| e-texts navigator |
| Wylie |
320a1 བཀྲུ། ། ཚད་མར་སྦྱར་བའི་བཀའ་དག་དང་། །ལྡན་པས་དུས་བཏབ་བཞིན་དུ་བརྩམ། །རྒྱུ་ཡང་བརྟག་པར་བྱ་བ་ནི། །མཛེས་ཤིང་བཀྲ་ཤིས་ལྡན་པ་ལ། །བོང་ཚོད་ལོ་ནི་དར་ལ་བབ། །རིགས་ལྔའི་མཚན་རྟགས
320a2 ཡོད་པ་ཤིས། །བསྒྲུབ་པའི་རྒྱུ་མཆོག་དེ་ལྟ་བུ། །དག་པ་གསུམ་གྱིས་གཞུང་བསྲང་ནས། །བྱིན་གྱིས་བརླབ་པ་རབ་ཏུ་བྱ། །དྷ་ཧུ་མ་འདས་དབང་པོ་བསྒྱུར། །བདུད་རྩི་ལྔ་ཡི་ཐིག་ལེ་ཡིས། །དབང་པོ་ལྔ་ལ་གདབ་པར་བྱ། །
320a3 སྣང་སྲིད་གཏམ་ནི་དྲི་བ་འམ། །ལེགས་ཉེས་དྲི་བའི་པྲ་ཡང་དབབ། །རྣམ་ཤེས་འབྱུང་བའི་སྒོ་རྣམས་སུ། །སོ་སོའི་རིགས་ཀྱི་ཕྱག་རྒྱས་གདབ། །ཕྱག་རྒྱ་བཀོད་དེ་བསྒྲལ་བར་བྱ། །ཕུང་པོ་གཞལ་ཡས་ཁང་དུ་བྱ། །ནང
320a4 གྲོལ་ཐམས་ཅད་ལྷར་སྒོམས་ཏེ། །བསྒྲལ་སྦྱངས་སྦྱར་བ་བྱས་ནས་ནི། །མཆོད་དང་མཉེས་དང་དམ་སྐོངས་དང་། །དངོས་གྲུབ་རྣམ་གསུམ་ཐོབ་ནས་བླང་། །ཞེས་གསུངས་སོ། །དེ་ལ་འདི་ནི་མཆོག་ཕྲན་གཙང་མ
320a5 བསྒྲུབ་པའི་ཐབས་སོ། །མཎ་ཌལ་གྲུ་བཞི་ཚད་ལྡན་ལ། །ཟླ་གམ་སྒོ་གཅིག་རྡོ་རྗེས་བསྐོར། །མུ་ཁྱུད་སྒོ་བཞི་རབ་ཏུ་བྲི། །ཁྱུ་མཆོག་དབང་པོ་ཕྱེད་ལྡན་ལ། །ཕྱི་ནང་ཁྲུས་ཀྱང་དེ་བཞིན་བྱ། །དབུས་སུ་བཞག་སྟེ་ཤར
320a6 དུ་བསྟན། །ལྕེ་ལ་གཟུངས་ཐག་སྣ་ལྔས་གདགས། །མན་ངག་ལུང་ལྡན་ཕྱག་ཏུ་དབུལ། །ཕྱག་རྒྱ་རྫས་དང་བཅས་པར་དགྲམ། །དེ་ཡི་ཁོང་དུ་གཞལ་ཡས་སུ། །ཡེ་ཤེས་སེམས་དཔའ་ཚོན་གང་བའི། །ཐུགས
320a7 ཀར་ནོར་བུ་རིན་ཆེན་འབར། །དབུས་སུ་ཉི་མའི་གའུ་ལ། །དཔལ་བེའུ་ཡུངས་འབྲུའི་སྙིང་པོ་ལ་ཏིལ་འབྲུ་ཙམ་གྱི་ཧཱུ~ཾ་དམར་གནས། །རྡོ་རྗེ་འཕྲོ་འདུ་རྒྱུན་མི་གཅད། །རྡོ་རྗེ་པྲ་ཡང་དབབ་པར་བྱ། །དེ་ནས་མཚན་རྟགས
320a8 བཟང་བ་དང་། །དངོས་གྲུབ་བླངས་ཏེ་བསྒྲལ་བར་བྱ། །བསྐམས་ཏེ་བདུད་རྩིའི་རྩ་བར་ཤིས། །ཞེས་གསུངས་སོ། །དེ་ལ་འདི་ནི་དྲེགས་པ་ཅན་གནོན་པ་བསྒྲུབ་པའི་ཐབས་སོ། །ཕུན་སུམ་ཚོགས་པ་བཞི་ལྡན་ནས། །ཇི་ལྟར
iiif viewer powered by OpenSeadragon
