| e-texts navigator |
| Wylie |
321a1 མཁའ་རུ་བསྒོམས་ནས་སུ། །གཟིར་གནན་དྲག་པོའི་ལས་རྣམས་བྱ། །ཡན་ལག་མགོ་མཚན་གཡས་གཡོན་ལ། །གནས་ཀྱི་མ་མོ་བརྒྱད་རྣམས་ཀྱི། །བྲི་འམ་མཚན་མ་གཞག་པར་བྱ། །གཞན་རྣམས་ཀྱང་ནི་ཅི་རིགས
321a2 པར། །མ་ཏང་དགུག་དང་དབབ་དང་གནོན། །བྱིན་བརླབས་མཁས་པས་ཚུལ་བཞིན་བྱ། །བྱ་བ་ཐམས་ཅད་ཅི་རིགས་བྱ། །དེས་ནི་གནོན་པའི་ལས་ཆེན་འགྲུབ། །ཅེས་གསུངས་སོ། །དེ་ལ་འདི་ནི་རྡོ་རྗེ་ཚེ་བསྒྲུབ་པའི་ཐབས་སོ། །ཐམས་ཅད
321a3 འབྱོར་པར་བྱས་ནས་ནི། །ས་སྟེངས་བརྐྱང་ནུལ་ལེགས་བྱས་ལ། །དབུས་སུ་པད་མ་འདབ་བརྒྱད་ལ། །ཟླ་གམ་དམར་པོ་སྒོ་བཞིར་ལྡན། །རྡོ་རྗེའི་ར་བས་བསྐོར་བར་བྱ། །དཔལ་ལྡན་ཚེའི་ཕྱག་རྒྱ་དགོད། །རིན་ཆེན་སྣ་ཚོགས་བུམ
321a4 པ་ལ། །ཆེ་ཡི་རྫས་ཀྱིས་གང་བ་དེ། །པད་མ་བན་དྷས་ཁ་བཀབ་ལ། །གཟུངས་ཐག་བརྟགས་ནས་དབུས་སུ་གཞག་།ཚེ་དཔག་མེད་པར་དེ་མངའ་གསོལ། །བུམ་པ་རིན་ཆེན་ལས་བྱས་བཞི། །གསང་བའི་ཡུམ་དུ་དེ་མངའ
321a5 གསོལ། །རིགས་དང་འཐུན་པའི་བུམ་པ་བཞི། །རིགས་ལྔའི་སངས་རྒྱས་གཙོ་གཟུངས་དང་། །སོ་སོའི་འཁོར་གྱི་སེམས་དཔའ་རྣམས། །གཙོ་གཟུངས་ཟུང་དུ་འབྲེལ་བར་ནི། །ཕྱོགས་ཕྱོགས་དག་ཏུ་ཚོམ་བུར་བྲི། །སྒོ་བཞིར
321a6 སྒོ་སྲུངས་ལ་སོགས་གཞག་། སེམས་དཔའི་ཕྱག་རྒྱ་ཀུན་བཀོད་ནས། །ཚེ་དཔག་མེད་པའི་ཐུགས་ཀ་ནས། །འཁྱིལ་ཅིང་འཚེར་བའི་བྱང་ཆུབ་སེམས། །ཉི་ཟླའི་གའུ་གནས་པ་དེ། །ཱ་ཡུ་བྱང་ཆུབ་སེམས་སུ་ཞུ། །དེ་ལས
321a7 རྒྱལ་མཚན་མཆོད་ལྡན་དང་། །རིན་ཆེན་གཏེར་དང་དབང་བསྐུར་མཛད། །གསང་བའི་ཚེ་གཏེར་འཛིན་དང་བཞི། །ཐུགས་ཀར་འཕྲོས་ནས་དེ་བཞིན་དུ། །ཚོམ་བུ་རིམ་གྱིས་སྤྲོས་ནས་ནི། །དཀར་དམར་འོད་ཀྱིས་བདག་ལ་བསྟིམས། །
321a8 སྐྱེ་མེད་དབྱིངས་སུ་སྦས་ནས་ནི། །མི་འགྱུར་ཕྱག་རྒྱས་གདབ་པར་བྱ། །ཡང་ན་ཏིང་འཛིན་ཁྱད་པར་གྱིས། །ལོ་འམ་ཟླ་བའི་མཐའ་དག་ཏུ། །སྐྱ་རེངས་འཆར་བའི་དུས་སུ་ནི། །ཕྱག་རྒྱ་ཆེན་པོས་གནས་པ་དེས། །ཤར་ཕྱོགས་ངོས
iiif viewer powered by OpenSeadragon
