| e-texts navigator |
| Wylie |
338a1 པའི་གཞུང་ཆེན་པོ་འདི་ཡི་བླ་མ་རྡོ་རྗེ་སློབ་དཔོན་སྐྱེས་བུ་དམ་པས་མ་ནོར་བར་རྟོགས་ཤིང་གཞན་དག་ལ་ཡང་མ་ནོར་བར་སྟོན་པ་དེ་ལ་བདག་ཅག་རྣམས་ཀྱིས་ཇི་ལྟར་བལྟ་བར་བགྱི། །ཇི་ལྟ་བུའི་རང་བཞིན་དུ
338a2 འཚལ་བར་བགྱི་བཅོམ་ལྡན་འདས་ལུང་བསྟན་དུ་གསོལ། བདེ་བར་གཤེགས་པ་ལུང་བསྟན་དུ་གསོལ། དེ་ནས་བཅོམ་ལྡན་འདས་གསང་བ་མཆོག་གི་བདག་པོས་གསོལ་བ་བཏབ་པ་དེ་མཁྱེན་ནས་འདི་སྐད་ཅེས
338a3 གསུངས་སོ། །སྨྲ་བའི་སེང་གེ་ང་ལ་ཞུ་བར་སྤོབས་པ་ལེགས། །རབ་ཏུ་ལེགས་ཀྱིས་ཉོན་ཅིག་།གཞུང་འདི་བླ་མ་རྡོ་རྗེ་སློབ་དཔོན་དེ་ནི་སྐྱེས་བུ་དམ་པ་འབའ་ཞིག་ཏུ་མ་ཟད་དེ། །དེ་ནི་བླ་ན་མེད་པ་ཡང་དག་པར་རྫོགས
338a4 པའི་སངས་རྒྱས་རྡོ་རྗེ་འཛིན་པ་ཉིད་དུ་བལྟ་བར་བྱའོ། །དེ་ཅིའི་ཕྱིར་ཞེ་ན། །དེ་ནི་རྡོ་རྗེ་འཛིན་པ་ཆེན་པོ་དང་། དབྱེར་མེད་ཅིང་ཐ་མི་དད་དེ། །བླ་མ་དེ་ནི་བསྐལ་པ་ཆེན་པོ་གྲངས་མེད་པའི་ཕ་མཐའ་ཡི་ཡང་ཕ་མཐའ
338a5 འ་དས་པ་ནས་རྒྱལ་བ་སངས་རྒྱས་བརྗོད་དུ་མེད་པ་ཡི་ཡང་བརྗོད་པ་རྣམས་ལ་ཚོགས་ཐམས་ཅད་ཡོངས་སུ་རྫོགས་པར་སྦྱངས་ཤིང་རང་གི་སེམས་ཀྱི་རྒྱུད་རྣམ་པར་སྦྱངས་པའི་ནུས་མཐུས་གསང་བ་འདིའི་དོན་ལ་ཡིད་ཆེས
338a6 ཤིང་གསང་བའི་དོན་འདི་ལྟ་བུའི་བླ་མ་རྡོ་རྗེ་སློབ་དཔོན་ཆེན་པོ་ཉིད་དུ་རིག་པར་བྱ་སྟེ། དེ་ནི་སངས་རྒྱས་ཉིད་དང་ཐ་མི་དད་ཅིང་བྱང་ཆུབ་ཀྱི་སེམས་ཉིད་དུ་བལྟ་བར་བྱའོ། །དེ་ལ་འདི་ནི་ཕྱོགས་བཅུ་དུས་བཞིའི་སངས་རྒྱས་མ
338a7 ལ་ཨུས་མི་ལུས་ལུས་པ་མེད་པའི་སངས་རྒྱས་ཀྱི་ཞིང་རྡུལ་ཕྲ་རབ་དང་མཉམ་པ་རྣམས་ཀྱང་སྤྱི་བོ་གཙུག་གིས་ཁུར་ཞིང་ཕྱག་འཚལ་བ་དང་མཆོད་པ་བྱེད་ཅིང་རྗེས་སུ་འབྲེང་ན་གཞན་བྱང་ཆུབ་སེམས་དཔའ་དང་རྡོ་རྗེ་འཛིན་པ
338a8 རྣམས་ལ་ཕྱག་འཚལ་ཞིང་མཆོད་པ་ཅི་ཞིག་སྨོས་ཏེ། །འཇིག་རྟེན་གྱི་མཐུ་པོ་ཆེ་རྣམས་ཀྱང་དེའི་བྲན་དུ་ཁས་ལེན་ཅིང་འཁོར་གྱི་དཀྱིལ་འཁོར་ཡང་སྐྱོང་ཞིང་ཅི་བསྒོ་བ་ཐམས་ཅད་ཀྱང་བསམ་པ་ཡིད་བཞིན་དུ་གྲུབ་པར་བྱེད
iiif viewer powered by OpenSeadragon
