| e-texts navigator |
| Wylie |
332b1 འདས་གསང་བ་མཆོག་གི་བདག་པོ་དེ་དེ་བཞིན་ཉིད་ཀྱི་ངང་ལ་མི་གཡོ་བར་བརྣལ་བཞིན་དུ་ཆོ་འཕྲུལ་འབྱུང་བའི་གླུ་འདིས་རྣམ་པར་བསྐུལ་ལོ། །ེ་མའོ་མི་དམིགས་ཆོས་དབྱིངས་དག་པ་ལས། །འབར་བའི་སྐུ་མཆོག་བདག་ལ་བསྟན
332b2 དུ་གསོལ། །རོལ་པའི་ཆོ་འཕྲུལ་མི་ཟད་རྒྱན་དུ་ཆེ། །དོན་ལ་རྔམ་པའི་སྤྱོད་པས་རོལ་ཏུ་གསོལ། ། ལ་ལ་ཧོ་ཞེས་བསྐུལ་བས་བསྐུལ་བར་ཐུགས་སུ་ཆུད་ནས་སྐུ་ཉི་མའི་སྙིང་པོ་ལྟ་བུ་མངོན་དུ་ཕྱུང་སྟེ་ཆོ་འཕྲུལ་རྣམ་པར་འཕྲུལ
332b3 བས་སྣོད་བཅུད་དང་སའི་ཁྱད་པར་ཐམས་ཅད་ལ་སྣང་བར་མཛད་པའོ། །དེ་ནས་སྨྲ་བའི་སེང་གེ་བྱེད་པ་པོ་རྡོ་རྗེ་ཀུན་ཏུ་བཟང་པོས་མཆོད་པ་རྒྱས་པ་དེ་ཁོ་ན་ཉིད་ཀྱིས་མངོན་པར་མཆོད་དེ་བརྐྱང་ཕྱག་བཙལ་ནས་གསོལ་བ་བཏབ་པ།
332b4 ཨེ་མའོ་གསང་མཆོག་དག་པའི་བདག་།ཡེ་ཤེས་ཤེས་བགྱི་ཇི་ལྟར་ལགས། །རྔམ་པ་ཞེས་ནི་གང་ལ་བགྱི། །གློག་ཕྲེང་ཞེས་པ་ཇི་ལྟར་ལགས། །འཁོར་ལོ་ཞེས་པ་ཇི་ལྟ་བུ། །མདོ་ཡི་དོན་ནི་ཇི་ལྟར་ལགས། །བཅོམ་ལྡན
332b5 འདས་ཀྱིས་བཤད་དུ་གསོལ། །ཞེས་གསོལ་བ་བཏབ་པ། །གསང་བ་མཆོག་གི་བདག་པོས་གསོལ་བ་བཏབ་པ་ཐུགས་སུ་ཆུད་ནས་ཡེ་ཤེས་སྙིང་པོ་ཅན་རྣམས་ཉོན་ཅིག་།ཡེ་ཤེས་ཡེ་ཤེས་ཤེས་བྱ་བ། །ཤེས་དང་ཤེས་བྱ་ཐ་དད་མིན། །
332b6 རིག་པའི་ངོ་བོ་རྣམ་པ་ལྔ། །སྟོང་ཉིད་སྙིང་རྗེ་དབྱེར་མེད་པས། །བྱང་ཆུབ་སེམས་སུ་རྒྱལ་བས་གསུངས། །དྲེགས་པ་འདུལ་ཞིང་ནན་ཐུར་གྱིས། །ཐོགས་ཆགས་མེད་པའི་བརྟུལ་ཞུགས་པས། །སྔགས་སྤྱོད་རྔམ་པའི
332b7 ཁྱད་པར་དེ། །རྔམ་པས་རྔམ་པའི་མཚན་ཉིད་ཡིན། །གློག་ནི་མྱུར་དུ་འཇུག་པའི་ཕྱིར། །འཇུག་པའི་ཡན་ལག་བཞི་དག་དང་། །སྡོམ་དང་ལས་བཞིའི་ཁྱད་པར་གྱིས། །དངོས་གྲུབ་ལས་ལ་མྱུར་འཇུག་པའོ། །རང་བཞིན་ཏིང
332b8 འཛིན་གཟུགས་བརྙན་དང་། །ཕྱག་རྒྱ་དངོས་གྲུབ་འབྲེལ་བཅས་ནི། །འཁོར་ལོ་ཞེས་སུ་རྒྱལ་བས་གསུངས། །དེ་བས་མིང་ནི་དོན་འཐུན་གྲགས། །རིག་ཅིང་གསལ་བའི་ངོ་བོ་བས། །ཡེ་ཤེས་ཤེས་སུ་བརྗོད་པ་ཡིན། །རྔམ་པ་ཞེས་པ
iiif viewer powered by OpenSeadragon
