| e-texts navigator |
| Wylie |
328a1 ཡིད་དུ་འོང་བར་བྱེད། །བྱམས་པས་ཆོས་ཀྱི་འཁོར་ལོ་བསྐོར། །སྒྲིབ་པ་སེལ་བས་རྣམ་དག་བྱེད། །ཀུན་དུ་བཟང་པོས་ནོར་སྒྲུབ་བྱེད། །འཇམ་དཔལ་ཤེས་རབ་རྣོ་བར་བྱེད། །སྒེག་མོས་སངས་རྒྱས་མཚན་རྣམས
328a2 འགྲུབ། །ཕྲེང་བས་རྒྱན་དང་ལྡན་པ་དང་། །སངས་རྒྱས་ཡུལ་དུ་ཕྱིན་པར་བྱེད། །གླུ་ཡིས་དབྱངས་སྙན་གྲུབ་པར་བྱེད། །རིག་མ་དག་དང་ལྷན་ཅིག་རྩེན། །གར་གྱི་ཕྱག་རྒྱ་གར་མཆོག་དང་། །སངས་རྒྱས་རྣམས་དང
328a3 ལྷན་ཅིག་འགྲོགས། །བདུག་པས་ཡིད་འོང་དངོས་གྲུབ་ཐོབ། །མེ་ཏོག་རབ་དགྱེས་མཛེས་པར་བྱེད། །དཱི་བས་འོད་གསལ་མདངས་དང་ལྡན། །དྲི་ཡི་དྲི་ང་དག་པར་བྱེད། །ལྕགས་ཀྱུའི་ས་ནི་སྤྱན་དྲང་དང་། །
328a4 རྡོ་རྗེས་དགུག་པའི་ལས་རྣམས་བྱེད། །ཞགས་པས་འདྲེན་ཅིང་འཆིང་བར་བྱེད། །སྒྲོག་གིས་དབང་དུ་བྱེད་ཅིང་སྡོམ། །དྲིལ་བུས་དགྱེས་སྒྲོལ་དབབ་པར་བྱེད། །བྱེད་པ་པོ་དང་བྱ་བ་མོས། །ཐམས་ཅད་ཐམས་ཅད
328a5 ཀུན་ལ་སྦྱོར། །རྡུལ་སྙེད་དབང་པོ་དྲུག་རྣམས་ཀྱིས། །ཅིས་འདུལ་ཐབས་ཀྱིས་སྣ་ཚོགས་བྱེད། །ཁྲག་འཐུང་ཆེན་པོས་གཏི་མུག་འཇོམས། །ཁྲག་འཐུང་རྡོ་རྗེས་ཞེ་སྡང་འཇོམས། །རིན་ཆེན་ཧེ་རུས་ང་རྒྱལ་འཇོམས། །
328a6 པད་མ་ཧེ་རུས་འདོད་ཆགས་འཇོམས། །ལས་ཀྱི་ཧེ་རུས་ཕྲག་དོག་འཇོམས། །ཁྲག་འཐུང་ཆེན་པོས་ཐིམ་པར་བྱེད། །བཛྲ་ཀྲོ་དྷིས་འཁྱུད་པར་བྱེད། །རཏྣ་ཀྲོ་དྷིས་སྦྱོར་བར་བྱེད། །པདྨ་ཀྲོ་དྷིས་སྐྱོད་པར་བྱེད། །
328a7 ཀརྨ་ཀྲོ་དྷིས་འབེབས་པར་བྱེད། །དཀར་མོའི་ཚོགས་ཀྱིས་འགུགས་པར་བྱེད། །རྐུན་མོའི་ཚོགས་ཀྱིས་མཐུ་འཕྲོག་བྱེད། །རྨོངས་མའི་ཚོགས་ཀྱིས་མྱོས་པར་བྱེད། །ཐལ་བྱེད་མས་ནི་ཐལ་བར་རློག་།ལྦོས
328a8 མོའི་ཚོགས་ཀྱིས་དབང་དུ་བྱེད། །གཏུམ་མོས་སྒྲོལ་ཞིང་མྱོས་པར་བྱེད། །སྨེ་ཤ་ཅན་གྱིས་ཟ་བར་བྱེད། །མ་ཚོགས་མས་ནི་རྒྱུད་འཕེལ་བྱེད། །སེང་གདོང་ཚོགས་ཀྱིས་ཟིལ་གྱིས་གནོན། །སྟག་གདོང་ཚོགས
iiif viewer powered by OpenSeadragon
