| e-texts navigator |
| Wylie |
327b1 བ་མཆོག་གི་བདག་པོ་ཆེན་པོས་ཕྲིན་ལས་རྒྱ་མཚོ་ལྷུན་གྱིས་གྲུབ་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །ཞུགས་ནས་ཡང་འདུས་པའི་འཁོར་རྣམས་ལ་འདི་སྐད་ཅེས་གསུངས་སོ། །འདུས་པའི
327b2 འཁོར་རྣམས་ཉོན་ཅིག་། བཙལ་མེད་ལྷུན་གྲུབ་དཀྱིལ་འཁོར་ལས། །ཕྲིན་ལས་རྒྱ་མཚོ་བསམ་ཡས་ཀྱང་། །རྣལ་འབྱོར་དགོས་པའི་དབང་དག་ཏུ། །ལས་བཞི་དག་ཏུ་རྒྱལ་བས་གསུངས། །དང་པོ་ཞི་བའི
327b3 ལྷ་ཡིན་ཏེ། །གཉིས་པ་རྒྱས་པ་ཞེས་སུ་བྱ། །གསུམ་པ་དབང་དུ་སྡུད་པའི་ལས། །བཞི་པ་དྲག་པོའི་ལས་སུ་གསུངས། །དེ་དག་ལྷ་ཡི་དཀྱིལ་འཁོར་དང་། །གནས་དང་དུས་དང་རྫས་རྣམས་དང་། །དབྱིབས་དང་ཁ
327b4 དོག་མཎ་ཌལ་དང་། །ཡུལ་དང་ཏིང་ངེ་འཛིན་དག་དང་། །ཕྱོགས་དང་སྟན་དང་འདུག་སྟངས་དང་། །ཐོ་བ་ཕུར་པ་གཏོར་མ་དང་། །བཟླས་བརྗོད་ཧོམ་དང་བསྐུལ་ཚིག་དང་། །འཁོར་ལོ་མེ་ལྷའི་མཚན་ཉིད་དང་། །ཡུལ་དང
327b5 གྲུབ་པའི་འབྲས་བུ་སྟེ། །བཅུ་གཉིས་དང་ནི་གཉིས་དག་གིས། །བྱ་བ་ཐམས་ཅད་རྫོགས་པར་གསུངས། །ཡ་ནི་ཞི་བའི་མཚན་ཉིད་དེ། །མ་ཞེས་བྱ་བ་རྒྱས་པ་ཡིན། །དབང་དུ་སྡུད་པ་བ~ཾ་དུ་བཤད། །ེ་ཉིད་དྲག་པོའི
327b6 མཚན་ཉིད་དོ། །ལྷ་ཡི་རྣལ་འབྱོར་རིམ་པ་ཡང་། །རྡོ་རྗེ་སེམས་དཔའ་ཞི་དྲག་བྱ། །རྣམ་སྣང་མཛད་དང་རིན་ཆེན་འཛིན། །རྒྱས་པའི་ལས་ནི་བྱེད་པར་འགྱུར། །སྣང་བ་མཐའ་ཡས་རྒྱས་པ་དང་། །དབང་གི
327b7 ལས་ནི་བྱེད་པར་འགྱུར། །གདོན་མི་ཟ་བས་ལས་ཀུན་བྱེད། །ཡང་ན་དྲག་པོ་ཉིད་ལའོ། །ཀུན་དུ་བཟང་པོས་ཅི་ཡང་བྱེད། །སྤྱན་ནི་ཞི་བའི་མཆོག་ཡིན་ཏེ། །བསྲུང་བ་མཱ་མ་ཀི་ཡིས་བྱེད། །གོས་དཀར་ཅན་གྱིས
327b8 དབང་དུ་བྱེད། །སྒྲོལ་མ་ལས་རྣམས་ཀུན་ལ་སྦྱར། །ས་ཡི་སྙིང་པོས་རྒྱས་པར་བྱེད། །ནམ་མཁའི་སྙིང་པོས་འཕེལ་བར་བྱེད། །ཕྱག་ན་རྡོ་རྗེས་དྲག་པོར་བྱེད། །སྤྱན་རས་གཟིགས་ཀྱིས་སྙིང་བརྩེ་བར། །ཡིད་ཀྱིས
iiif viewer powered by OpenSeadragon
