| e-texts navigator |
| Wylie |
313a1 རྒྱུད་དག་ནི། །མཁྱེན་ཅིང་རིག་པ་ཀུན་ཤེས་འགྱུར། །ཡུམ་གྱི་མཁའ་ལས་བྱུང་བ་ཡི། །རག་ཏ་དག་ནི་ཐམས་ཅད་ལ། །སངས་རྒྱས་སེམས་ཅན་ཐམས་ཅད་ཀྱི། །གནས་རྣམས་མ་ལུས་ཀུན་བསྡུས་ནས། །ཟོས་སམ་སྙིང་ཀར་གཞག
313a2 ན་ནི། །སྔོན་གྱི་གནས་ཀྱི་གཏན་ཚིགས་རྣམས། །ཞག་གསུམ་ལོན་བཞིན་གསལ་བར་འགྱུར། །སྙིང་ཀར་ཡེ་ཤེས་སེམས་དཔའ་བསྒོམ། །ཕྱོགས་བཅུར་གནས་པའི་སངས་རྒྱས་རྣམས། །བཀུག་ནས་དེ་དག་རྫུ་འཕྲུལ་རྣམས། །ཕྲོགས
313a3 ནས་སྙིང་ཀར་བསྡུ་བྱས་ན། །སངས་རྒྱས་དག་ནི་ཐམས་ཅད་ཀྱི། །རྡོ་རྗེ་རྫུ་འཕྲུལ་ཐམས་ཅད་ཀུན། །འགྲུབ་པར་འགྱུར་བར་གདོན་མི་ཟ་ཞེས་གསུངས་སོ། །དེ་ལ་འདི་ནི་རྡོ་རྗེ་བསྲུང་བ་བསྒྲུབ་པའི་ཐབས་སོ། །སྐུ་གསུང་ཐུགས་ནི་རྣམ་བསྒོམས
313a4 ལ། །སྙིང་ཀར་ཉི་ཟླའི་དཀྱིལ་འཁོར་ལས། །ཁྲོ་བོ་འོད་ཀྱི་ཕྲེང་བ་ཡིས། །བསྲུང་བར་བྱ་བའི་ཟུག་རྔུ་རྣམས། །ཕྱུང་སྟེ་མེད་པར་བསམས་ནས་ནི། །ལྷ་རྣམས་དག་ནི་ཐམས་ཅད་ཀྱི། །ཕྱག་རྒྱ་དག་ནི་ཐམས་ཅད་དམ། །ཡང་ན་རྡོ་རྗེ་རྒྱ
313a5 གྲམ་འམ། །རྡོ་རྗེ་གོ་ཆའི་ཕྱག་རྒྱ་ཡིས། །ལུས་དང་ངག་སེམས་རབ་བསྲུངས་ན། །སངས་རྒྱས་ཀྱིས་ཀྱང་མི་ཚུགས་ན། །ཕལ་པ་རྣམས་ཀྱིས་སྨོས་ཅི་དགོས་ཞེས་གསུངས་སོ། །ལས་འདི་སྦྱར་བར་བྱ་བ་ཡང་། །ལྗོངས་སམ་གྲོང་ཁྱེར
313a6 གྲོང་དག་ཏུ། །སྔགས་ཀྱི་བདག་པོ་རབ་གནས་ལ། །ནད་ཀུན་སྤོང་བའི་ལས་འདི་བྱ། །རྡོ་རྗེ་རྩེ་ལྔ་འོད་འཕྲོ་བ། །བསྐལ་བའི་མེ་བཞིན་བསམས་ནས་སུ། །སྤྲོས་པས་ནད་རྣམས་བསྲེགས་ནས་ནི། །སླར་ཡང་རྡོ་རྗེ་ཉིད་ལ་བསྡུ། །དེ་ནས་རྡོ་རྗེ
313a7 དེ་ཉིད་ལས། །འོད་ཟེར་སེར་པོ་སྤྲོས་པ་ཡིས། །ནད་རྣམས་གཏོང་བའི་གནས་དེ་དག་།བསྐལ་པ་ཡུན་དུ་གང་བསམས་ཏེ། །གོམས་པར་ཡང་དང་ཡང་བསམས་ན། །ནད་རྣམས་ཐམས་ཅད་སེལ་བར་བྱེད། །དེ་ན་འཁོད་པའི་སྐྱེ་བོ
313a8 རྣམས། །སྤྲུལ་པའི་བདེ་བ་ཐོབ་པར་འགྱུར། །བདེ་གཤེགས་རྣམས་ཀྱིས་བྱིན་གྱིས་རློབ། །ཚེ་རིང་ལང་འཚོ་བདེ་བར་འགྱུར། །ཞེས་གསུངས་སོ། །དེ་ལ་འདི་ནི་ཞི་བ་བསྒྲུབ་པའི་ཐབས་སོ། །རབ་ཏུ་དབེན་ཞིང་ཉམས་དགའ་བར། །
iiif viewer powered by OpenSeadragon
