| e-texts navigator |
| Wylie |
307a1 ཕྱག་རྒྱ་ཡིན་པར་དཔའ་བོས་བཤད། །རང་གི་ལྷ་ཡི་ཏིང་འཛིན་གྱིས། །སྟང་སྟབས་འདི་ལ་གང་གནས་པ། །སངས་རྒྱས་ཉིད་ཀྱང་སྐྲག་འགྱུར་ན། །དྲེགས་པའི་ཚོགས་ལྟ་སྨོས་ཅི་དགོས། །ལག་གཉིས་ཐལ་སྦྱར་སྤྱི་གཙུག་བཞག་།
307a2 རྐང་གཉིས་མཐིལ་སྤྲད་རྩེ་མོ་བཙུགས། །མགོ་མཚན་རྡོ་རྗེ་སྙིང་པོར་བསྒོམ། །རྩེ་གཅིག་རྩེ་གསུམ་རྩེ་ལྔ་དང་། །རྩེ་དགུ་བཅུ་གཅིག་རྡོ་རྗེ་བསྒོམ། །ས་སྟེང་ཀུན་ཏུ་མཆོང་བྱས་པ། །འཇིགས་བྱེད་ཆེན་པོའི་ཕྱག་རྒྱ་ཡིན། །དེ་ཉིད་གཡོན་གྱི་ཕྱོགས
307a3 ནས་མཆོང་། །འཇིགས་བྱེད་མ་ཡི་ཕྱག་རྒྱ་བཤད། །ལག་གཡས་གུང་མོ་སྙིང་པོར་བྱ། །གུང་མཛུབ་སྲིན་ལག་རྩེ་གསུམ་ཚུལ། །མཐེ་བོས་མཐེ་འུ་ཆུང་བསྣན་པར་བྱ། །ལྷག་མ་རྣམས་ནི་རྡོ་རྗེའི་ཚུལ། །གཡོན་པ་བན་དྷ་ལྟར་བྱས་ནས། །
307a4 དཀྲུགས་ནས་ཞལ་དུ་གསོལ་བ་ནི། །རྡོ་རྗེ་ཁྲག་འཐུང་ཕྱག་རྒྱ་ཡིན། །གཡས་པ་གཙོ་ལ་འཁྱུད་ཚུལ་དུ། །གཡོན་པ་རཀྟ་སྟོབ་པ་ནི། །རྡོ་རྗེ་ཀྲོ་དྷི་ཀུན་གྱི་རྒྱ། །ལག་པ་གཡས་པ་བརྐྱང་བྱས་ཏེ། །གཡོན་པ་དུང་དམར་རག་ཏ་འཐུང་། །འདི
307a5 ནི་རིན་ཆེན་ཁྲག་འཐུང་རྒྱ། །དེ་ཉིད་གུང་འཛུབ་སྲིན་ལག་གཞིབས། །རལ་གྲི་འདེགས་པ་ལྟར་བྱས་པ། །པད་མ་ཁྲག་འཐུང་ཕྱག་རྒྱ་ཡིན། །དེ་ཉིད་གཡས་པ་ཁུ་ཚུར་བཅངས། །མཐེ་བོ་གུང་མཛུབ་མཐེའུ་ཆུང་རྣམས། །སོ་སོར
307a6 བརྐྱང་བ་རྒྱ་གྲམ་ཚུལ། །ལས་ཀྱི་ཁྲག་འཐུང་ཕྱག་བརྒྱར་བཤད། །ཁྲག་འཐུང་གཡས་བརྐྱང་གཡོན་བསྐུམ་ཚུལ། །ཀྲོ་དྷི་གཡོན་བརྐྱང་གཡས་བསྐུམ་ཚུལ། །སྟབས་སུ་མཆོང་བར་དཔའ་བོས་བཤད། །གཡས་པའི་ཁུ་ཚུར
307a7 བཅངས་ནས་བསྒྲེང་། །གཡོན་པ་འཛིན་པ་ལྟར་བྱས་པ། །གཡས་དང་གཡོན་དུ་ལྟ་ཞིང་སྒྱུར། །གོའུ་རི་ཚོགས་ཀྱི་ཕྱག་རྒྱ་ཡིན། །མདའ་གཞུ་འགེངས་པའི་ཚུལ་དུ་ནི། །འབྲི་ཚུགས་མི་འགྱུར་ལྟ་བྱེད་པ། །རྐུན་མོའི་ཚོགས་ཀྱི་ཕྱག་རྒྱ
307a8 ཡིན། །གཡས་པས་ཁུ་ཚུར་བཅངས་པ་ནི། །མཐེ་བོ་མཐེའུ་ཆུང་བརྐྱང་བར་བྱས། །གཡོན་པས་འཛིན་པའི་ཁྲོ་ཚུལ་ལྟ། །པྲ་མོའི་ཕྱག་རྒྱ་དཔའ་བོས་བཤད། །གཡས་པའི་གུང་མོ་རྩེ་མོ་བརྐྱང་། །སོར་བཞི་རྩེ་བསྡུས་རྡོ་རྗེ་འཕྱར། །
iiif viewer powered by OpenSeadragon
