| e-texts navigator |
| Wylie |
311b1 བའི་དཀྱིལ་འཁོར་ལ། །འཇམ་དཔལ་ས་བོན་མུ~ཾ་དུ་བསྒོམ། །བདག་ལུས་དང་ནི་ཟླ་བ་དང་། །མུ~ཾ་རྣམས་རིམ་པར་ཇེ་ཞི་ལ། །སྟོང་པ་ཉིད་ཀྱི་རྣམ་པ་ལས། །སྙིང་རྗེ་མུ~ཾ་དང་ཟླ་བ་ལས། །རྡོ་རྗེ་འཇམ་པའི་ཕྱག་རྒྱ་བསྒོམ། །ལུས་དང
311b2 ངག་སེམས་རྡོ་རྗེ་ལས། །རྡོ་རྗེ་འཇམ་པ་རབ་འཕྲོས་པས། །འཇམ་དཔལ་ཉིད་དང་འདྲ་བར་འགྱུར། །དཔག་ཚད་བརྒྱ་ཡི་ཁྱོན་ཙམ་དུ། །རྡོ་རྗེ་འཇམ་པའི་འོད་དང་བཅས། །རྒྱན་རྣམས་ཀུན་གྱིས་ལེགས་བརྒྱན་པའི། །
311b3 འཇམ་དཔལ་ཉིད་དུ་ཀུན་གྱིས་མཐོང་། །མངོན་ཤེས་ལྡན་པའི་ལྷ་རྣམས་ཀྱིས། །ལུས་ཀྱི་རྣམ་པ་མཐོང་མི་འགྱུར། །དེ་ནས་སླར་ནི་བསྡུས་པ་ལས། །ཐུགས་ཀའི་མུ~ཾ་ལ་ཐིམ་བསམས་ན། །མཆོག་ཏུ་ཤེས་རབ་རྣོ་བ་དང་། །མཁྱེན
311b4 རབ་ཀུན་གྱི་བདག་པོར་འགྱུར། །ཐམས་ཅད་མཁྱེན་པ་འང་ཐོབ་འགྱུར་ན། །འཇིག་རྟེན་ཤེས་བྱ་སྨོས་ཅི་དགོས། །ཞེས་གསུངས་སོ། །དེ་ལ་འདི་ནི་རྡོ་རྗེ་རིག་འཛིན་བསྒྲུབ་པའི་ཐབས་སོ། །ནམ་མཁའི་དབྱིངས་ཀྱི
311b5 དབུས་དག་ཏུ། །ཟླ་བའི་དཀྱིལ་འཁོར་བསམས་ནས་སུ། །རང་ཉིད་གང་འདོད་ལྷར་བསྒོམ་ཏེ། །སྐུ་གསུང་ཐུགས་སུ་བྱིན་བརླབས་པའི། །དམ་རྫས་བདུད་རྩི་རྣམ་ལྔ་ལ། །སྲན་མ་ཙམ་གྱི་རི་ལུ་བྱ། ལྕགས་གསུམ
311b6 ག་འུར་བཅུག་ནས་ནི། །ཁར་བཅུག་རང་གི་སྙིང་པོ་ལས། །རབ་ཏུ་གོམས་པར་འདི་བྱས་ན། །གང་འདོད་རིགས་འཛིན་གདོན་མི་ཟ། །མཐའ་ཡས་ཞིང་ཁམས་ཐམས་ཅད་ཀྱི། །རྡུལ་སྙེད་བཞུགས་པའི་སངས་རྒྱས
311b7 ཀུན། །དེ་ཡི་རྗེས་སུ་འབྲང་བར་འགྱུར། །དེ་ལ་སོགས་ཏེ་མཐའ་ཡས་མཆོག་ཅེས་གསུངས་སོ། །ཡང་ན་རང་གི་ཕྱག་རྒྱ་སྟེ། །ནམ་མཁའི་དབྱིངས་ཀྱི་དབུས་དག་ཏུ། །ཟླ་བའི་དཀྱིལ་འཁོར་སྟེང་དུ་ནི། །བདག་ཉིད་གང
311b8 འདོད་ལྟར་བསྒོམས་ཏེ། །རང་གི་ཕྱག་རྒྱ་བརྙན་མར་བྱ། །ལག་ཏུ་ཐོགས་ལ་རང་རིགས་སྔགས། །བཟླས་ན་རིགས་འཛིན་གང་ཡིན་འགྱུར། །རང་གི་ལྷ་ནི་གང་ཡིན་པའི། །ཡོན་ཏན་དག་ནི་དེ་ཐོབ་འགྱུར་ཞེས་གསུངས་སོ། །
iiif viewer powered by OpenSeadragon
