| e-texts navigator |
| Wylie |
312a1 དེ་ལ་འདི་ནི་རྡོ་རྗེ་ལྷ་དང་། ལྷ་མོ་དགུག་པའི་ཆོ་གའོ། །ཤིང་གཅིག་དྲུང་ངམ་བཞི་མདོ་འམ། །མཚན་མ་གཅིག་དང་ཞི་གནས་སུ། །བདག་ཉིད་གཙོ་གཟུང་ལྡན་བྱས་ནས། །སྐུ་གསུང་ཐུགས་ཀྱི་བདག་ཉིད་བསམ། །སྐུ་གསུང
312a2 ཐུགས་ཀྱི་རྡོ་རྗེ་ལས། །ལག་ན་ཀྱོ་བ་ཐོགས་པ་ཡི། །སྤྲུལ་པ་བསམ་ཡས་འཕྲོ་བར་བྱ།། ཛ་ཡཱ་ར་ཎ་ཕཊ། གང་དགུག་ལྷ་འམ་བུད་མེད་དམ། །ཡ~ཾ་ལས་རླུང་གིས་བཏེག་བསམས་ཏེ། །ཀྱོ་བས་གདན་ནམ་སྙིང་ཀ་ནས། །གཟུང
312a3 སྟེ་ཧཱུ~ཾ་གིས་བསྡུས་བྱས་ན། །སངས་རྒྱས་གྲགས་པ་ཆེན་པོ་ཡང་། །རང་དབང་མེད་པར་ཁུགས་འགྱུར་ན། །འཇིག་རྟེན་བུ་མོ་སྨོས་ཅི་དགོས། །གང་འདོད་ལས་དེ་བྱེད་བར་འགྱུར་ཞེས་གསུངས་སོ། །དེ་ནི་འདི་ནི་རྡོ་རྗེ་སྒྲུབ
312a4 པའི་ཐབས་སོ། །བདག་ཉིད་སྔགས་ཀྱི་སྐྱེས་བུ་ཡི། །རྡོ་རྗེའི་སྐུར་ནི་རབ་བསྒོམས་ཏེ། །ལྕེ་ལ་པད་མའི་དཀྱིལ་འཁོར་དུ། །རྡོ་རྗེའི་སྦྱོར་བས་ཨུ0f00་དུ་བསམ། །དེ་ལས་རྡོ་རྗེ་གསུང་དུ་གྱུར། །བསམ་ཡས་ཨ~ཾ་གི་འཕྲོ་འདུ་ལས། །
312a5 སངས་རྒྱས་གསུང་དང་སེམས་ཅན་དག་།བདག་གི་ལྕེ་ལ་འདུས་པ་རུ། །ཡང་ནས་ཡང་དུ་གོམས་པར་བསྡུ། །འཇིག་རྟེན་ཚིག་གམ་ཆོས་ཀྱི་སྒྲ། །ངག་བརྗོད་བདེན་ཞིང་ཉན་པ་དང་། །བརྫུན་དང་ཕྲ་མ་ཚིག་རྩུབ་སོགས། །ངག་གིས
312a6 ཉེས་པ་ཅི་བརྗོད་ཀྱང་། །ལྕེ་སྒྲིབ་སྤངས་པར་གདོན་མི་ཟ་ཞེས་གསུངས་སོ། །དེ་ལ་འདི་ནི་ཤ་རྣམ་པ་ལྔའི་དངོས་གྲུབ་བསྒྲུབ་པའི་ཐབས་སོ། །བདག་ཉིད་ལུས་ངག་སེམས་རྡོ་རྗེ། །རྡོ་རྗེ་གསུམ་དུ་རྣམ་པར་བསྒོམ། །མཚན་དང
312a7 དཔེ་བྱད་ཡང་དག་ལྡན། །ཡེ་ཤེས་དམ་ཚིག་སྙིང་ཀར་བསྒོམ། །དབུ་རྒྱན་རྡོ་རྗེ་གསལ་བར་བྱ། །ཤ་ཆེན་དག་ནི་ཐམས་ཅད་ལ། །ས་བོན་ཨུ0f00་གྱིས་རྣམ་པར་སྦྱང་། །སྲིད་གསུམ་སེམས་ཅན་ཐམས་ཅད་ཀྱི། །ཤ་ཆེན་ཇི་སྙེད
312a8 ཡོད་པ་ཀུན། །ུ0f00་གྱིས་འཕྲོ་འདུས་བསྡུས་ནས་ནི། །སྤྱོད་ཚེ་བདག་ལ་ཐིམ་པར་བསྒོམ། །གླང་པོ་དག་གི་ཤ་རྣམས་ལ། །ཧཱུ~ཾ་ལྕེའི་དམ་ཚིག་རྡོ་རྗེ་ལ། །རྡོ་རྗེ་ཅན་གྱིས་ཧཱུ~ཾ་དུ་བསྒོམ། །ཡེ་ཤེས་ལྔ་ཡི་སྦྱོར་བ་ཡིས། །ཟོས་ན་དམ
iiif viewer powered by OpenSeadragon
