| e-texts navigator |
| Wylie |
337a1 ཆོས་ཀུན་མཉམ་པར་གནས་པས་ན། །མཉམ་པ་ཞེས་སུ་བརྗོད་པ་ཡིན། །སྣོད་དང་བཅུད་དང་རྒྱུད་རྣམས་ཀུན། །དག་པས་དག་པ་གསུམ་ཡིན་ཏེ། །ཡུམ་གྱི་དབྱིངས་དང་ཡབ་ཀྱི་མཁའ། །ཡེ་ཤེས་ལྔ་ཡི་རང་བཞིན
337a2 དུ། །སྣོད་བཅུད་རྒྱུད་ཀུན་དག་པའི་ཕྱིར། །དག་པ་གསུམ་དུ་རྒྱལ་བས་གསུངས། །རྟོགས་པ་ཡང་ནི་རྣམ་པ་བཞིར། །རྣལ་འབྱོར་ནང་པ་བཞེད་པ་སྟེ། །རྒྱུ་གཅིག་པ་དང་ཡིག་འབྲུའི་ཚུལ། །བྱིན་གྱིས་བརླབས
337a3 དང་མངོན་སུམ་པས། །རྫོགས་ཆེན་དོན་ལ་འཇུག་འགྱུར་ཏེ། །རྒྱུ་ནི་བདེན་གཉིས་གཅིག་པ་རུ། །གཅིག་པས་གཅིག་པའི་མཚན་ཉིད་དང་། །སྐུ་གསུང་ཐུགས་ཀྱི་ཡི་གེ་རུ། །ཆོས་ཀུན་རང་བཞིན་རྟོགས་པ་དང་། །
337a4 སྐྱེ་མེད་དབྱིངས་ཀྱི་བྱིན་བརླབས་ལས། །ཆོས་ཀུན་སྣང་བར་ཤེས་པ་དང་། །དེ་ལྟ་བུ་ཡི་རང་བཞིན་ཏེ། །གཞན་ལ་མ་རྟེན་མི་འགལ་བར། །མངོན་སུམ་རིག་པས་ཐག་ཆོད་ན། །རྣལ་འབྱོར་ས་ལ་སླེབས་པ་ཡིན། །མ་རྟོགས
337a5 པ་ཡང་བཞི་ཡིན་ཏེ། །ཡེ་ནས་མ་རྟོགས་བླུན་པ་དང་། །ལོག་པའི་རྣམ་པར་རྟོག་པ་དང་། །ཕྱོགས་གཅིག་རྟོགས་པའི་ཁྱད་པར་དང་། །གསང་བ་དེ་ཉིད་མ་རྟོགས་པ། །དཀའ་ཐུབ་མེད་བའི་འཇིག་རྟེན་དང་། །ལོག་པར
337a6 སྤྱོད་པའི་དཀའ་ཐུབ་དང་། །ཉན་ཐོས་དམན་པའི་ལམ་པ་དང་། །བྱང་ཆུབ་ས་ལ་གནས་པ་རྣམས། །གསང་བ་དེ་ཉིད་མ་རྟོགས་པར། །བདེར་གཤེགས་རྒྱལ་བ་ཉིད་ཀྱིས་གསུངས། །དེས་ན་རྟོགས་པ་རྣམ་བཞི་ཡིས། །
337a7 རྣལ་འབྱོར་ས་ལ་བསྙེན་པ་ཡིན། །ཤེས་པ་དང་ནི་འཇུག་པ་དང་། །འབྲས་བུའི་མཚན་ཉིད་ཅེས་བྱ་བས། །ས་ལ་ཉེ་དང་སར་ཆུད་དང་། །ས་ཐོབ་འབྲས་བུ་རྣམ་པ་གསུམ། །རྒྱུ་འབྲས་ཚུལ་དུ་གནས་པ་ནི། །ནུས་མཐུར
337a8 ལྡན་པའི་ཤེས་རབ་ཀྱིས། །རིག་འཛིན་ཞིང་སྟེ་ཤེས་རབ་གསུམ། །ཡུམ་ཡང་མཚན་ཉིད་གསུམ་ཡིན་ཏེ། །ཀུན་དུ་བརྟགས་དང་གཞན་དབང་དང་། །ཡོངས་སུ་གྲུབ་པ་ཞེས་སུ་བརྗོད། །ལོག་པའི་ལམ་པས་མཐོང
iiif viewer powered by OpenSeadragon
