| e-texts navigator |
| Wylie |
320b1 རིགས་པ་འདུས་པ་དང་། །མཎ་ཌལ་གཞི་གཅིག་བརྐྱང་ནུལ་བྱ། །ཆག་རམས་བསྟོད་པའི་མཎ་ཌལ་བཞི། །གྲུ་བཞིར་གཞི་ལས་སྤགས་པར་བྱ། །དེ་དག་མ་ཏང་གཟུགས་སུ་བྱ། །སྙིང་ག་མན་ཆད་དབུས་སུ་བསྣོལ། །མཎ་ཌལ
320b2 ཆེན་པོའི་འོག་ཏུ་གཞུག་། དབུས་སུ་འཁོར་ལོའི་ཐིག་བཏབ་ལ། །དཔལ་ཆེན་ལྔ་ཡི་ཕྱག་རྒྱ་གཞག་། བར་ཁྱམས་གཉིས་ཀྱིས་མཛེས་པ་ལ། །གནས་དང་ཡུལ་གྱི་ཕྱག་རྒྱ་དགོད། །སྒོ་བཞིར་སྒོ་སྲུངས་དེ་བཞི་གཞག་།ཡན
320b3 ལག་སྤྲུལ་པའི་མགོ་བརྙན་གནས། །ཕྱི་རོལ་ཁྱམས་ལ་མེ་རིར་བྱ། །དེ་མཐའ་ཐོད་པ་ཚར་གསུམ་བལྟམས། །དེ་ཡི་ཕྱི་རིམ་མེ་བུར་འཚུབ། །གུ་གུ་ཐུལ་དང་ཟ་ར་ཚགས། །ཞིང་དང་སྦྲུལ་ཆུན་སྒོ་ཁྱུད་ལ། །བན་དྷ་སྙིང་པོར
320b4 བཅས་པ་དག་། སོ་སོའི་གནས་སུ་དེ་བཞིན་གཞག་།རྡོ་རྗེའི་དབྱིབས་སུ་བརྩིགས་པའི་ཐབ། །ཟུར་བཞི་ཁ་བཞི་དག་ལ་བྱ། །སྙིང་གར་འཁོར་ལོའི་ཐབ་སུ་བྱ། །རིགས་དང་འཐུན་པའི་ཡམ་ཤིང་བརྩིག་། །ཧོམ་ལྔ་འབྲེལ
320b5 བའི་ལས་ཆེན་ལ། །ཐབ་ཁུང་ལྔ་ཡི་བྱེ་བྲག་ཏུ། །རྒྱུད་དྲུག་ཡམ་ཤིང་སྤུངས་པ་ལས། །ཡེ་ཤེས་ལྔ་ཡི་མེ་ཀློང་དུ། །ཉོན་མོངས་ལྔ་ཡི་བསྲེག་སྦྱང་ཐིམ། །བྱ་བར་འོས་པ་མཐའ་དག་ཀུན། །རྣལ་འབྱོར་ཅན་གྱིས་ཅི་རིགས་བྱ
320b6 ཞེས་གསུངས་སོ། །དེ་ལ་འདི་ནི་མ་ཏང་འགྲེང་བུ་གནོན་པའི་ཐབས་སོ། །དཀྱིལ་འཁོར་མ་ཏང་གཟུགས་སུ་བྱ། །མགོ་བོ་ལྷོ་ནུབ་མཚམས་སུ་བསྟན། །མགོ་ལུས་ཡན་ལག་རྣམས་ལ་ནི། །མཎ་ཌལ་བཅུ་གཅིག་རབ་ཏུ
320b7 བྱ། །ཞལ་དུ་ཧོམ་ཁུང་གྲུ་གསུམ་ལ། །ཡམ་ཤིང་དག་གིས་བརྫངས་ནས་ནི། །སྦྱིན་སྲེག་ཧོམ་གྱི་ལས་རྣམས་བྱ། །སྙིང་གར་གྲུ་གསུམ་རྩེ་གསུམ་ལ། །བང་རིམ་གསུམ་པར་བྱས་ནས་ནི། །ཕུར་བུ་ཉི་ཤུ་རྩ་གསུམ་དགོད། །
320b8 ཞེ་སྡང་རྡོ་རྗེའི་ཏིང་འཛིན་བྱ། །ལྟེ་བར་གྲུ་གསུམ་མཐིང་ནག་ལ། །ཟུར་ལ་ཐོད་པ་ཚར་གསུམ་བྲི། །གཞུ་བདུན་དགྲ་སྟ་བརྒྱད་ཀྱང་དགོད། །ཕུར་བུ་དགུ་དང་ཁ་ཊྭཱ~ཾ་དགུ། །རྩང་དམར་དྲུག་བཅུ་རྩ་བརྒྱད་དགོད། །ཡུམ་གྱི
iiif viewer powered by OpenSeadragon
