| e-texts navigator |
| Wylie |
332a1 རྣམས་ཀྱི་རྟེན་པའི་གནས། །མ་རུངས་འདུལ་གཙོ་ཁྱོད་ལ་འདུད། །ེ་མའོ་སྣང་དང་མི་སྣང་བརྟན་གཡོ་ལ་སོགས་ཆོས་ཀུན་ཉིད་ཀྱི་སྒྱུ་འཕྲུལ་དྲ་བ་འཁྲུལ་ལ་སྣང་། །བསམ་ཡས་བསམ་དཔག་ལས་འདས་ཆོས་ཀུན་ངོ་མཚར་རྨད
332a2 བྱུང་ཆོ་འཕྲུལ་སྣ་ཚོགས་ཀུན་དུ་སྣང་། །རྟོག་མེད་མཉམ་ཉིད་དབྱིངས་ལས་ཅི་སྲིད་འཕྲུལ་ཀྱང་དབྱིངས་ལ་གཡོས་པ་རྡུལ་གྱི་ཆ་ཙམ་མེད། །དོན་དམ་བདེན་པའི་ཆོ་འཕྲུལ་ཀུན་རྫོབ་གསང་སྔགས་ཆེ་བའི་ཁྱད་པར་རྨད་འབྱུང་ཨེ་མའོ་ངོ་མཚར
332a3 ཆེ། །ཞེས་མགྲིན་གཅིག་ཏུ་གསོལ་བ་བཏབ་སྟེ། འདུས་པའི་འཁོར་ཚོགས་རྣམས་ལ་ལ་ནི་བྱང་ཆུབ་སེམས་ཀྱི་མཚན་ཉིད་ལ་སེམས་ཤིང་ཅང་མི་སྨྲ་བར་འཁོད་དོ། །ལ་ལ་ནི་དཀྱིལ་འཁོར་རྣམས་རིམ་གྱིས་དགོད། ལ་ལ་ནི
332a4 ལྷུན་གྱིས་གྲུབ་པའི་གར་དང་ཕྱག་རྒྱ་ཉེ་བར་སྟོན། ལ་ལ་ནི་གསང་སྔགས་ཀྱི་སྒོ་ཟབ་མོ་བསྙེན་བསྒྲུབ་རྣམ་པ་བཞིར་འཇུག་ཅིང་མི་ལྡོག་།ལ་ལ་ནི་ངོ་མཚར་རྨད་དུ་བྱུང་བའི་ཆེ་བ་དག་སྟོན། ལ་ལ་ནི་གསང་སྔགས་ཀྱི་དམ་ཆིག
332a5 སྙིང་ལ་གནས་པར་སྡོམ། ལ་ལ་ནི་བརྟུལ་ཞུགས་ཟབ་མོ་ལ་འཇོལ་ཉག་ཏུ་རོལ། ལ་ལ་ནི་གདུག་པའི་ཚོགས་ཉེན་ཅིང་ཚར་གཅོད། ལ་ལ་ནི་རྨུགས་པ་དང་། རེངས་པ་དང་། འདོད་གཟིར་དང་། དྲེགས་པ་རྣམས་དང་། སྦྱོར་བའི
332a6 ལས་ཀྱི་རོལ་པས་དགྱེས། ལ་ལ་ནི་ནན་ཏུར་གྱི་ཆེ་བ་སྟོན་ཅིང་ལིང་ལོང་ཕྱད། ཐམས་ཅད་བླ་འཁྱལ་བའི་སྤྱོད་པ་ཅན་དུ་གྱུར་ཏོ། །བཅོམ་ལྡན་འདས་གསང་བ་མཆོག་གི་བདག་པོ་ནི་ཡུམ་རྔམ་པ་ཀྲོ་དྷིའི་རྒྱལ་མོ་དང་གཉིས་སུ་མེད་པར
332a7 དེ་བཞིན་ཉིད་ཀྱི་དབྱིངས་ལ་དགོངས་ཤིང་ཅང་མི་གསུང་བར་གྱུར་ཏོ། །འཕགས་པ་རྒྱུད་ཀྱི་རྒྱལ་པོ་ཡེ་ཤེས་རྔམ་པ་གློག་གི་འཁོར་ལོའི་མདོ་ཞེས་བྱ་བ་ལས་ནན་ཏུར་གྱི་ལས་རིམ་པར་ཕྱེ་བའི་ལེའུ་སྟེ། བཅུ་དྲུག་པའོ། རྫོགས་སྷོ།། །།
332a8 རྒྱ་གར་གྱི་མཁན་པོ་བཛྲ་བི་ཤྭ་མི་ཏྲ་དང་ཞུས་ཆེན་གྱི་ལོ་ཙྪ་བ་པ་གོར་བཻ་རོ་ཙ་ན་རཀྵི་ཏས་བསྒྱུར་ཅིང་ཞུས་ཏེ་གཏན་ལ་ཕབ་པའོ།། །།དེ་ནས་ཡང་སྨྲ་བའི་སེང་གེ་བྱེད་པ་པོ་རྡོ་རྗེ་ཀུན་ཏུ་བཟང་པོས་བཅོམ་ལྡན
iiif viewer powered by OpenSeadragon
