| e-texts navigator |
| Wylie |
326b1 མི་དགོས། །དཀའ་ཐུབ་སྡོམ་ལ་རྟེན་པའི་མིས། །བསྒྲུབས་ཀྱང་འགྲུབ་པར་མི་འགྱུར་ཏེ། །དཀའ་ཐུབ་སྡོམ་ལ་མི་གནས་ཤིང་། །འདོད་པའི་ལོངས་སྤྱོད་རབ་བསྟེན་པས། །བསྒྲུབས་ན་མྱུར་དུ་འགྲུབ་པར
326b2 འགྱུར། །རིགས་ངན་དང་ནི་སྨེ་ཤ་ཅན། །རྟག་ཏུ་གསོད་ལ་བརྩོན་པ་དང་། །མ་བྱིན་ལེན་དང་མི་ཚངས་སྤྱོད། །བརྫུན་དུ་སྨྲ་ལ་དགའ་བ་དང་། །རྩུབ་པའི་ངག་ལ་དགའ་བ་ནི། །གསང་སྔགས་བསྒྲུབས་པའི་སྣོད་དུ་འགྱུར། །
326b3 ཕ་དང་ཁུ་བོ་མེས་པོ་ལ། །ཞེ་སྡང་སེམས་ཀྱིས་བསྒྲལ་བྱས་ན། །རྡོ་རྗེ་སེམས་དཔའི་དངོས་གྲུབ་ཐོབ། །མ་དང་བུ་མོ་སྲིང་མོ་ལ། །འདོད་ཆགས་སེམས་ཀྱིས་སྦྱར་བྱས་ན། །ཆགས་པ་ཆེན་པོའི་དངོས་གྲུབ་ཐོབ། །སྙིང
326b4 རྗེ་མེད་པར་གསོད་པ་དང་། །འཇིགས་པ་མེད་པར་སྦྱོར་བ་ལ། །བཤང་གཅི་ཟས་སུ་ཟ་བ་དང་། །རང་གི་ཁུ་བས་མཆོད་པ་དང་། །དུར་ཁྲོད་རྒྱན་ལ་དགའ་བ་ནི། །ཐེག་མཆོག་འདི་ལ་འགྲུབ་པར་འགྱུར། །བསོད་སྙོམས
326b5 ཟས་ལ་མི་ཆགས་ཤིང་། །མ་བསླངས་པ་ལ་འང་ཆགས་མི་བྱ། །ནགས་ཚལ་དགོན་པའི་ས་ཕྱོགས་སུ། །བསོད་སྙོམས་བླངས་ཏེ་བཟའ་བར་བྱ། །སེམས་ཀྱི་བརྟུལ་ཞུགས་ཆེན་པོ་ཡིས། །ཏིང་འཛིན་སྟོབས་དང་ལྡན་པར
326b6 བྱ། །ལུས་ཀྱི་བརྟུལ་ཞུགས་ཆེན་པོ་ཡིས། །ཐོགས་མེད་སྟང་ཐབས་ཚུལ་དུ་གནས། །ངག་གི་བརྟུལ་ཞུགས་ཆེན་པོ་ཡིས། །སྔགས་ཀྱི་ཡི་གེ་དྲག་ཏུ་བརྗོད། །དབེན་པའི་ཕྱོགས་སུ་གནས་བཅས་ལ། །གཡང
326b7 གཞི་གོས་སུ་གྱོན་ནས་ནི། །ཆེ་བའི་ང་རྒྱལ་རྟག་ཏུ་བསྐྱེད། །ཝ་ཡི་བརྟུལ་ཞུགས་ཆེན་པོ་ཡིས། །སྤང་བར་བྱ་བའི་ཐབས་སུ་སྤྱད། །ཅང་ཤེས་བརྟུལ་ཞུགས་ཆེན་པོ་ཡིས། །ཤེས་བྱ་ཀུན་ལ་འཇུག་པར་བྱ། །ལུས་ཀྱི་རྩལ་གྱི
326b8 བྱ་བ་དག་། གྱི་ལིང་བརྟུལ་ཞུགས་ཆེན་པོས་བྱ། །ཕག་གི་བརྟུལ་ཞུགས་ཆེན་པོ་ཡིས། །གཙང་སྨེ་མེད་པར་ཀུན་ལ་སྤྱད། །གླང་ཆེན་མྱོས་པའི་བརྟུལ་ཞུགས་ཀྱིས། །མི་འབྱེད་རྨོངས་ཚུལ་བསྟན་པར་བྱ། །སྟག
iiif viewer powered by OpenSeadragon
