| e-texts navigator |
| Wylie |
317b1 པོ་ཆེ་ལ་མི་ཐུང་གཟུགས། །ཡིད་བཞིན་ནོར་བུ་ཐོགས་པ་ཡིས། །དབུལ་བ་ཐམས་ཅད་སེལ་བར་བསམ། །འདོད་པ་ལ་ནི་དེ་དག་དབབ། །དེས་ནི་དབུལ་བ་སེལ་བར་བྱེད། །ནོར་དང་གཏེར་གྱི་བདག་པོར་འགྱུར་ཞེས་གསུངས་སོ། །དེ་ལ་འདི་ནི
317b2 རྡོ་རྗེ་ཨ་ཛན་བསྒྲུབ་པའི་ཐབས་སོ། །ཤིང་གཅིག་དྲུང་ངམ་བཞི་མདོ་འམ། །མ་མོའི་གནས་སམ་ཞི་གནས་སུ། །རྡོ་རྗེ་ཨ་ཛ་བསྒྲུབ་པར་བྱ། །པད་མ་བན་དྷ་ཁ་སྦྱར་དུ་ཚིལ་ཆེན་བཤང་གཅི་ཁུ་བ་དང་། །མ་ཧཱ་རག་ཏ་ལས་བྱུང་བའི། །དུ་བ་བན་དྷར
317b3 ཆགས་པ་དང་། །བཤང་གཅི་རག་ཏས་སྦྲུས་ནས་ནི། །རི་ལུ་ལྕགས་གསུམ་གྱིས་དཀྲིས་པ། །གསུམ་དུ་བྱས་ན་དེ་ཉིད་ལ། །རང་གི་གསང་སྔགས་བརྒྱ་རྩ་བརྒྱད། །ཉི་ཤུ་དགུ་ཡི་ནམ་ཕྱེད་ན། །བཏབ་ན་དངོས་གྲུབ་གྲུབ་འགྱུར་ཏེ། །མིག་ལ
317b4 བསྐུས་ན་ཅི་ཡང་མཐོང་། །མི་སྣང་བ་དང་རྐང་འགྱོགས་དང་། །དེ་ལ་སོགས་པའི་དངོས་གྲུབ་རྣམས། །ཐོབ་པར་འགྱུར་ཏེ་གདོན་མི་ཟ། །ཞེས་གསུངས་སོ། །དེ་ལ་འདི་ནི་རྡོ་རྗེ་རོ་ལངས་བསྒྲུབ་པའི་ཐབས་སོ། །ནམ་མཁའི་དབྱིངས་ཀྱི་དབུས
317b5 སུ་ནི། །ཉི་མའི་དཀྱིལ་འཁོར་དབུས་གནས་པར། །བདུད་རྩི་འཁྱིལ་པ་རྣམ་པར་བསྒོམ། །དུར་ཁྲོད་རི་བྲག་གཉན་པའི་སར། །རོ་ཡི་རྫས་བཙལ་དེ་ནས་ཀྱང་། །རོ་ཡི་གཉེན་པོར་བདག་བསམས་ཏེ། །དེ་ཡི་སྟེང་དུ་བདག་གནས་ལ།
317b6 དེ་ལ་དཀྱིལ་འཁོར་ཚང་བར་བསྒོམ། །དེ་སྔགས་རྒྱུན་དུ་བཟླས་བྱ་ཞིང་། །དགུག་པའི་ཕོ་ཉ་དྲག་ཏུ་བསྐུལ། །མདོག་མདངས་བཀྲག་སྣུམ་བྱུང་བ་དང་། །བདུད་རྩི་ཡིས་ནི་བསྐུར་བར་བྱ། །དེ་ནས་འགུལ་བར་གྱུར་པ་དང་། །ཕྱག་རྒྱ
317b7 བཞི་ཡིས་གཞུམ་པར་བྱ། །སྔགས་ཀྱི་འཕྲོ་འདུ་རྒྱུན་མི་གཅད། །དེ་ནས་རབ་ཏུ་འཕར་བ་དང་། །འགྲོ་བ་རིས་དྲུག་གང་ཡིན་པ། །རྡོ་རྗེ་དྲག་ཏུ་གདབ་པར་བྱ། །རྡོ་རྗེ་སོ་ཡིས་གཅད་བྱ་ཞིང་། །སྔགས་ཟློས་ཁོང་དུ་བསྟིམ་པར་བྱ། །དེ་ནས
317b8 ལངས་པར་གྱུར་པ་དང་། །རྡོ་རྗེ་བྱིན་ནས་དབང་ཡང་བསྐུར། །བདུད་རྩིའི་ཆུ་ཡང་བླུད་པར་བྱ། །ལས་རྣམས་གང་འདོད་བྱེད་དུ་བཞུག་།ཡང་ན་གསེར་རམ་གོས་མཚོན་ནམ། །རྐང་མགྱོགས་ལ་སོགས་དངོས་གྲུབ་རྣམས། །ཇི་ལྟར
iiif viewer powered by OpenSeadragon
