| e-texts navigator |
| Wylie |
323b1 སངས་རྒྱས་ཐམས་ཅད་དང་། །རྒྱལ་སྲས་དང་ནི་མཐུ་ཆེན་རྣམས། །ཕྱག་འཚལ་མཆོད་ཅིང་བཀུར་སྟི་བྱེད། །འཇིག་རྟེན་འདི་ན་མཐུ་ཆེན་ཀུན། །དེ་ཡི་དགོངས་པ་སྐོང་བ་དང་། །ཁུར་ཞིང་བྲན་དུ་ཁས་ལེན་ན། །རྡོ་རྗེ་སློབ
323b2 མས་སྨོས་ཅི་དགོས། །རྡོ་རྗེ་སྤུན་ལ་གདུང་སེམས་ཀྱང་། །འདྲེས་དང་མ་འདྲེས་ཡོངས་ཀྱི་སྤུན། །ཡང་དག་ལམ་དུ་ཞུགས་པ་ལ། །མངན་དང་དཔྱས་ཀྱི་སེམས་ཙམ་ཡང་། །རྟག་ཏུ་སྤང་བར་བྱ་བ་ཡིན། །བརྩེ་ཞིང
323b3 གདུང་བའི་ཤུགས་ཕྱུང་ལ། །གཅིག་ལ་གཅིག་ནི་མིག་བཞིན་བལྟ། །མདོར་ན་སྲོག་ལ་མི་ཆགས་པར། །སྤུན་དང་མིང་བསྲིང་དགོས་པ་སྒྲུབ། །ཅི་ཕྱིར་རྡོ་རྗེ་སྤུན་རྣམས་ནི། །འདི་ནས་བྱང་ཆུབ་ཐུག་པ་རུ། །མི་འབྲལ
323b4 འགྲོགས་པའི་གྲོགས་མཆོག་སྟེ། །མར་མེ་འོད་དང་སྡོང་བུ་འདྲའོ། །དཔེར་ན་འཇིག་རྟེན་མི་རྣམས་ཀྱང་། །མང་པོ་འདུས་ན་དཀའ་བ་འང་འགྲུབ། །དེ་བཞིན་རྡོ་རྗེ་མིང་སྲིང་སྤུན། །དངོས་གྲུབ་སྒྲུབ་པའི་གྲོགས་མཆོག
323b5 ཡིན། །དཔེར་ན་གྲོགས་དང་ལྡན་པའི་མི། །འཚེ་བ་རྣམས་ཀྱིས་མི་ཚུགས་བཞིན། །དེ་བཞིན་རྣལ་འབྱོར་གྲོགས་ལྡན་ཡང་། །རྒོལ་བ་རྣམས་ཀྱིས་མི་ཚུགས་ཤིང་། །འབྲས་བུ་མྱུར་དུ་འགྲུབ་པར་འགྱུར། །དེ་བས
323b6 ནན་ཏན་བསྐྱེད་དེ་བསྲུང་། །དེ་ཡང་སྐུ་ཡི་དམ་ཚིག་དེ། །བསྲུང་བ་ཡིན་པར་རྒྱལ་བས་གསུངས། །མདོར་ན་སྣང་སྲིད་ཐམས་ཅད་ནི། །གཟུགས་སུ་སྣང་བ་མཐའ་ཡས་ཀུན། །ཆོས་ཀྱི་སྐུ་ལས་མ་གཡོས་པར། །གཟུགས་སྐུ་འཇའ་ཚོན
323b7 ཚུལ་དུ་གསལ། །དེ་ཉིད་དོན་ལས་མི་འདའ་བར། །རྟོགས་པ་སྐུ་ཡི་དམ་ཚིག་ཅེས། །རྒྱལ་བ་རྣམས་ཀྱིས་རབ་ཏུ་གསུངས། །གསུང་གི་དམ་ཚིག་ཅེས་བྱ་བ། །སྔགས་ཀྱི་རྣལ་འབྱོར་གྲལ་སྒོ་བས། །ཕྱག་རྒྱ་བཞི་རུ་རྣམ
323b8 གསལ་ནས། །རྡོ་རྗེ་སྔགས་རྣམས་རྒྱུན་མི་གཅད། །བསྒོམ་དང་བཟླས་དང་འཕྲོ་འདུའི་སྔགས། །ཏིང་འཛིན་མེ་དང་འདྲ་བ་ལ། །བཟླས་བརྗོད་རླུང་དང་འདྲས་བསྐྱོད་ནས། །སྒྲིབ་པའི་བུད་ཤིང་བསྲེག་པར་བྱ། །བཟླས་བརྗོད
iiif viewer powered by OpenSeadragon
