| e-texts navigator |
| Wylie |
331b1 ན། །གསད་སྟེ་དབྱེ་བར་གདོན་མི་ཟ། །གལ་ཏེ་མནན་པའི་ལས་བྱས་ན། །དགུག་པ་དེ་ཉིད་སྦྱར་བྱས་ཏེ། །མངོན་སུམ་ཁུགས་པར་གྱུར་པ་དང་། །དེ་སྟེང་དབང་ཆེན་རིམ་པར་བསྐྱེད། །རི་རབ་སྟེང་དུ་བསྒོམ་པ་ནི། །ལས་ཀྱི་ལྷ་སྟེ་དོན་ཡོད
331b2 གྲུབ། །རྡོ་རྗེ་རྒྱ་གྲམ་བརྗིད་ལྡན་པས། །བསྐལ་པ་ཡུན་དུ་གནོན་པར་བསམ། །གཟུགས་བརྙན་ཐོད་པ་གང་བར་གཞུག་།ལམ་གྱི་བཞི་མདོར་དེ་བཞིན་བྱ། །དེས་ནི་རབ་ཏུ་མནན་པར་འགྱུར། །གལ་ཏེ་བཅིང་བར་འདོད་པ་ན། །དགུག
331b3 པ་དེ་ཉིད་སྦྱར་བྱས་ཏེ། །མཚན་མ་མིང་དུ་བཅས་པ་དེ། །ཚོན་སྐུད་སྣ་ལྔས་མགོ་ལུས་དཀྲི། །རྡོ་རྗེ་སྒྲོག་གིས་བཅིངས་བསམས་ནས། །ཐོད་པ་མ་ཉམས་ནང་དུ་གཞུག་།ལམ་གྱི་བཞི་མདོ་འམ་དུར་ཁྲོད་དུ། །སྦས་ན་ངེས་པར་བཅིངས
331b4 པར་འགྱུར། །གཞན་ཡང་གསད་པའི་བརྟུལ་ཞུགས་ནི། །ཁྲག་དང་དྲི་ཆུ་བཤང་གཅི་ཡིས། །གཤེར་བར་བྱས་པའི་གོས་གྱོན་ཏེ། །ཁྲོ་བོའི་རྒྱལ་པོས་སྦྱར་བྱས་ནས། །རྐང་པས་གཟུགས་བརྙན་མནན་ནས་ནི། །ཁྲོས་བས་གསང
331b5 སྔགས་བརྒྱ་རྩ་བརྒྱད། །རྫོགས་པར་འདས་ན་ངེས་པར་འཆི། །ཐལ་བའི་སྐྱོ་མ་སྦངས་པ་འམ། །སྐྲ་བཤིག་གཅེར་བུར་ཕུད་པ་འང་རུང་། །དེ་ལྟ་བུ་ཡི་སྦྱོར་བ་ཡིས། །སངས་རྒྱས་དག་ཀྱང་འཆི་འགྱུར་ན། །ཁམས་གསུམ་སྐྱེ་བོ་སྨོས
331b6 ཅི་དགོས། །ཞེས་གསུངས་པས་འདུས་པའི་འཁོར་ཚོགས་ཐམས་ཅད་འཇིགས་སྐྲག་སྟེ། །རང་རང་གི་སྟན་ལ་ལངས་ནས་ལུས་ས་ལ་བརྡབས་པའི་ཕྱག་རྣལ་འབྱོར་གྱི་ལུགས་སུ་བྱས་ཏེ། །ཆོ་འཕྲུལ་རྣམ་པ་དུ་མ་བསྟན་ནས
331b7 ངོ་མཚར་རྨད་དུ་བྱུང་བའི་རྡོ་རྗེ་ཚིག་གིས་བསྟོད་པ། །ེ་མའོ་ངོ་མཚར་ཡ་མཚན་གྱི། །ཆོ་འཕྲུལ་ཀུན་གྱི་འབྱུང་གནས་གཙོ། །ངོ་མཚར་ཀུན་གྱི་བདག་པོ་མཆོག་།རྡོ་རྗེ་རྒྱལ་ལ་ཕྱག་འཚལ་འདུད། །བྱང་ཆུབ་སེམས་དཔའ
331b8 དཀྱིལ་འཁོར་དང་། །ཕྱག་རྒྱ་བསྙེན་བསྒྲུབ་བསྒྲུབ་པ་དང་། །སྡོམ་དང་གསལ་ཞུགས་ལས་རྣམས་དང་། །ནན་ཏུར་བདག་པོ་ཁྱོད་ལ་འདུད། །ཁྱོད་ནི་སངས་རྒྱས་ཀུན་གྱི་ཡབ། །དེ་བཞིན་རྒྱལ་སྲས་སྙིང་པོར་འགྱུར། །བདག་ཅག
iiif viewer powered by OpenSeadragon
