| e-texts navigator |
| Wylie |
318b1 རྡོ་རྗེ་གྲངས་ཀྱི་ཏིང་འཛིན་གྱིས། །གྲངས་གཟུང་དཀར་བྱང་བླ་མ་དབུལ། །སྡིག་པའི་གནག་བྱང་གཤེགས་ཤིང་བསྲེག་།མེ་ལྷ་སྤྱན་དྲང་མཆོད་པ་བྱ། །བསྟོད་པ་དག་ཀྱང་ལེགས་པར་བྱ། །རོ་ཡི་སྒྲིབ་པ་འབྱོངས་མ་འབྱོངས། །མེ
318b2 ལ་ལྟས་སུ་བལྟ་བར་བྱ། །མཚན་མ་མི་སྡུག་བྱུང་བ་ན། །བསྲེག་སྦྱང་ཆོ་ག་རྒྱ་ཆེར་བྱ། །དེ་ནི་ཚོགས་རྣམས་རྫོགས་པར་འགྱུར། །ཞེས་གསུངས་སོ། །དེ་ལ་འདི་ནི་རྡོ་རྗེ་ཐལ་ཆེན་སྒྲུབ་པའི་ཐབས་སོ། །དེ་ལ་ཐལ་བ་ཐམས་ཅད་ཀུན། །
318b3 གུ་གུལ་ནག་པོ་དང་སྦྱར་བ། །རི་ལུ་ལྕགས་གསུམ་གྱིས་དཀྲིས་པ། །རྡོ་རྗེ་འཇོམས་པའི་ཕྱག་རྒྱ་དང་། །རྡོ་རྗེ་དྲག་པོའི་སྔགས་བཏབ་ན། །བར་དུ་གཅོད་པའི་གཉེན་པོར་འགྱུར། །ཞེས་གསུངས་སོ། །དེ་ལ་འདི་ནི་ཕྲིན་ལས་བཞིའི
318b4 བསྒྲུབ་པའི་ཐབས་སོ། །ལས་བཞི་སོ་སོའི་ཁྱད་པར་གྱིས། །རྫས་དང་ཁ་དོག་ཕྱོགས་དང་དབྱིབས། །ཡམ་ཤིང་བསྲེག་རྫས་ཁྱད་པར་ལས། །དཀར་དང་དམར་སེར་མཐིང་གནག་ལས། །ཤར་ལྷོ་ནུབ་བྱང་ཕྱོགས་དག་ཏུ། །ཟླུམ་པོ
318b5 ལེའུ་ཚེ་པད་མ་ཞི། །གྲུ་བཞི་ཟུར་བརྒྱད་འཁོར་ལོ་རྒྱས། །གྲུ་ཆད་གཞུ་དབྱིབས་ཟླ་གམ་དབང་། །གྲུ་གསུམ་བྷ་ག་མངོན་སྤྱོད་པའོ། །ཏིང་འཛིན་བྱམས་དང་དང་བས་ཞི། །སྙིང་རྗེ་དགའ་བས་རྒྱས་པ་སྟེ། །དགའ་དང་ཆགས
318b6 པས་དབང་དུ་འགྱུར། །བཏང་སྙོམས་ཁྲོས་པས་དྲག་པོར་འགྱུར། །སོ་སོའི་ལས་ཀྱི་ལྷ་རྒྱུད་ལ། །སྔགས་དང་ཕྱག་རྒྱ་ལ་སོགས་དང་། །གླུ་རྒྱུད་འབྱོར་པས་མཆོད་པར་བྱ། །ཞལ་དུ་གྱུར་པའི་མེ་བོས་ལ། །ཁྲོ་བོས་ཡེ་ཤེས་མེ
318b7 རུ་སྦྱང་། །སོ་སོའི་རྒྱུད་དུ་བཤད་བསྟབས་ཏེ། །ཀློང་ཡངས་འཁྱིལ་པའི་ཧོང་ཁུང་དུ། །དམ་རྫས་བདུད་རྩི་འབར་བ་ཡིས། །སྦྱང་དང་ཐོབ་ཕྱིར་བསྲེག་པར་བྱ། །ཉོན་མོངས་ལྔ་ཡི་དམ་རྫས་ནི། །ཡེ་ཤེས་ལྔ་ཡི་ཀློང་དུ་དབུལ། །ཕུང་པོ་ལྔ
318b8 ནི་ཡབ་ལྔ་ལ། །འབྱུང་བ་ཡུམ་ལྔའི་དབྱིབས་སུ་བསྟིམས། །ཤེས་པ་བརྒྱད་ནི་མ་བརྒྱད་ལའོ། །ཡུལ་བརྒྱད་ཕྲ་མེན་བརྒྱད་ལ་བསྟིམ། །སྐྱེ་བཞིས་བསྡུས་པའི་སྲེག་རྫས་རྣམས། །རྣམ་ཐར་སྒོ་བཞིའི་ཀློང་དུ་བསྟིམ། །སྒྲིབ་དང་དངོས
iiif viewer powered by OpenSeadragon
