| e-texts navigator |
| Wylie |
314b1 བསྒྲུབ་པའི་ཐབས་སོ། །ནམ་མཁའ་དབྱིངས་ཀྱི་དབུས་སུ་ནི། །ཉི་མའི་དཀྱིལ་འཁོར་དབུས་གནས་པར། །གཞན་གྱིས་མི་ཐུབ་ཁྲོ་བོ་ཆེ། །པད་མ་དམར་སེར་མདོག་འདྲ་བ། །ཤིན་དུ་ཆེ་ཞིང་བརྗིད་པར་བསྒོམ། །ཕ་རོལ་དམག་དཔུང
314b2 འོག་དག་ཏུ། །རླུང་དང་མཚོ་དང་ས་སྐྱེད་པ། །དེ་ལ་གནས་པའི་དཔུང་རྣམས་ཀྱིས། །སྟེང་དུ་ཟླ་བའི་དཀྱིལ་འཁོར་བསམ། །དེ་སྟེང་རྡོ་རྗེ་རྒྱ་གྲམ་གྱི། །སྟེང་དུ་རི་རབ་རྣམ་པར་བསྒོམ། །དེ་ཡི་སྟེང་དུ་མནན་བསམ་ན། །སངས་རྒྱས་དཔུང
314b3 ཡང་གནོན་པར་ནུས། །མི་རྒྱལ་དཔུང་ལ་སྨོས་ཅི་དགོས། །ཞེས་གསུངས་སོ། །དེ་ལ་འདི་ནི་དགྲའི་དཔུང་རྨོངས་པར་བྱ་བ་སྒྲུབ་པའི་ཐབས་སོ། །དགྲ་འམ་དཔུང་གི་གཟུགས་བརྙན་དག་།བསམས་སམ་གཟུགས་སུ་བྱས་ནས
314b4 ནི། །རྡོ་རྗེ་ཕུར་བུ་ཚད་ལྡན་ལ། །ཧཱུ~ཾ་ལས་ཁྲོ་བོའི་སྐུར་བསྐྱེད་ནས། །རང་གི་རིག་སྔགས་རབ་ཟླས་ཏེ། །སྙིང་གར་བཏབ་པར་རབ་བསྒོམས་ནས། །ཁྲོས་པས་བྱས་ན་སངས་རྒྱས་ཀྱི། །དཔུང་ཡང་མྱོས་པར་གདོན་མི་ཟ་ཞེས
314b5 གསུངས་སོ། །དེ་ལ་འདི་ནི་ཆུ་ལ་འབྱིང་བ་མེད་པ་བསྒྲུབ་པའི་ཐབས་སོ། །ནམ་མཁའ་དབྱིངས་ཀྱི་དབུས་སུ་ནི། །སྔགས་ཀྱི་བདག་པོ་རབ་ཏུ་བསྒོམ། །ཆུ་ཡི་སྟེང་ནི་ཐམས་ཅད་དུ། །སངས་རྒྱས་དག་གིས་གཏམས་པར་བསྒོམ། །
314b6 སྟེང་ནས་དལ་གྱིས་བཅག་པར་བསམ། །སངས་རྒྱས་དག་ནི་ཐམས་ཅད་ཀྱི། །སྤྱི་བོའི་སྟེང་དུ་རྐང་པ་བསྒོམ། །དེ་ལྟར་རབ་ཏུ་གོམས་པ་དང་། །ས་ལ་འགྲོ་བཞིན་ནུས་པར་འགྱུར་ཞེས་གསུངས་སོ། །དེ་ལ་འདི་ནི་ཐོགས
314b7 མེད་རླུང་གི་དངོས་གྲུབ་བསྒྲུབ་པའི་ཐབས་སོ། །ནམ་མཁར་རྡོ་རྗེ་དབུས་སུ་ནི། །ཟླ་བའི་དཀྱིལ་འཁོར་དབུས་གནས་པར། །ལྷ་ཡི་རྣལ་འབྱོར་བསྒོམ་པར་བྱ། །འོག་གི་ཕྱོགས་སུ་ཡ~ཾ་ལས་ནི། །རླུང་གིས་རབ་ཏུ་བཏེག་པར
314b8 བསྒོམ། །དེ་ལྟར་རབ་ཏུ་བསྒོམ་བྱས་ན། །མཁའ་ལ་བྱ་བཞིན་འགྲོ་བར་ནུས། །ཞིང་ཁམས་ཀུན་དུ་བགྲོད་པར་འགྱུར། །ཞེས་གསུངས་སོ། །དེ་ལ་འདི་ནི་ཉི་མ་གསལ་བ་ཞེས་བྱ་བའི་དངོས་གྲུབ་བསྒྲུབ་པའི་ཐབས་སོ། །སྐུ་གསུང
iiif viewer powered by OpenSeadragon
