྨིན་པ་ཇི་ལྟ་བུར་འགྱུར། །གསང་བ་མཆོག་གི་བདག་པོས་བཀའ་སྩལ་པ། རིགས་ཀྱི་བུ་རྣམས་ཉོན་ཅིག་།གསང་བའི་ཐེག་པ་འདི་རྣ་བའི་དབང་པོས་ཐོས་བའི་ཡོན་ཏན་ནི་མིང་ཙམ
iiif viewer powered by OpenSeadragon
