| e-texts navigator |
| Wylie |
315a1 ཐུགས་ནི་རྡོ་རྗེ་ཡི། །སྙིང་ཀར་ཉི་མའི་དཀྱིལ་འཁོར་བསམ། །དེ་ལས་འོད་དུ་འཕྲོས་པ་ལས། །མུན་པའི་གནས་རྣམས་གསལ་བར་ངེས། །ཞེས་གསུངས་སོ། །དེ་ལ་འདི་ནི་རླུང་བཅད་པ་བསྒྲུབ་པའི་ཐབས་སོ། །བདག་ཉིད
315a2 རླུང་གི་ཕྱོགས་སོང་ལ། །སྟེགས་བུ་གྲུ་བཞི་ལྷམ་པར་བྱ། །སྤོས་ཀྱི་ཐིག་ལེ་བདུན་བྱས་ཏེ། །ཡ~ཾ་ལས་རླུང་བདུན་བསྐྱེད་པར་བྱ། །རླུང་ལྷ་དགུག་པར་བྱས་ནས་སུ། །ཁམ་ཕོར་གྱིས་ནི་དགབ་བྱས་ཏེ། །དེ་སྟེང་ལ~ཾ་ལས་རི་རབ་བསྒོམ། །
315a3 རི་རབ་རྩེ་ལ་ཁྲོ་བོ་ནི། །འབར་བ་དག་གིས་མནན་པར་བསྒོམ། །དེས་ནི་འཇིག་པའི་རླུང་རྣམས་ཀྱང་། །བཅིངས་པར་འགྱུར་བར་གདོན་མི་ཟ། །ཞེས་གསུངས་སོ། །དེ་ལ་འདི་ནི་ཆར་དབབ་པའི་ཐབས་སོ། །ནམ་མཁའ་དབྱིངས་ཀྱི
315a4 དབུས་སུ་ནི། །པད་མ་འདབ་མ་བརྒྱད་པ་བསྒོམ། །དབུས་སུ་ཁྲོ་བོ་སྟོབས་པོ་ཆེ། །འདབ་མ་ལ་ནི་ཀླུ་བརྒྱད་པོ། །བསྒོམས་སམ་ཡང་ན་བྲིས་ཀྱང་རུང་། །ཁྲོ་བོའི་ཞབས་ཀྱི་མཐིལ་གྱིས་ནི། །ཀླུ་རྣམས་རབ་ཏུ་མནན་ནས་སུ། །ཧཱུ~ཾ
315a5 གཉིས་བར་ཏུ་ཀླུ་རྣམས་ཀྱི། །སྙིང་པོ་སྤེལ་ཅིང་གཟིར་ནས་སུ། །ཀླུ་རྣམས་གནས་པའི་ས་ཕྱོགས་སུ། །ཧཱུ~ཾ་ཞེས་བྱ་བ་བཟླས་བརྗོད་བྱ། །ཁྲོ་བོས་མནན་པས་ཀླུ་རྣམས་ཀྱི། ཁ་ནས་ཆར་པ་སྐྱུགས་བསམས་ན། །འཇིག
315a6 དུས་ལྟ་བུའི་ཆར་པའང་འབབ། །ཅེས་གསུངས་སོ། །དེ་ལ་འདི་ནི་ཆར་བ་དང་སེར་བ་གཅད་པའི་ཐབས་སོ། །ནམ་མཁའི་དབྱིངས་ཀྱི་དབུས་སུ་ནི། །ཉི་མའི་དཀྱིལ་འཁོར་དབུས་གནས་པར། །རྟ་མཆོག་དཔལ་ནི་རྣམ་པར་བསམ། །ཉི་མའི
315a7 མདོག་འདྲ་འོད་བཟངས་ཞལ། །ནམ་མཁའ་ཁྱབ་པར་རྣམ་པར་གདངས། །ལྕེ་ཡི་སྟེང་དུ་ཧཱུ~ཾ་བཞག་སྟེ། །མི་རི་འོད་དང་བཅས་པ་ཡིས། །ཆར་ཆུས་གང་བའི་སྤྲིན་རྣམས་ཀུན། །བསྐམ་ཞིང་ལྕེ་ཡིས་བླངས་བསམས་ན། །སྐམ་པར
315a8 འགྱུར་བར་གདོན་མི་ཟ། །ཡང་ན་ལྕེ་སྟེངས་དེ་ཉིད་དུ། །ཡ~ཾ་ལས་རླུང་དུ་བསྒོམས་ནས་ནི། །བུས་པས་སྤྲིན་རྣམས་གཏོར་བར་འགྱུར། །ཡང་ན་རལ་གྲིའི་ཕྱག་རྒྱ་ཡིས། །ཆར་སྤྲིན་དང་ནི་ཀླུ་ཡི་གཟུགས། །བཅད་ཅིང་དུམ་བུར་གཏུབས
iiif viewer powered by OpenSeadragon
