| e-texts navigator |
| Wylie |
324a1 སྔགས་ཀྱིས་བརྟུལ་ཞུགས་ཀྱང་། །སྒྲ་ཆེན་མ་ཡིན་ཆུང་བར་མིན། །མགྱོགས་པར་མ་ཡིན་བུལ་བར་མིན། །དྲག་པར་མ་ཡིན་དལ་བར་མིན། །ཡིག་འབྲུ་ཡན་ལག་ཉམས་མ་ཡིན། །ཡེངས་མིན་གླལ་སོགས་བར
324a2 གཅོད་མིན། །རྒྱུ་བའི་སེམས་རྣམས་སྤངས་པ་དང་། །བཟླས་པའི་སྐྱོན་བཅུ་སྤངས་ནས་ནི། །དུས་དང་གྲངས་དང་མཚན་མ་ཡི། །བསྙེན་པ་རབ་ཏུ་རྫོགས་པ་གཅེས། །ཡེ་ཤེས་ལྷ་རྣམས་ཉེ་བ་དང་། །
324a3 དབྱིངས་དང་རྣམ་ཐར་འཛོམ་པ་དང་། །དངོས་གྲུབ་རྣམ་གསུམ་ཐོབ་པ་དང་། །འཕྲོ་འདུས་འགྲོ་དོན་བྱ་བ་དང་། །དེ་ཡིས་ལྷ་རྣམས་མཉེས་པ་དང་། །ལས་དེ་མྱུར་དུ་འགྲུབ་པའི་ཕྱིར། །བསྲུང་བའི་དམ་ཚིག་ཡིན་པར་གསུངས། །
324a4 མདོར་ན་སྣང་སྲིད་ཐམས་ཅད་ཀུན། །སྐྱེ་མེད་གསུང་ལས་མ་གཡོས་ཀྱང་། །གསུང་གི་བྱེ་བྲག་ཉིད་ཡིན་པར། །རྟོགས་ཤིང་སླར་ཡང་དབྱིངས་སུ་ཐིམ། །རྟོགས་པ་གསུང་དུ་རྒྱལ་བས་གསུངས། །ཐུགས་ཀྱི
324a5 དམ་ཚིག་ཅེས་བྱ་བ། །སྤྱིར་གསང་བཞི་དང་བར་གསང་བཞི། །གསང་བར་འོས་དང་གཉེར་གཏད་པའི། །གསང་སྔགས་གསང་བའི་དོན་རྣམས་ཀུན། །བུམ་པའི་ནང་གི་མེ་མར་བཞིན། །སྣོད་མ་ཡིན་པའི་གང་ཟག་ལ། །
324a6 དུས་དང་གནས་སྐབས་ཀུན་དུ་གསང་། །སྣོད་དང་ལྡན་པ་རྣམས་ལ་ཡང་། །དབང་མ་ཐོབ་པར་བཤད་པ་མིན། །ཅི་ཕྱིར་གསང་དོན་དེ་ཉིད་ལ། །མ་རྟོགས་པ་རྣམས་སྐུར་པ་འདེབས། །ལོག་པར་རྟོགས་པ་ལྟུང་བར་འགྱུར། །དོན
324a7 མ་རྟོགས་ན་ཡིད་ཆེས་མེད། །ཁམས་གསུམ་སྐྱེ་བོས་བཅས་ཀར་འགྱུར། །དངོས་གྲུབ་བར་གཅོད་བགེགས་སུ་འགྱུར། །དེ་བས་གཞན་དུ་བསྟན་པ་མིན། །མདོར་ན་ཐུགས་ཀྱི་དམ་ཚིག་ནི། །སྲིད་གསུམ་སེམས་ཅན་ཐམས་ཅད་ཀྱི། །
324a8 སེམས་རྟོག་རྣམ་པ་ཐམས་ཅད་ཀུན། །སྐྱེ་མེད་དབྱིངས་ལས་མ་གཡོས་ཀྱང་། །སོ་སོར་རྟོགས་པ་ཐུགས་ཉིད་སྣང་། །སྣང་ཉིད་དབྱིངས་ལས་མི་འདའ་བར། །རྟོགས་པ་ཐུགས་སུ་རྒྱལ་བས་གསུངས། །དེ་ནི་རྩ་བའི་དམ་ཚིག་གི། མདོ
iiif viewer powered by OpenSeadragon
