| e-texts navigator |
| Wylie |
317a1 འཕྲོ་འདུ་ཡིས། །གོང་མ་བཞིན་དུ་དབྱུང་བར་བྱ། །སྤོ་བ་ཡང་ནི་དེ་བཞིན་ནོ། །དེ་ནི་ཁམས་ལས་གྱུར་པ་ཡིས། །ནད་རྣམས་ཐམས་ཅད་ངེས་པར་སེལ། །ཞེས་གསུངས་སོ། །དེ་ལ་འདི་ནི་བཀྲེས་སྐོམ་ཞི་བ་སྒྲུབ་པའི་ཐབས་སོ། །བཀྲེས་སྐོམ་ཅན་གྱི་ཉོན
317a2 མོངས་པ་འམ། །ཡང་ན་བསྒྲུབ་པ་འམ་གང་ཡང་རུང་། །སྦྱོར་བ་འདིར་ནི་བརྩམ་པར་བྱ། །རྣམ་པར་སྣང་མཛད་གཟུགས་ཆེན་པོ། །ནམ་མཁའི་དབུས་སུ་བསྒོམ་པར་བྱ། །བ་ནི་ཁ་ཡི་ནང་དུ་བསྒོམ། །ུ0f00་ནི་ལྕེ་ལ་རྣམ་བསམས་ཏེ། །ཡིད་བཞིན་བདུད
317a3 རྩི་ལྟ་བུ་ཡི། །བཟའ་བའི་གནས་སུ་དེ་ཉིད་བསམ། །དེས་ནི་བཀྲེས་སྐོམ་སྡུག་བསྔལ་སེལ། །ཞེས་གསུངས་སོ། །དེ་ལ་འདི་ནི་རྣམ་པར་དག་པ་བསྒྲུབ་པའི་ཐབས་སོ། །ུ0f00་ནི་མིག་ལ་རབ་བསམས་ཏེ། །ཡུལ་ཀུན་རྣམ་སྣང་མཛད་དུ་བསྒོམ། །དེ་ལྟར
317a4 རྟག་ཏུ་གོམས་པ་དང་། །ཆོས་ཀུན་སྐུ་གསུང་རྡོ་རྗེ་མཐོང་། །དེ་ཉིད་རྣམ་དག་སྤྱན་དུ་གྲགས། །ཞེས་གསུངས་སོ། །དེ་ལ་འདི་ནི་འཇིག་རྟེན་པའི་ལྷ་མཐུ་བོ་ཆེ་རྣམས་ཟིལ་གྱིས་གནོན་ཅིང་ཚིག་ཉན་པ་བསྒྲུབ་པའི་ཐབས་སོ། །ནམ་མཁའ་རྡོ་རྗེའི
317a5 དབུས་སུ་ནི། །ཉི་མའི་དཀྱིལ་འཁོར་དབུས་གནས་པར། །ཁམས་གསུམ་རྣམ་པར་རྒྱལ་བ་བསམ། །བྷི་ཞེས་བྱ་བའི་སྙིང་བོ་ཡིས། །མཐུ་ཆེན་རྣམས་ནི་དྲངས་ནས་སུ། །བསྡིགས་པ་དག་ཀྱང་བྱས་ནས་ནི། །ཟིལ་གྱིས་གནོན་ཅིང་ཉན་པར
317a6 འགྱུར། །ཞེས་གསུངས་སོ། །དེ་ལ་འདི་ནི་ལྷ་མོ་ཙུན་དྷ་བསྒྲུབ་པའི་ཐབས་སོ། །སྔགས་ཀྱི་བདག་པོར་བདག་གནས་པའི། །སྙིང་གར་ཉི་མའི་དཀྱིལ་འཁོར་ལ། །ཙུ~ཾ་ཞེས་བྱ་བའི་འཕྲོ་འདུ་ལས། །བདག་ཉིད་ཙུན་དྷའི་གཟུགས་སུ
317a7 བསྒྱུར། །རྣམ་པའི་མཆོག་རྣམས་ཀུན་ལྡན་པའི། །ཁ་དོག་དཀར་པོ་རབ་ཏུ་བསྒོམ། །འདི་ནི་ཆོས་དབྱིངས་བསྒྲུབ་པ་སྟེ། །བུད་མེད་ཐམས་ཅད་འགྲུབ་པར་འགྱུར། །ཞེས་བཤད་དོ། །དེ་ལ་འདི་ནི་ཛ~ཾ་བྷ་ལ་ནོར་བསྒྲུབ་པའི་ཐབས་སོ། །
317a8 ནམ་མཁའི་དཀྱིལ་འཁོར་དབུས་སུ་ནི། །སངས་རྒྱས་དཀྱིལ་འཁོར་བསྒོམ་པར་བྱ། །སྙིང་གར་ཛ~ཾ་གྱི་འཕྲོ་འདུ་ལས། །ཛ~ཾ་བྷ་ལ་ཡི་གཟུགས་དག་གིས། །བར་སྣང་ཁམས་ཀུན་གང་བ་ནི། །མདོག་སྔོན་ཐོར་ཚུགས་ཀྱིས་བརྒྱན་པ། །གསུས
iiif viewer powered by OpenSeadragon
