| e-texts navigator |
| Wylie |
337b1 བརྟགས་པ། །ཀུན་དུ་བརྟགས་ཏེ་ཡོད་པ་མིན། །བདེན་གཉིས་རྒྱུ་དང་འབྲས་བུའི་ཚུལ། །འབྲེལ་བ་གཞན་དབང་ཡིན་པར་གསུངས། །བདེན་གཉིས་རྒྱུ་འབྲས་དབྱེར་མེད་པར། །ཡོངས་སུ་གྲུབ་པར་བདེ་གཤེགས་གསུང་། །
337b2 ཀུན་བརྟགས་ལོག་པར་ཤེས་པ་ནི། །ཤེས་པའི་མཚན་ཉིད་ཅེས་སུ་བྱ། །གཞན་དབང་ཚུལ་དུ་གོམས་བྱ་བ། །འཇུག་པའི་མཚན་ཉིད་ཅེས་སུ་བྱ། །ཡོངས་སུ་གྲུབ་ལ་གནས་བཅས་ན། །དེ་ཉིད་འབྲས་བུའི་མཚན་ཉིད་ཡིན། །
337b3 དེ་བཞིན་ཉིད་དང་ཀུན་དུ་སྣང་། །རྒྱུ་ཡི་ཏིང་འཛིན་རབ་བསྒོམས་པས། །རྫོགས་པའི་བྱང་ཆུབ་ཐོབ་པ་སྟེ། །ཡོངས་སུ་གྲུབ་པའི་བློ་གསལ་ན། །དེ་བཞིན་ཉིད་དུ་རྣམ་པར་གྲགས། །ཀུན་སྣང་སྙིང་རྗེའི་ངོ་བོ་དང་། །ཡིག་འབྲུ
337b4 ཁ་དོག་གསལ་བ་ཡི། །རྒྱུ་ཡི་ཏིང་འཛིན་གསལ་བ་ནི། །བསྐྱེད་པ་གཞན་གྱི་དབང་ཡིན་ཏེ། །དེ་ཉིད་ལོག་རྟོག་ཀུན་བརྟགས་པའོ། །དེས་ན་རྣལ་འབྱོར་སྐྱེས་བུ་ཡིས། །མཚན་མེད་ངང་ལ་གནས་བཅས་ནས། །མཚན
337b5 མའི་རྣལ་འབྱོར་བསྒོམས་པར་བྱའོ། །མཚན་མ་མེད་དང་མཚན་མ་ཡང་། །ཐ་དད་མེད་པར་ཤེས་པར་བྱ། །དེ་ལྟར་རིག་པའི་རྣལ་འབྱོར་པ། །དེ་ཉིད་ང་ཡིན་ས་ཐོབ་ཡིན། །སངས་རྒྱས་ཤེས་ཀྱང་དེ་ལ་བྱ། །སངས་རྒྱས
337b6 རྣམས་ཀྱང་མཆོད་པ་བྱེད། །བྱང་ཆུབ་སེམས་དཔའ་སྨོས་ཅི་དགོས། །འཇིག་རྟེན་ལྷ་ཀླུ་མཐུ་ཆེན་ཡང་། །དེ་ལ་མཆོད་ཅིང་བཀུར་སྟི་བྱེད། །ཕྱི་བཞིན་འབྲེང་ཞིང་དགོས་པ་སྐོང་ཞེས་གསུངས་པས། །འདུས་པའི་འཁོར་ཚོགས
337b7 རྣམས་ཀྱིས་རང་རང་གི་ལུས་ས་ལ་བརྡབས་ནས་ཨ་ལ་ལ་ཞེས་བྱ་བའི་སྒྲ་ཕྱུང་སྟེ་ཤིན་དུ་ངོ་མཚར་ཏོ། །དེ་ནས་སྨྲ་བའི་སེང་གེ་བྱེད་པ་པོ་རྡོ་རྗེ་ཀུན་དུ་བཟང་པོས་འདི་སྐད་ཅེས་གསོལ་ཏོ། །བཅོམ་ལྡན་འདས་ཐེ་ཚོམ
337b8 ཐམས་ཅད་གཅོད་པའི་བདག་པོ་མཆོག་རྒྱུད་ཀྱི་རྒྱལ་པོ་ཆེན་པོ་འདི་ཉིད་ཡེ་ཤེས་རྔམ་པ་གློག་གི་འཁོར་ལོའི་མདོ་ཆེན་པོ་ཞེས་བྱ་བ་གྱི་བ་རྒྱུད་ཀྱི་འགྲེལ་པ། རྟགས་ཀྱི་རོལ་པ། དོན་གྱི་བཀོད་པ་རྡོ་རྗེ་རྣམ་པར་རོལ
iiif viewer powered by OpenSeadragon
