| e-texts navigator |
| Wylie |
331a1 གསུངས། །ལས་འདི་བྱས་ན་ངེས་པར་ཡང་། །ལྷ་ཡིས་བསྲུངས་ཀྱང་འཆི་བར་འགྱུར། །གལ་ཏེ་སྐམ་པའི་ལས་བྱས་ན། །དགུག་པ་དེ་ཉིད་སྦྱར་བྱས་ཏེ། །དེ་ཡི་མིང་ནས་སྨོས་ནས་ནི། །གཟུགས་དེ་དུག་གི་ཚེར་མས
331a2 དབུག་། དུག་དང་སྐྱེ་ཚེ་ལན་ཚྭ་དང་། །འབྲུ་མར་ཚྭ་བར་རབ་བསྲེས་ཏེ། །ཚ་བའི་རིམས་ཀྱིས་གདབ་པའི་ཕྱིར། །དེ་ཡི་ལུས་ནང་གང་བར་དགང་། །ཚེར་མའི་མེ་ལ་བསྐམ་པར་བྱ། །མཚན་མ་མིང་དུ་བཅས་པ་སྟེ། །ཁམ་ཕོར
331a3 རམ་ནི་ཐོད་པར་གཞུག་། དགྲ་ཡི་སྒོ་གར་གནན་བྱས་ན། །སྐམ་པར་འགྱུར་བ་གདོན་མི་ཟ། །ཡང་ན་ཚ་བས་བཏབ་པར་འགྱུར། །གལ་ཏེ་གནས་ནས་སྤོ་བྱ་ན། །ཏིང་འཛིན་ལྡན་པའི་རྣལ་འབྱོར་པས། །དགུག་པ་དེ་ཉིད་སྦྱར
331a4 བྱས་ཏེ། །རྡོ་རྗེ་མིག་གིས་མཐོང་བ་དང་། །རླུང་གི་དཀྱིལ་འཁོར་སྟེང་དག་ཏུ། །རྡོ་རྗེ་རྔ་མོ་རབ་བསམས་ཏེ། །དེ་ཉིད་རྒྱབ་ཏུ་བསྐྱོན་ནས་ནི། །རྡོ་རྗེ་ཁྲོ་བོ་འབར་བ་ཡིས། །གཤིན་རྗེའི་ཕྱོགས་སུ་ཁྲིད་པ་དང་། །གཞན་གྱིས་བརྡེག
331a5 པའི་ཐབས་སུ་སྦྱར། །རལ་གྲིས་རྒྱུ་མ་གཏུབས་པ་དང་། །བྱ་རོག་འུག་པ་བྱ་རྒོད་ཀྱིས། །ཟ་ཞིང་འཐོག་པར་རྣམ་བསམས་ནས། །དེ་ཡི་མིང་ནས་བསྐུལ་བྱས་ན། །དེས་ནི་མྱུར་དུ་སྐྲོད་པར་འགྱུར། །རྡོ་རྗེ་མི་འཆི་ལས་ཀྱིས་སྦྱར། །ཡང
331a6 ན་རྐང་རྗེས་ས་དང་ནི། །ཤིང་ལོ་རླུང་གིས་གཙུབས་པ་ལ། །མཚན་མ་མིང་དུ་བཅས་པར་བྱ། །མིང་ནས་དྲག་ཏུ་བསྐུལ་བྱ་ཞིང་། །རྡོ་རྗེ་འབར་བའི་ཁྲོ་བོ་ཡིས། །གཤིན་རྗེའི་དྲུང་དུ་ཁྲིད་པ་དང་། །བགེགས་ཀྱི་དྲུང་དུ་མནན་བྱས་ན། །དེས
331a7 ཀྱང་བསྐྲད་པའི་ལས་སུ་འགྱུར། །ཡང་ན་དགྲ་ཡི་སྒོ་ག་རུ། །ཐོད་པ་མ་གས་མ་ཆག་པར། །རྡོ་རྗེ་སྔགས་ཀྱི་ཚིག་བྲིས་ཏེ། །རྡོ་རྗེ་མི་འཆི་རྣམ་པར་བསྒོམ། །དགྲ་ཡི་སྒོ་རུ་བཞག་ན་ནི། །བསྐྲད་པར་འགྱུར་བ་གདོན་མི་ཟ། །གལ་ཏེ
331a8 དབྱེ་བའི་ལས་བྱས་ན། །ཁྲོ་བོའི་སྔགས་དང་མིང་སྤེལ་ཏེ། །འུག་པའི་སྒྲོ་ལ་བྲིས་ནས་ནི། །བྲམ་ཟེ་འམ་དགེ་སྦྱོང་སྐྲས་དཀྲིས་ཏེ། །ལམ་གྱི་བཞི་མདོར་བརྐོས་ཏེ་གཞུག་།དེ་ལ་རྡོ་རྗེ་ཁྲོ་བོ་གཉིས། །འཐབ་ཅིང་རྩོད་པར་རྣམ་བསམས
iiif viewer powered by OpenSeadragon
