| e-texts navigator |
| Wylie |
323a1 དེ་ལྟར་གནས། །དེ་བས་དམ་ཚིག་ཞེས་བྱ་བ། །རང་གི་ལྟ་བ་ཡིན་པར་གསུངས། །ཞེས་གསུངས་སོ། །དེ་ལ་འདི་ནི་དམ་ཚིག་གི་མདོ་གསང་བའོ། །གསང་སྔགས་རྒྱ་མཚོ་ཆེན་པོ་ཡི། །དམ་ཚིག་བསམ་ཡས་ཇི་སྙེད
323a2 པ། །རྩ་བ་ཡན་ལག་གཉིས་སུ་འདུས། །རྩ་བའི་དམ་ཚིག་གསུམ་ཡིན་ཏེ། །སྐུ་གསུང་ཐུགས་སུ་རྒྱལ་བས་གསུངས། །ཡན་ལག་དམ་ཚིག་མི་སྤང་དང་། །མི་འདོར་སྤྱོད་དང་ཤེས་པ་དང་། །གྲུབ་པ་ཡིན་ཏེ་རྣམ་ལྔ་པོ། །
323a3 མདོར་ན་རྣམ་པ་བརྒྱད་དུ་གྲགས། །ཞེས་གསུངས་སོ། །དེ་ལ་འདི་ནི་མདོ་རྒྱས་པའོ། །སྐུ་ཡི་དམ་ཚིག་ཅེས་བྱ་བ། །བླ་མ་སྤུན་ལ་གདུང་སེམས་ལྡན། །མངན་དང་དཔྱ་སེམས་སྤངས་པ་ཡིན། །བླ་མ་ལ་ཡང་རྣམ་གསུམ་སྟེ། །
323a4 དམ་ཚིག་དབང་དང་ཤེས་རབ་རྒྱུད། །མན་ངག་ལུང་སྟོན་སློབ་དཔོན་ལ། །མངན་དང་དཔྱ་བའི་སེམས་བོར་ན། །ལུས་ངག་སྒོ་ནས་སྨོས་ཅི་དགོས། །མགོ་དང་མིག་དང་གསང་མ་སྙིང་། །རྟག་ཏུ་འབྲལ་བར་འཕངས་པ་ལྟར། །
323a5 བླ་མ་རྡོ་རྗེ་སློབ་དཔོན་ལ། །མི་འབྲལ་སེམས་ཀྱིས་དེ་ལྟར་ལྟ། །དེ་ཡི་ཕྱི་བཞིན་བེའུ་ལྟར་འབྲང་། །དེ་ཡི་དགོས་པ་ཅི་ཡང་རུང་། །སྐོངས་ན་སྲོག་ལ་འང་མི་ལྟ་ན། །ཟང་ཟིང་གཞན་ལྟ་སྨོས་ཅི་དགོས། །ལུས་ལ་དབང་བའི་རྒྱལ་པོ
323a6 འམ། །ལུས་སྲོག་བསྐྱེད་པའི་ཕ་མ་བས། །ཤིན་དུ་གཉན་ཞིང་བཀུར་བར་བྱ། །ཅི་ཕྱིར་དབྱིངས་དང་རྣམ་ཐར་གྱི། །སྒོ་རྣམས་དེ་ཡི་སྟན་པ་ཡིན། །དངོས་གྲུབ་བྱེ་བྲག་ཇི་སྙེད་པ། །དེ་ལ་རག་ལས་རྗེས་སུ་འབྲང་། །མ་རིག
323a7 མུན་པས་གཏིབས་པ་ལ། །སེམས་ཀྱི་སྒྲོན་མ་དེ་ཡིས་འདེགས། །ལྷ་མི་ཡོངས་ཀྱི་འདྲེན་སྟོན་ཡིན། །དུས་གསུམ་སངས་རྒྱས་ཞལ་མཐོང་ཡིན། །དགེ་བའི་རྩ་བའི་སྲོག་ཤིང་ཡིན། །ཡོན་ཏན་ཀུན་གྱི་གཏེར་མཛོད་ཡིན། །
323a8 གལ་ཏེ་ཡོན་ཏན་མི་ལྡན་ཡང་། །བླ་མར་བཟུང་ནས་སྤང་བྱས་ན། །ཀུན་གྱི་སློབ་དཔོན་བརྙས་པ་ཡིན། །དུས་གསུམ་སངས་རྒྱས་སྐུར་བ་ཡིན། །དེ་ཡི་ཉམས་པ་བརྗོད་མི་ལང་། །ཡོན་ཏན་ལྡན་པའི་བླ་མ་དེ། །ཕྱོགས་བཅུའི
iiif viewer powered by OpenSeadragon
