| e-texts navigator |
| Wylie |
319b1 ལྟེ་བ་ནས། །པད་མས་ཁ་ཡི་ཕྱོགས་ནས་སོ། །རལ་གྲིས་ཡན་ལག་རྣམས་ནས་བཀྲོ། །དེ་ནས་ཕྱག་རྒྱའི་གནས་རྣམས་སུ། །རྫས་རྣམས་གོ་རིམ་བཞིན་དུ་དགོད། །དཔལ་དང་ལྡན་པའི་སྣོད་དགུ་ལ། །སྐུ་གསུང་ཐུགས
319b2 དང་ལྡན་པར་ནི། །གསོལ་བའི་འོད་དང་བཅས་པར་དགྲམ། །རྫས་ཀྱིས་མཛེས་པར་བརྒྱན་པར་བྱ། །རྨད་དུ་བྱུང་བའི་གཏོར་མ་དགྲམ། །མཆོད་པའི་དམ་རྫས་ཚང་བར་བཤམ། །དེ་ནས་རྣལ་འབྱོར་ཆེན་པོ་ཀུན། །བདག་ཉིད
319b3 ཕྱག་རྒྱར་གནས་པ་དེ། །བསྐྱེད་པའི་ཏིང་འཛིན་ཚུལ་བཞིན་བསྐྱེད། །རང་བཞིན་རྫོགས་ཆེན་སྤྱན་དྲངས་མཆོད། །བསྒྲུབ་པ་ཉམས་ལེན་བཟློག་པར་བྱ། །དངོས་གྲུབ་གསོལ་དང་དབང་བསྐུར་བྱ། །དེ་ནས་གཏོར་མ་ཚོ་གསུམ
319b4 དུ། །དང་པོར་བཅད་དེ་སྦྱིན་སྲེག་བྱ། །བར་མས་མཁའ་འགྲོ་ཚིམ་པར་བྱ། །ཐ་མ་མི་ཟད་གཏེར་དུ་སྦ། །ལས་རྣམས་རྫོགས་པར་བྱས་ན་ནི། །དཔལ་ཆེན་ཉིད་ཀྱང་འགྲུབ་འགྱུར་ན། །དངོས་གྲུབ་གཞན་ལྟ་སྨོས་ཅི་དགོས་ཞེས
319b5 གསུངས་སོ། །དེ་ལ་འདི་ནི་རྡོ་རྗེ་མཆོག་ཆེན་པོ་བསྒྲུབ་པའི་ཐབས་སོ། །དོན་དང་ལྡན་པའི་རྣལ་འབྱོར་པས། །ས་སྟེངས་ཆག་ཕྱེད་ཚད་དུ་བྱ། །སུམ་བརྩེག་བྱས་དབུས་ཟླ་གམ་བརྒྱད། །ཕྱི་མཐའ་ཐོད་པས་བསྐོར་བ་ལ། །
319b6 མེ་དཔུང་འབར་བས་བསྐོར་བའོ། །དེ་ཡི་ཕྱི་རིམ་དམར་ཆེན་རྒྱས། །དབུས་སུ་བན་དྷ་མཚན་ལྡན་ལ། །ཡབ་ཡུམ་སྙིང་པོ་བྲིས་ལ་བཞག་།ཟླ་གམ་བརྒྱད་ལ་མ་བརྒྱད་གཞག་།མཐིང་གནག་མ་ཐ་མེ་རི་འབར། །དེ་འོག་ཐོད
319b7 ཚར་གསུམ་དུ་བྱ། །སྒོ་ཁྱམས་དུར་ཁྲོད་རྫས་ཀྱིས་བརྒྱན། །སྒོ་རྩེག་སྒོ་ཁྱུད་ཐ་མ་བྲན། །གནས་མཆོག་རབ་ཏུ་དབེན་པ་ཡི། །རི་ཡི་རྩེ་འམ་ནགས་ཚལ་ལམ། །སྡེ་དཔུང་ཕྲ་མོས་མི་ཚུགས་ཤིང་། །འདུ་འཛི་འགྲོ་འོང་ཆད
319b8 པར་ཤིས། །རྣལ་འབྱོར་གདེང་དང་རབ་ལྡན་ཞིང་། །བརྗིད་ཅིང་སྲན་ཚུགས་ཁུ་འཕྲིག་ཆུང་། །བརྟུལ་ཞུགས་ཆེ་ལ་རྟོག་པ་མེད། །ལས་ཀྱི་ཕྲེང་བ་ལྷག་ཆད་མེད། །དྲི་ཞིམ་སྨན་གྱིས་ཕྱི་བཀྲུ་ཞིང་། །ཤི་ནེ་དྷ་ཧུས་ནང་ཡང
iiif viewer powered by OpenSeadragon
