| e-texts navigator |
| Wylie |
319a1 གྲུབ་དོན་རྣམས་ནི། །མེ་ལ་མཁས་པས་བརྟག་པར་བྱ། །སོ་སོའི་དབྱིབས་དང་ཁ་དོག་ལ། །དབྱིབས་དང་ཁ་དོག་ཤེས་པར་བྱ། །ཞེས་གསུངས་སོ། །དེ་ལ་འདི་ནི་རྫས་སྒྲུབ་པའི་ཐབས་གསང་བའོ། །ཕུན་སུམ་ཚོགས་པ
319a2 བཞི་ལྡན་ནས། །གནས་དང་ས་གཞི་བརྟགས་པར་ནི། །ས་སྟེགས་ཚོན་གྱིས་བྲི་བར་བྱ། །དབུས་སུ་ཐིག་བཞི་ལེའུ་ཚེ་དགུ། །དེའི་མཐའ་འཁོར་ལོ་རྩིབས་བརྒྱད་བྱ། །སྒོ་བཞི་སྒོ་ཁྱུད་བཅས་པར་བྲི། །མཐའ་ཟད་བསྐལ་པའི་མེ་རི་འབར། །
319a3 དབུས་སུ་ཟླ་གམ་ཁ་སྤྲོད་བྲི། །ཕྱོགས་མཚམས་བརྒྱད་དུ་ཁ~ཾ་བརྒྱད་བྲི། །འཁོར་ལོའི་བར་ཁྱམས་མུ་ཁྱུད་ལ། །ནང་དུ་བལྟས་པའི་ཁ~ཾ་བརྒྱད་གསལ། །རྩིབས་ལ་ནང་དུ་ལྟ་བ་བརྒྱད། །མུ་ཁྱུད་བརྒྱད་ལ་ཕྱིར་བལྟས་བརྒྱད། །གྲུ་ཆད་བཞི་ལ
319a4 ནང་བལྟས་བཞི། །སྒོ་བཞིར་ཕྱིར་བལྟ་བྲི་བར་བྱ། །ཕྱི་རོལ་བར་ཁྱམས་དེ་དག་ལ། །ཕྱི་ལྟ་ཉི་ཤུ་རྩ་བརྒྱད་བྲི། །བསྐལ་པའི་མེ་རི་ཕྱི་ཁྱམས་ལ། །ཕྱིར་བལྟ་བཅུ་ནི་བྲི་བར་བྱ། །དེ་ལ་ཕྱག་རྒྱ་རིམ་པར་དགོད། །རོ་ཡི་ཚོལ་སྟངས་རྣམ་བཞི
319a5 ཡིས། །དུར་ཁྲོད་རྫས་མཆོག་མ་ཉམས་བཙལ། །ཡེ་ཤེས་སྤྱན་གྱིས་ལྟ་བ་དང་། །རྡོ་རྗེ་འགྲོས་ཀྱིས་བཙལ་བ་དང་། །ཕྱག་རྒྱའི་ཚོགས་ཀྱིས་རོལ་པ་དང་། །མ་མོའི་ཚོགས་ཀྱིས་འཇོལ་ཚུལ་དང་། །བཙལ་ནས་མཎ་ཌལ་སྒོ་བཞི་ནས། །
319a6 བྲོ་ཆེན་བཞི་ཡིས་སྦྱང་བར་བྱ། །ཤར་དུ་དུག་གསུམ་འཇོམས་པའི་བྲོ། །ལྷོ་རུ་ཁྲག་འཐུང་རོལ་པའི་བྲོ། །ནུབ་ཏུ་རྟ་མཆོག་ཞལ་གྱི་བྲོ། །བྱང་དུ་གདུལ་སྦྱོང་དྲག་པོའི་བྲོས། །སྦྱང་བར་བྱ་བ་རབ་ཏུ་གཅེས། །དེ་ནས་དབུས་སུ་གཞག་བྱ་སྟེ། །
319a7 མགོ་བོ་ཤར་དུ་བསྟན་པ་དེའི། །ཕུང་པོ་བྲུ~ཾ་ལས་གཞལ་མེད་ཁང་། །དེ་རུ་ཕྱག་རྒྱའི་ཚོགས་མཆོག་བསྒོམ། །སོ་སོའི་རྫས་ཀྱི་གནས་རྣམས་ལ། །རིགས་ཀྱི་ལྷ་རྣམས་རིམ་པར་དགོད། །བསྙེན་པས་བྱིན་ཕེབས་རྟགས་བྱུང་ནས། །བམ་དེ
319a8 བྱང་ཤར་མཚམས་སུ་བསྒྲལ། །རྡོ་རྗེ་ཐིག་གིས་བཏབ་ནས་ཀྱང་། །རྫས་རྣམས་སོ་སོའི་སྒོས་སུ་གདབ། །དེ་མཚོན་རྣམ་ལྔས་བཀྲོ་བར་བྱ། །འཁོར་ལོའི་སྤྱི་བོ་ཉིད་ནས་བཀྲོ། །རྡོ་རྗེས་སྙིང་གའི་ཕྱོགས་ནས་བཀྲོ། །རིན་ཆེན་ཟུར་བརྒྱད
iiif viewer powered by OpenSeadragon
