| e-texts navigator |
| Wylie |
338b1 དོ། །དེ་བས་ན་ཡང་དག་པར་རྫོགས་པའི་སངས་རྒྱས་ཉིད་དུ་བལྟ་བར་བྱའོ། །དེ་ན་དེ་བཞིན་གཤེགས་པ་སྐྱེས་བུ་འདུལ་བ་ཁ་ལོ་སྒྱུར་བ། འཇིག་རྟེན་དང་འཇིག་རྟེན་ལས་འདས་པའི་སྟོན་པ་ཆེན་པོ་ཡིན་པར་ལྟའོ། །
338b2 སེམས་ཅན་ཐམས་ཅད་ཀྱི་མགོན་དང་སྐྱབས་དང་། རྟེན་དང་། གླིང་དང་། དེད་དཔོན་དང་། འདྲེན་པ་དང་། སྒྲོལ་བའི་གྲུ་ལྟ་བུ་ཡིན་པར་ཤེས་པར་བྱའོ། །དེ་ནི་ཡེ་ཤེས་ཀྱི་སྒྲོན་མ་ཆེན་པོ་འཛིན་པ་སྟེ་དེ་བས་ན་སངས་རྒྱས་ཉིད་དུ་བལྟའོ། །
338b3 དེ་བས་ན་བླ་མ་དེ་དང་ཕྲད་པའི་གང་ཟག་རྣལ་འབྱོར་པ་དེས་ཀྱང་ཡང་དག་པར་རྫོགས་པའི་སངས་རྒྱས་ཉིད་དང་ཕྲད་པར་རིག་པར་བྱའོ། །སྨྲ་བའི་སེང་གེས་གསོལ་པ། བཅོམ་ལྡན་འདས་བླ་མ་རྡོ་རྗེ་སློབ་དཔོན་དེའི་རྗེས
338b4 སུ་འབྲང་ཞིང་གསང་བ་འདི་ལྟ་བུ་ལ་མོས་ཤིང་འཛིན་པ་དང་། རྣ་བའི་དབང་པོས་ཉན་ཅིང་གཞུང་བཞིན་དུ་སྒྲུབ་པའི་གང་ཟག་རྣལ་འབྱོར་པ་དེའི་རྣམ་པར་སྨིན་པ་ནི་ཇི་ལྟ་བུ་ཞིག་བདག་ཅག་རྣམས་ཀྱི་ཇི་ལྟར་འཚལ་བར
338b5 བགྱི། །གསང་བ་མཆོག་གི་བདག་པོས་བཀའ་སྩལ་པ། བླ་མ་དེའི་རྗེས་སུ་འབྲེང་ཞིང་གསང་བ་འདི་ལ་མོས་ཤིང་འཛིན་པ་དང་། །རྣ་བའི་དབང་པོས་ཉན་ཅིང་གཞུང་བཞིན་དུ་སྒྲུབ་པའི་གང་ཟག་རྣལ་འབྱོར་པ་དེ་ནི
338b6 གང་ཟག་འབའ་ཞིག་མ་ལགས་ཏེ། ས་ལ་བསྙེན་པ་དང་ས་ཐོབ་པའི་རྣལ་འབྱོར་པ་སྟེ། རིགས་ཀྱི་བུ་ཁྱེད་རྣམས་ཀྱིས་ཀྱང་སྤུན་དང་གྲོགས་པོ་ལྟ་བུར་ཤེས་པར་བྱའོ། །གང་ཕྱོགས་བཅུ་དུས་བཞིའི་སངས
338b7 རྒྱས་ཇི་སྙེད་པ་རྣམས་ཀྱང་རྣལ་འབྱོར་པ་དེ་ལ་ཉེ་བའི་སྲས་དམ་པར་དགོངས་ཤིང་བྱིན་གྱིས་རློབ་པར་འགྱུར་རོ། །དེ་ཅིའི་ཕྱིར་ཞེ་ན། གང་ཟག་གསང་བ་འདི་ནི་ཐོས་ཤིང་མོས་པའི་སྐལ་པ་དང་ལྡན་པ་ཡང་བསྐལ
338b8 པ་གྲངས་མེད་པའི་ཕ་མཐའ་ནས་ཚོགས་བསགས་ཤིང་སྦྱངས་པའི་མཐུས་དེས་ལྟར་འགྱུར་བར་རིག་པར་བྱའོ། །དེ་བས་ན་སྨྲ་བའི་སེང་གེ་ཁྱོད་ཉིད་ལ་སོགས་པའི་རྡོ་རྗེ་འཛིན་པ་རྣམས་དང་ཐ་མི་དད་པར
iiif viewer powered by OpenSeadragon
