| e-texts navigator |
| Wylie |
324b1 ཉིད་རྒྱས་པར་བཤད་པ་ཡིན། །རྩ་བའི་དམ་ཚིག་གི་མདོ་རྒྱས་པར་བཤད་པའོ། །མི་སྤང་དམ་ཚིག་ཅེས་བྱ་བ། །འདོད་ཆགས་ཞེ་སྡང་གཏི་མུག་དང་། །ང་རྒྱལ་ཕྲག་དོག་ལྔ་རྣམས་ནི། །རིགས་ལྔའི་སངས་རྒྱས་ངོ་བོ་སྟེ། །ཡེ་ཤེས་ལྔ་ཡི་རང་བཞིན
324b2 པས། །སྤངས་ན་རྣལ་འབྱོར་དོན་དང་འགལ། །མི་དོར་དང་དུ་བླང་བ་ནི། །དྲི་ཆེན་དྲི་ཆུ་རཀ་ཏ་དང་། །མ~ཾ་ས་དང་ནི་ཟིལ་པ་ལྔ། །འབྲས་བུ་ལྔ་ཡིས་བསྡུས་པ་རྣམས། །རྣལ་འབྱོར་པས་ནི་རྟག་ཏུ་བཟའ། །འདི་ཡང་དམ་ཚིག་རྨད་པོ་ཆེ། །སྤྱད་པར
324b3 བྱ་བའི་དམ་ཚིག་ནི། །སྦྱོར་དང་སྒྲོལ་དང་མ་བྱིན་ལེན། །བརྫུན་དང་ངག་རྩུབ་སྨྲ་དང་ལྔ། །དོན་དམ་སྐྱེས་བུས་སྤྱད་པར་བྱ། །ཤེས་པར་བྱ་བའི་དམ་ཚིག་ནི། །ཕུང་པོ་ལྔ་དང་འབྱུང་བ་ལྔ། །དབང་པོ་ཡུལ་ལྔ་ཁ་དོག་ལྔ། །རིགས་ལྔ
324b4 ཡེ་ཤེས་ལྔ་ཉིད་དུ། །དོན་ལྡན་སྐྱེས་བུས་ཤེས་པར་བྱ། །ལུང་དང་ལྡན་པའི་རྣལ་འབྱོར་པས། །གྲུབ་པར་བྱ་བའི་དོན་ཆེན་ཡང་། །སངས་རྒྱས་ལྔ་ལས་གཞན་མི་བསྒྲུབ། །གྲུབ་པར་བྱ་བའི་དམ་ཚིག་སྟེ། །འདི་དག་བསྲུང་བར་རབ་ཏུ
324b5 གཅེས། །དེ་ཡང་ཅི་ཕྱིར་བསྲུང་ཞེ་ན། །འདོད་ཆགས་རང་དང་སྤྱིར་སྣང་བ། །ཆགས་ཤིང་ཞེན་པ་ཐམས་ཅད་ཀུན། །པད་མ་རིགས་ཀྱི་ངོ་བོ་ཡིན། །ཞེ་སྡང་དེ་བཞིན་རྡོ་རྗེའི་རིགས། །གཏི་མུག་སངས་རྒྱས་ཡིན་པར་གསུངས། །
324b6 ང་རྒྱལ་ཡིད་བཞིན་ནོར་བུ་སྟེ། །ཕྲག་དོག་ཅེས་བྱ་ལས་སུ་བཤད། །དེ་བས་སྤང་བར་བྱ་བ་མིན། །དྲི་ཆེན་སྣང་མཛད་གཙོ་བོ་ཡིན། །དྲི་ཆུ་གདོན་མི་ཟ་གྲུབ་པ། །རཀ་ཏ་སྣང་བ་མཐའ་ཡས་སྐུ། །མང་ས་རིན
324b7 ཆེན་འབྱུང་ལྡན་གཙོ། །བྱང་ཆུབ་སེམས་ནི་རྡོ་རྗེ་སེམས། །དེས་ན་དང་དུ་བླང་བར་གསུངས། །སེམས་ཅན་ཐམས་ཅད་གསད་བྱ་བ། །རྡོ་རྗེ་སེམས་དཔའི་དམ་ཚིག་ཡིན། །བུད་མེད་རྣམས
324b8 ལ་ཆགས་བྱ་བ། །སྣང་བ་མཐའ་ཡས་དམ་ཚིག་སྟེ། །གཞན་གྱི་ནོར་འཕྲོག་རྣམ་སྣང་གིས། །རིན་ཆེན་འབྱུང་བའི་བརྫུན་ཕྲ་མ། །ངག་རྩུབ་གདོན་མི་ཟ་འགྲུབ་པའི། །དམ་ཚིག་ཡིན་པར་རྒྱལ་བས་གསུངས། །
iiif viewer powered by OpenSeadragon
