| e-texts navigator |
| Wylie |
333b1 པར་མི་འགྱུར་རོ། །སེམས་ཀྱིས་ཆོས་ལ་དབང་ཐོབ་ན། །རྫས་ཚིག་གང་ཟག་དབང་རྣམས་ཀུན། །མ་སྐུར་ན་ཡང་ཐོབ་པར་འགྱུར། །བསྐུར་ན་འང་ཉེས་པ་མེད་པར་བཤད། །རིག་པ་རང་དབང་ཐོབ་འགྱུར་ན། །བསྐུར་བའི་དབང
333b2 ལ་ཐོགས་པ་མེད། །དེ་ནི་དབང་གི་མཚན་ཉིད་ཡིན། །རས་ཆོད་བྱེད་ཅིང་ཚུལ་འཆོས་པའི། །དད་དང་མི་ལྡན་བརྩོན་འགྲུས་ཆུང་། །བློ་ཞན་ངེས་མེད་འཕྱར་ལ་གཡེང་། །བླ་མ་སྤུན་ལ་སྲི་ཞུ་ཆུང་། །དེ་ནི་དབང་གི་སྣོད་མ་ཡིན། །
333b3 དད་དང་ལྡན་ཞིང་བརྩོན་འགྲུས་ཆེ། །མཉན་བསམ་སློབ་ལ་མི་སྐྱོ་བ། །བླ་མ་སྤུན་ལ་བཀུར་སྟི་བྱེད། །གསང་བ་ཉན་པའི་དབང་བསྐུར་རོ། །རྣམ་བཞི་ལས་ཀྱི་དགོས་པ་ཚང་། །བྱ་བའི་ལས་ལ་མ་རྨོངས་ན། །ཀར་མ
333b4 ལས་ཀྱི་དབང་བསྐུར་རོ། །ལྟ་བས་མཉམ་པའི་དོན་རྟོགས་ན། །རྒྱལ་འཐེབ་འཆད་ཅིང་སྟོན་པའི་དབང་། །ཚད་མ་གསུམ་དང་རབ་ལྡན་ཞིང་། །རྐྱེན་ཐུབ་རྡོ་རྗེ་སློབ་དཔོན་དབང་། །ཐེག་པའི་རིམ་པ་ཐམས་ཅད་ལ། །
333b5 ཕྱོགས་རིས་མེད་ཅིང་མ་རྨོངས་ན། །རབ་འབྱམས་རྒྱལ་པོའི་དབང་ཐོབ་པའོ། །རྐྱེན་ཐུབ་བརྟུལ་ཞུགས་ཆེ་བ་དང་། །སྐྱོན་རྣམས་སྤངས་ཤིང་དམ་ཚིག་ལྡན། །གསང་བ་སྒྲུབ་པའི་དབང་ཐོབ་པའོ། །དང་པོ་གསང་བ་ཉན་པའི་དབང་། །རིན
333b6 ཆེན་རིགས་ཀྱི་རྣ་བ་ལའོ། །དེ་ནས་རྡོ་རྗེ་ལས་ཀྱི་དབང་། །ལས་ཀྱི་རིགས་ཀྱི་ཡན་ལག་ལའོ། །དེ་ནས་གསང་བ་སྒྲུབ་པའི་དབང་། །རྡོ་རྗེ་རིགས་ཀྱིས་སྙིང་གར་རོ། །དེ་ནས་རྒྱལ་འཐེབ་རྒྱལ་པོའི་དབང་། །སངས་རྒྱས་རིགས་ཀྱིས
333b7 སྤྱི་བོ་ལའོ། །དེ་ནས་གསང་བ་འཆད་པའི་དབང་། །པད་མའི་རིགས་ཀྱིས་ལྕེ་ལ་བསྐུར། །དེ་ནས་རབ་འབྱམས་རྒྱལ་པོའི་དབང་། །ཡན་ལག་རིགས་ལྔས་དབང་བསྐུར་རོ། །དང་པོ་གསུམ་པ་བདག་གི་དོན། །གཉིས་པ་བཞི་པ་གཉིས
333b8 ཀ་སྟེ། །ལྔ་པ་དྲུག་པ་གཞན་དོན་དུ། །དབང་མཆོག་བསྐུར་བའི་གོ་རིམ་ཡིན། །རྣམ་གྲངས་གོ་རིམ་མཚན་ཉིད་ནི། །དང་པོར་ཕྱི་ཡི་དབང་བཅུ་བསྐུར། །དེ་ནས་ནང་དབང་བཅུ་དང་གཅིག་།དེ་ནས་སྒྲུབ་པའི་བཅུ་དང་གསུམ། །ཐ་མར
iiif viewer powered by OpenSeadragon
