| e-texts navigator |
| Wylie |
335b1 ཏུ་སྡུད། །གཡོན་པ་བཅངས་ན་ཐོང་ཤིག་པའོ། །བརླ་གཉིས་མྱུག་པའི་བརྡ་དག་ཀྱང་། །གཡས་པ་ཆོས་ལ་སྦྱོར་བའི་བརྡ། །གཡོན་པ་འདོད་ཆགས་རྩོམ་པའི་བརྡ། །པུས་མོའི་ལྷ་ངའི་བརྡ་དག་ཀྱང་། །གཡོན་པ་རབ་ཏུ་འདུད
335b2 པ་ཡིན། །ཡང་ན་བཅིང་བ་ཡིན་པར་བཤད། །གཡས་པས་རབ་ཏུ་དགྲོལ་བ་ཡིན། །རྐང་པས་གཡོན་པའི་བརྡ་དག་ཀྱང་། །གཡོན་པས་ཐམས་ཅད་གནོན་པར་བྱེད། །གཡས་པས་འཇོམས་པར་བྱེད་པ་ཡིན། །མཛུབ་མོ་བསྒྲེང
335b3 བའི་བརྡ་ཚུལ་གྱིས། །ཁྲོ་བོའི་བརྡ་རུ་བཤད་པ་ཡིན། །དབང་པོ་གྱེན་དུ་བསྒྲེང་བ་ནི། །དེ་ཚེ་མཛའ་བར་འདོད་པའི་བརྡ། །ཆུང་ངུའི་རྩེ་མོ་བསྒྲེང་བ་ནི། །དེ་ཚེ་སྦྱོར་བར་འདོད་པའི་བརྡ། །སྦོམ་པོ་མངོན་པར་སྟོན་པ་ན། །བཀྲེས
335b4 ཤེས་བྱ་བའི་བརྡ་ཡིན་ནོ། །གང་ཚེ་ཤིན་དུ་མཐོར་སྟོན་ན། །མངོན་པའི་ང་རྒྱལ་བསྐྱེད་པའི་བརྡ། །ཁྲོ་མོ་ལྕགས་ཀྱུར་དྲངས་བྱས་ན། །དེ་ཚེ་ཚུར་ཤོག་བརྡ་ཡིན་ནོ། །དེ་ཉིད་ཟློག་པ་ཁྱེད་ཅིག་པའོ། །ལག་གཉིས་གར་ཐབས་བསྐོར
335b5 ནས་ཀྱང་། །སེ་གོལ་དྲག་རྡོབས་འདྲེན་པའི་བརྡ། །བསྐོར་ནས་སྦྱར་བ་ཕྱག་རྒྱའི་བརྡ། །བསྐོར་ནས་ཐལ་མོ་སྤྱི་བོར་གཞག་།འདི་ནི་མཆོད་པའི་བརྡ་ཡིན་ནོ། །བསྐོར་ནས་སྙིང་གར་གཞག་པ་ནི། །བསམ་གཏན་རྩེ་གཅིག
335b6 བརྡ་ཡིན་ནོ། །བསྐོར་ནས་གཉིས་ཀྱིས་སྟོན་པ་ནི། །མཆོད་པ་སྟོབས་པའི་བརྡ་ཡིན་ནོ། །དབང་མོ་ལྕེ་ལ་རེག་པ་ནི། །ཚོགས་མཆོད་དུས་ལ་བབ་པའི་བརྡའོ། །གར་ཐབས་བསྐོར་ནས་དབང་མོར་འཐོར། །དེ་ནས་ལྕེ་ལ་རེག་པ
335b7 ནི། །འཛའ་གད་བྲིམ་པའི་བརྡ་ཡིན་ནོ། །དེ་ལ་སོགས་ཏེ་བསམ་མི་ཁྱབ། །ངག་བརྡ་དམ་ཚིག་ཕྱག་རྒྱ་ཡང་། ། ཏི་པུ་ཞེས་བྱ་བ་ནི། །ཕྱག་འཚལ་ཞེས་པའི་བརྡ་ཡིན་ནོ། །པྲ་ཏི་པུ་ཞེས་བྱ་བ་ནི། །ཕྱག་ལན་འཚལ་བའི་བརྡ
335b8 ཡིན་ནོ། །རི་མོ་ཞེས་བྱ་གཟུགས་ཀྱི་བརྡ། །གླུ་ནི་སྒྲ་ཡི་བརྡ་རུ་བཤད། །ཚིམ་བྱེད་དྲི་ཡི་བརྡ་ཡིན་ནོ། །ར་ས་ཨ་ན་རོ་ཡི་བརྡ། །བདེ་བ་ཞེས་བྱ་རེག་པ་ཡིན། །དགའ་བ་ཞེས་པ་རབ་ཏུ་རེག་།སྦྱོར་བ་ཞེས་པ་ཆོས་སུ་བཤད། །མེ་ཏོག
iiif viewer powered by OpenSeadragon
