| e-texts navigator |
| Wylie |
328b1 ཀྱིས་འཇོམས་པར་བྱེད། །ཝ་གདོང་ཚོགས་ཀྱིས་རོལ་པར་བྱེད། །ཁྱི་གདོང་ཚོགས་ཀྱིས་གསོད་ཅིང་ཟ། །རྒོད་གདོང་ཚོགས་ཀྱིས་རྒྱུག་པར་བྱེད། །དུར་བྱས་རྣམ་པར་འདྲེན་པར་བྱེད། །བྱ་རོག་ཚོགས་ཀྱིས་དབང
328b2 དུ་འདུ། །འུག་གདོང་ཚོགས་ཀྱིས་འདྲེན་ཅིང་ལྟ། །གཤེད་པོས་འགུགས་ཤིང་སྒྲོལ་བར་བྱེད། །བདུད་རྩི་འཁྱིལ་པས་སྐྲོད་པར་བྱེད། །གཞན་གྱིས་མི་ཐུབ་མངག་གཞུག་བྱེད། །རྟ་ཡིས་དུག་རྣམས་འཇོམས
328b3 པར་བྱེད། །དབྱུག་སྔོན་ཅན་གྱིས་གསོད་པར་བྱེད། །སྟོབས་ཆེན་ཆར་འབེབས་བྱེད་པའི་མཆོག་།མི་གཡོ་བས་ནི་སྐྲག་ཅིང་འཁྲུག་།རྡོ་རྗེ་ཧཱུ~ཾ་གིས་འཆིང་བར་བྱེད། །རྣམ་པར་རྒྱལ་བས་གནོན་པར་བྱེད། །
328b4 ཁམས་གསུམ་བདག་པོས་འཇོམས་པར་བྱེད། །འཕྲ་མེན་ཚོགས་རྣམས་མང་པོ་ཀུན། །མངག་གཞུག་ཕོ་ཉའི་ལས་རྣམས་བྱེད། །སླས་དང་བྱི་མོའི་ཚོགས་རྣམས་ཀྱིས། །ཐམས་ཅད་ཐམས་ཅད་བྱེད་པར་འགྱུར། །
328b5 མདོར་ན་ལྷའི་རྣལ་འབྱོར་ནི། །ཅིས་འདུལ་ཐབས་ཀྱིས་དེ་ལྟར་རོ། །ཡིད་འོང་བཀྲ་ཤིས་དབེན་པ་རུ། །རྡོ་རྗེ་ཞི་བ་སྒྲུབ་པར་ཤིས། །མེ་ཏོག་ནགས་ཚལ་སྐྱེད་མོས་ཚལ། །ཉམས་དགའ་བར་ནི་རྒྱས་པར་ཤིས། །
328b6 ཁ་དོག་དམར་ཞིང་གཅོང་རོང་མང་། །རི་བོར་གནས་སུ་དབང་དུ་བྱ། །སུམ་མདོ་གྲོག་གླེ་རྐང་གཅིག་དྲུང་། །རྩུབ་པའི་གནས་སུ་དྲག་པོ་བྱ། །སྔ་དྲོ་ཞི་བ་གུང་ལ་རྒྱས། །སྲོད་ལ་དབང་བྱ་གུང་ལ་ནི། །དྲག་པོའི་ལས
328b7 རྣམས་བརྩམ་པར་བྱ། །རྫས་དང་བསྲེག་བྱའི་རྫས་རྣམས་དང་། །དཀར་ཞིང་དམར་བའི་རྫས་རྣམས་དང་། །ཞོ་དང་ལྡན་པའི་ཞིང་དག་གི། །རྩེ་མོ་ལས་བྱས་ཞི་བའི་རྫས། །སེར་ཞིང་ཁ་བའི་རོར་ལྡན་པའི། །
328b8 བར་གྱི་ཤིང་ལས་བྱས་པ་ཀུན། །རྒྱས་པའི་ལས་སུ་བསྔགས་པ་ཡིན། །སྐྱུར་ཞིང་ཁ་དོག་དམར་བ་དང་། །དྲུངས་པ་ལས་བྱས་ཤིང་གི་རྣམས། །དབང་གི་ལས་སུ་རབ་ཏུ་གྲགས། །གནག་ཅིང
iiif viewer powered by OpenSeadragon
