| e-texts navigator |
| Wylie |
308b1 རྡོ་རྗེ་ལས་ཕྱུང་ངོ་། །བསྙེན་བསྒྲུབ་ཡན་ལག་བསམ་ཡས་ཀྱང་། །དཀྱིལ་འཁོར་དག་ནི་ཐམས་ཅད་ལ། །རྣལ་འབྱོར་འཇུག་པའི་དོན་གྱི་ཕྱིར། །མདོར་བསྡུས་རྣམ་པ་བཞིར་བཤད་དོ། །ཐོག་མར་བསྙེན་པ་ཡིན་པར་བཤད། །གཉིས
308b2 པ་དག་ནི་ཉེ་བསྙེན་པ། །གསུམ་པ་བསྒྲུབ་པ་ཞེས་སུ་བརྗོད། །ཐ་མ་བསྒྲུབ་ཆེན་པོ་ཞེས་བྱ། །བྱེ་བྲག་ཏུ་ནི་ཤེས་བྱས་ལ། །དེ་ནས་ལས་རྣམས་བརྩམ་པར་བྱ། །བསྙེན་བསྒྲུབ་བྱེ་བྲག་ཤེས་བྱ་ཞིང་། །དེ་ལ་གནས་པ་རབ་ཏུ
308b3 གཅེས། །དེ་དག་མི་ཤེས་མི་གནས་པས། །བསྒྲུབས་ཀྱང་འགྲུབ་པར་མི་འགྱུར་ཏེ། །ལས་རྣམས་བརྩམས་ཀྱང་དོན་མེད་འགྱུར། །དེ་བས་ནན་ཏན་བསྐྱེད་དེ་བྱ། །བསྙེན་པའི་ཏིང་འཛིན་རབ་སྦྱོར་བས། །བྱང་ཆུབ
308b4 སེམས་ནི་ཤེས་པར་བྱ། །ཉེ་བར་བསྙེན་པ་ལ་གནས་པས། །བདག་ཉིད་ཕྱག་རྒྱ་ཆེན་པོར་བསྒོམ། །དེ་ཡང་གསང་སྔགས་བདག་པོ་ཉིད། །རིག་མ་བསྐྱེད་དང་བསྐུལ་བྱ་བ། །བསྒྲུབ་པ་ཞེས་སུ་རྒྱལ་བས་གསུངས། །
308b5 ཐབས་དང་ཤེས་རབ་འབྲེལ་བ་ལས། །རང་གི་ལྷ་ཡི་རྣལ་འབྱོར་གསུངས། །གང་ཡིན་རྡོ་རྗེ་འགྲུབ་འགྱུར་བ། །བསྒྲུབ་པ་ཆེན་པོ་ཞེས་སུ་བྱ། །བྱང་ཆུབ་སེམས་ཞེས་བྱ་བ་ཡང་། །དམ་པའི་དོན་གྱི་སེམས་ཡིན་ཏེ། །ཆོས་རྣམས་ཐམས་ཅད་དངོས
308b6 མེད་པས། །རང་གི་སེམས་ཀྱིས་ཤེས་བྱ་བ། །བསྙེན་པའི་དམ་ཚིག་ཡིན་པར་གསུངས། །བདག་ཉིད་ཕྱག་རྒྱ་ཆེན་པོ་ནི། །སྔགས་ཀྱི་བདག་པོའི་ཆ་ལུགས་སུ། །ཏིང་འཛིན་ནན་ཏན་ཁུགས་པར་བསྒོམ། །ཐམས་ཅད་ལྷ་ཡི་རང་བཞིན་པས། །
308b7 བདག་ཉིད་ལྷ་ཡི་མཚན་ཉིད་དེ། །ཕྱག་རྒྱ་བཞི་དང་རྣམ་ལྡན་པར། །ཤེས་པ་ཉེ་བསྙེན་དམ་ཚིག་ཡིན། །རིག་མ་བསྐྱེད་དང་བསྐུལ་བྱ་བའི། །རྟེན་དུ་བྱ་བ་ཤེས་རབ་མ། །མཚན་ལྡན་བཀྲ་ཤིས་གསང་བའི་གཟུངས། །བྷ་ག
308b8 གསང་བའི་པད་མོ་ནི། །རྒྱལ་བ་རྣམས་ཀྱི་ཕོ་བྲང་སྟེ། །འདས་པའི་སངས་རྒྱས་བྱུང་བའི་གནས། །སླད་ཀྱིས་བྱོན་པ་གཤེགས་པའི་ཤུལ། །ད་ལྟར་སངས་རྒྱས་བཞུགས་པའི་རྟེན། །རྣལ་འབྱོར་ངོ་ལ་དེ་ལྟར་སྣང་། །མ་རྟོགས་པ
iiif viewer powered by OpenSeadragon
