| e-texts navigator |
| Wylie |
318a1 འདོད་པ་རྐྱེན་གྱིས་བསྒྱུར། །གང་འདོད་པ་དེ་གདོན་མི་ཟ། །ཞེས་གསུངས་སོ། །དེ་ལ་འདི་ནི་རྡོ་རྗེ་སྒྱུ་མ་སྒྲུབ་པའི་ཐབས་སོ། །བདག་ཉིད་ལྷ་ཡི་རྣལ་འབྱོར་གྱིས། །རྡེའུ་ཤིང་བུ་ཡི་རྒྱུ་དག་ལས། །ཇི་ལྟར་འདོད་པའི་གཟུགས
318a2 བྱས་ཏེ། །ཤེའུ་རེ་སྨན་གྱིས་བྱུགས་ནས་ནི། །རྡོ་རྗེ་སྔགས་ཀྱིས་ཚིག་འདི་བཟླས། །ཤེའུ་རེའུ་ཨི་ན་ཡ། ། མོ་ཀ་ཨ་གྷུས་ས་གྷུས། །ཤིང་བུ་དག་གིས་གདབ་བྱ་ཞིང་། །ཇི་ལྟར་འདོད་པའི་གཟུགས་སུ་འགྱུར། །དེས་ནི་སྣ་ཚོགས་གཟུགས
318a3 སུ་འགྱུར། །བསྡུ་བར་འདོད་ན་སླར་ལ་བཟློག་།དེ་ཡང་བཀྲི་དྲང་ཐབས་སུ་འགྱུར། །ཞེས་གསུངས་སོ། །དེ་ལ་འདི་ནི་རོ་བསྲེག་པའི་བསྒྲུབ་ཐབས་སོ། །ནམ་མཁའི་དབྱིངས་ཀྱི་དབུས་སུ་ནི། །བདག་ཉིད་འཇིགས་བྱེད་སྐུར
318a4 བསྒོམས་ཏེ། །རོ་ལ་སྔགས་ཀྱིས་བཏབ་ནས་ནི། །དྲི་ཞིམ་ཆུ་ཡིས་བྱུག་པར་བྱ། །ཞུན་ཆེན་ཁུ་བར་བཙོས་པ་ཡི། །རས་ཀྱིས་ཀྱང་ནི་དཀྲི་བར་བྱ། །དབང་པོ་རྣམས་ཀྱི་གནས་དག་ཏུ། །ལྷ་ཡི་ཕྱག་རྒྱ་དགོད་པར་བྱ། །གནས་དེར་སྡོང
318a5 བུ་རེ་རེ་ལ། །ལྷ་རྣམས་སྙིང་པོ་བྲིས་པར་གདགས། །རོ་ཡི་ཕྱི་རོལ་ཤུན་པ་ལ། །འགྲོ་དྲུག་ས་བོན་བཀོད་ནས་ནི། །རིམས་གྱིས་སྦྱང་བའི་ལས་སུ་བྱ། །ཐབ་ཁུང་དཀྱིལ་གང་ཡིན་པ་ཡི། །ཕྱག་རྒྱ་གཞུང་དང་འཐུན་པར་དགོད། །དེ
318a6 སྟེང་ཤིང་བརྩིགས་གྲུ་བཞི་ལ། །ཀ་བ་ཟུར་བཞི་སུཾ་བརྩེགས་ཀྱི། །བར་ཁང་ཡང་ཐོག་བཅས་ཕར་བྱ། །བར་ཁང་རོ་གཞག་ཤར་དུ་བསྟན། །ཡང་སྟེངས་རས་སཾ་ཤོག་ཤོག་ལ། །བྲིས་པའི་ཕྱག་རྒྱ་ཚང་བར་བགོད། །བར
318a7 ཁང་གློ་དཀར་ཕྱོགས་བཞི་ནས། །གཟུངས་ཐག་ཕྱོགས་བཞིར་བླ་མར་དབུལ། །དེ་མཐར་འཁོར་གྱི་ལྷ་རྣམས་དགོད། །དེ་ནས་རྡོ་རྗེ་རྒྱལ་པོ་ཡིས། །མེ་ཡི་འཕྲོ་འདུ་རྒྱུན་མི་གཅད། །རྡོ་རྗེ་ལས་ཀྱི་ཀར་མ་ཡིས། །ལས་ཀྱི་ཕྲེང་བ་རྫོགས
318a8 པར་རོལ། །རྡོ་རྗེ་བླ་མ་གཅིག་གིས་ནི། །རོ་ཡི་ཉེས་པ་བགྲང་ཞིང་བཤགས། །རྡོ་རྗེ་སྐབས་སྦྱོར་ཆེན་པོ་ཡིས། །རྡོ་རྗེ་མཆོད་པ་སྐབས་སུ་དབུལ། །བཀྲ་ཤིས་གནས་ཀྱི་སྨོན་ལམ་ནི། །སྐབས་སམ་མཇུག་ཏུ་གདབ་པར་བྱ། །
iiif viewer powered by OpenSeadragon
