| e-texts navigator |
| Wylie |
308a1 གཡོན་པ་དཀུ་རུ་བརྟེན་པ་ནི། །ཧཱུ~ཾ་ཀ་ར་ཡི་ཕྱག་རྒྱ་ཡིན། །ལག་པ་གཡས་པ་སྡེར་མོར་གདེངས། །གཡོན་པ་འཛིན་པ་རྣམ་རྒྱལ་རྒྱ། །གཡས་ཀྱི་སོར་མོ་དབྱུག་པར་བརྐྱང་། །གཡོན་པ་གར་ཐབས་སྐོར་བར་བྱེད། །དབྱུག་སྔོན
308a2 ཅན་གྱི་ཕྱག་རྒྱ་ཡིན། །གཡས་པའི་ཁུ་ཚུར་ནམ་མཁར་འཕྱར། །གཡོན་པས་གྲུ་མོ་བརྟེན་པ་ནི། །གཤིན་རྗེ་འཇོམས་པའི་ཕྱག་རྒྱ་ཡིན། །གཡས་པའི་གུང་འཛུབ་སྲིན་ལག་བརྐྱང་། །མཐེའུ་ཆུང་མཐེ་བོས་མནན་པར་བྱ། །
308a3 གཡོན་པ་འང་དེ་བཞིན་ཤུགས་སུ་བྱ། །མི་གཡོ་རལ་གྲིའི་ཕྱག་རྒྱ་ཡིན། །ལག་གཉིས་མཐེའུ་ཆུང་ལུ་གུ་རྒྱུད། །ལྷག་མ་ཁུ་ཚུར་བཅངས་པ་ལས། །དཔྲལ་བའི་ཐད་ཀར་བཟུང་བ་ནི། །རྟ་མཆོག་དཔལ་གྱི་ཕྱག་རྒྱ་ཡིན། །
308a4 ལག་གཉིས་ཁུ་ཚུར་མདུན་དུ་བཅངས། །ཞགས་པའི་ཚུལ་དུ་དྲངས་པ་ནི། །གཞན་གྱིས་མི་ཐུབ་ཕྱག་རྒྱ་ཡིན། །ལག་གཉིས་ཁུ་ཚུར་གྱེན་དུ་བསྣོལ། །དྲིལ་བུ་བསིལ་ཚུལ་བདུད་རྩི་འཁྱིལ། །ལག་པ་གཡས་པ་ཁུ་ཚུར་འཕྱར། །
308a5 རྡེག་པའི་སྟབས་སུ་བྱས་པ་ནི། །ཁམས་གསུམ་རྣམ་རྒྱལ་ཕྱག་རྒྱ་ཡིན། །ལག་གཉིས་ཁུ་ཚུར་མཐུར་དུ་བརྐྱང་། །གནོན་པའི་སྟབས་སུ་བགྲད་པ་ནི། །སྟོབས་པོ་ཆེ་ཡི་ཕྱག་རྒྱ་ཡིན། །གྱད་ཀྱི་དོར་སྟབས་ཚུལ་དུ་གནས། །
308a6 སྟོབས་སུ་མཆོང་བ་ཁྲོ་བོའི་རྒྱ། །སྲིན་མོ་རྣམས་ཀྱི་ཕྱག་རྒྱ་ནི། །རྐང་ལག་གར་ཐབས་བསྐོར་བ་ཡིན། །ཡང་ན་ཁྲོ་བོའི་ཕྱག་རྒྱ་ལས། །གཡས་གཡོན་བཟློག་པ་ཡིན་པར་གསུངས། །ཅི་བགྱིད་བཀའ་ཉན་ཕྱག་རྒྱ་ནི། །
308a7 གཡས་གཡོན་སོར་མོ་དྲག་སྤྲུགས་པའོ་ཞེས་གསུངས་སོ། །འཕགས་པ་རྒྱུད་ཀྱི་རྒྱལ་པོ་ཆེན་པོ་ཡེ་ཤེས་རྔམ་པ་གློག་གི་འཁོར་ལོའི་མདོ་ཞེས་བྱ་བ་ལས་འཇིགས་བྱེད་རྣམས་ཀྱི་ཕྱག་རྒྱ་བསྟན་པའི་ལེའུ་སྟེ་བཅུ་པའོ།། །།
308a8 དེ་ནས་བཅོམ་ལྡན་འདས་གསང་བ་མཆོག་གི་བདག་པོ་དེས་བསྙེན་བསྒྲུབ་རྒྱུན་གྱི་ཏིང་ངེ་འཛིན་ལ་སྙོམས་པར་ཞུགས་སོ། །ཞུགས་ནས་ཀྱང་བསྙེན་བསྒྲུབ་ཟབ་མོའི་དཀྱིལ་འཁོར་འདི་དག་ཉིད་ཀྱི་སྐུ་དང་གསུང་དང་ཐུགས
iiif viewer powered by OpenSeadragon
