| e-texts navigator |
| Wylie |
309b1 འགྲམ་གླད་རིང་ལ་སྐྲ་མཚམས་དམའ། །ཤ་མདོག་ཆེ་ཞིང་རྣ་བ་རིང་། །བ་ལང་ཅན་ཞེས་བྱ་བར་བཤད། །བཞིན་མདོག་གྲུ་གསུམ་ཁ་དོག་གནག་།སྐྲ་རྩུབ་ཤེལ་ལ་ཁྲོ་གཉེར་མང་། །རི་མོ་ཅན་ཞེས་བྱ་བར་བཤད། །སྐྱེ
309b2 རྒྱུད་མེད་ཅིང་བཀྲ་མི་ཤིས། །གཅིག་པུར་འདུག་པ་གདོང་གཅིག་མའོ། །ཡན་ལག་ཐམས་ཅད་མེས་ཚིག་བཞིན། །གཏན་དུ་འཕེལ་བའི་རྒྱུ་མེད་པ། །མེ་རེག་མ་ཡི་རིགས་སུ་བཤད། །གཞན་ཡང་ལྷ་འམ་ལྷ་མིན་ནམ། །གནོད
309b3 སྦྱིན་སྲིན་པོ་ལ་སོགས་པ། །མདོར་ན་འཇིག་རྟེན་ཁམས་རྣམས་ན། །མོ་ཡི་རིགས་ཅན་གང་ཡང་རུང་། ཡིད་དུ་འོང་དང་མི་འོང་རྣམས། །དངོས་གྲུབ་བསྒྲུབ་པའི་བརྟེན་ཡིན་ཏེ། །ཐུགས་རྗེའི་ཡུལ་བས་ཀུན་སྙོམས་བྱའོ། །དེ་དག
309b4 གང་རྙེད་བྱིན་གྱིས་བརླབ། །དེ་ཡི་སྤྱི་བོ་གཙུག་ཏུ་ནི། །ཟླ་དཀྱིལ་མ~ཾ་ལས་ཀུན་བཟང་མོ། །སྙིང་གར་ཟླ་དཀྱིལ་ལ~ཾ་བསམས་ཏེ། །ཡངས་པའི་སྤྱན་དུ་བསྒོམ་པར་བྱ། །ལྕེ་སྟེངས་ཟླ་དཀྱིལ་ཡི་གེ་པ~ཾ། །གོས་དཀར་མ་ཡི་ལྟེ་བ་ལ། །ཟླ
309b5 དཀྱིལ་མཾ་ལས་མཱ་མ་ཀཱི། །ཡན་ལག་བཞི་ཡི་དཀྱིལ་འཁོར་ལ། །ཏ~ཾ་ལས་སྒྲོལ་མའི་ཕྱག་རྒྱར་གསལ། །ལག་གཡས་ལྕགས་ཀྱུའི་སྐུ་རུ་བསྒོམ། །ལག་གཡོན་དྲིལ་བུ་ལྕགས་སྒྲོག་ཁ། །ཞགས་པ་པད་མ་དག་ལའོ། །རྡོ་རྗེ་ཐབས
309b6 ལ་ཡབ་རྣམས་བསྒོམ། །དེ་ལྟར་གསལ་བར་གྱུར་པ་དང་། །བྷ་གའི་དབྱིབས་སུ་མེ་རི་བསྒོམ། །བྱང་ཆུབ་སེམས་ཀྱི་འཕྲོ་འདུ་ལས། །ལྷག་པའི་ཏིང་འཛིན་དཀྱིལ་འཁོར་བསྒོམ། །གསལ་ལྡན་མ་འམ་བྱིན་བརླབས་བྱའོ། །
309b7 མཚན་ལྡན་ཤེས་རབ་དེ་ཉིད་ལ། །རིན་ཆེན་སྣ་ཚོགས་རྒྱན་དུ་གདགས། །གསེར་གྱི་རྣ་ཆ་གདུ་བུ་དང་། །དོ་ཤལ་དཔུང་རྒྱན་སེ་མོ་དོ། །འཇམ་ཞིང་གསལ་བར་བྱས་པ་ཡིས། །ཆོས་གོས་ལྔ་དང་ལྡན་པར་བྱ། ། ག་རུ་དང
309b8 དུ་རུ་སྐ། །དྲིས་སྤོས་ཙན་དན་སྦྱར་བ་ཡིན། །ཁྲུས་ཀྱི་ཆོ་ག་དག་པར་བྱ། །དྲི་ཞིམ་བྱུག་པས་ལུས་ལ་བྱུག་།རྫས་ཀྱི་ཆུ་དང་རྫས་སྦྱར་བས། །ནང་ཡང་དག་པའི་ཁྲུས་བྱའོ། །དེ་ནས་བྱང་ཆུབ་སེམས་བསྐྱེད་དེ། །མི་དམིགས
iiif viewer powered by OpenSeadragon
