| e-texts navigator |
| Wylie |
306a1 རྩུབ་པའི་ཕྱག་མཚན་སྐལ་བར་ཐོགས། །རྡོ་རྗེ་གཤོག་པ་ཕྱོགས་བཅུར་གཏམས། །དུར་ཁྲོད་རྒྱན་གྱིས་རབ་ཏུ་བཞུགས། །བཙུན་མོ་རྔམ་པ་ཀྲོ་དྷི་ཡང་། །ཆ་ལུགས་འཇིགས་བྱེད་ཆེན་པོ་ལྟར། །དེ་ཡི་ཕྱོགས་ཀྱི་ཁྲོ་བོ་ཡང་། །
306a2 ཁྲག་འཐུང་རྡོ་རྗེ་རིན་ཆེན་དང་། །པད་མ་ལས་ཀྱི་ཧེ་རུ་ཀ་།ཀུན་ཀྱང་དབུ་གསུམ་ཕྱག་དྲུག་སྟེ། །ཞབས་བཞི་དག་ཏུ་རྣམ་པར་བགྲད། །ཀྲོ་དྷིའི་ཚོགས་ཀྱིས་རབ་ཏུ་འཁྲིལ། །འཁོར་ལོ་འབར་བའི་རྩེ་མཚན་ལ། །དཀར་མོ་ལ་སོགས
306a3 རལ་པ་ཅན། །རང་སྟན་ལག་ཆར་ཆས་ཏེ་གནས། །ཕྱི་རོལ་ཤར་གྱི་ཕྱོགས་དག་ནས། །སེང་གདོང་ལ་སོགས་མགོ་བརྙན་ཚོགས། །སྟན་དང་ལག་ཆ་དེ་བཞིན་ཆས། །སྒོ་གྲུངས་གདོང་མོ་ལ་སོགས་གནས། །རང་གི་ལག་མཚན་སྟན་དང
306a4 ཆས། །འབར་བའི་བར་འཁྱམས་གཉིས་པ་ལ། །རྡོ་རྗེ་སྲིན་པོ་ཁྲོ་བོ་བཅུ། །ཧཱུ~ཾ་ཆེན་རྣམ་རྒྱལ་དབྱུག་སྔོན་ཅན། །གཤེད་པོ་མི་གཡོ་རྟ་མགྲིན་རྒྱལ། །གཞན་གྱིས་མི་ཐུབ་བདུད་རྩི་འཁྱིལ། །ཁམས་གསུམ་རྣམ་རྒྱལ་སྟོབས་པོ་ཆེ། །དེ་དག
306a5 རྣམས་དང་གཉིས་མེད་པའི། །རྡོ་རྗེ་སྲིན་མོ་ཁྲོ་མོ་བཅུ། །རླུང་འབྱིན་སྙེམས་མོ་སྡེར་མོ་དང་། །དུར་ཁྲོད་གཏུན་ཁུང་གཏུམ་མོ་དང་། །མདའ་སྙེམས་སྒྲ་འབྱིན་གསོད་མ་དང་། །སྐུལ་བྱེད་རྣམས་ཀྱིས་རབ་ཏུ་འཁྲིལ། །ཀུན་ཀྱང་ཞལ་གསུམ
306a6 ཕྱག་དྲུག་སྟེ། །ཞབས་དྲུག་རྡོ་རྗེ་བྲག་སྟེངས་ན། །འཇིག་རྟེན་སྐྱོང་བས་བཏུང་ཚུལ་ལོ། །དེ་དག་རྣམས་ཀྱི་བཀའ་སྡོད་ནི། །རྡོ་རྗེ་འཕྲ་མེན་གཏུམ་བག་ཅན། །མཆེ་བཤོག་འབར་བའི་ཚོགས་དང་འཁོར། །སླས་དང་བྱི་མོ་བྲན
306a7 མོ་དང་། །ཅི་བགྱི་ལ་སོགས་ཕོ་ཉའི་ཚོགས། །ཕྱི་རོལ་མུ་རན་དག་ལ་གནས། །ཞེས་གསུངས་པས་སྣང་སྲིད་ཐམས་ཅད་ཁྲོ་བོའི་དཀྱིལ་འཁོར་དུ་གྱུར་ཏོ། །དེ་ནས་བཅོམ་ལྡན་འདས་འཇིགས་བྱེད་ཆེན་པོས་གསུང་གི་དཀྱིལ་འཁོར
306a8 འདི་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས་ཕྱུང་ངོ་། །ུ0f00་བྷྲཱུ~ཾ་བི་ཤྭ་བི་ཤུདྡྷེ་ཛྙཱ་ན་ཙཀྲ་བྷྲཱུ~ཾ། ཨུ0f00་ཨུ0f00་ཨུ0f00་ཨུ0f00། བ་བ་བ་བ་བ། ཛྲ་ཛྲ་ཛྲ་ཛྲ་ཛྲ། མ་མ་མ་མ་མ། ཧཱ་ཧཱ་ཧཱ་ཧཱ་ཧཱ། བུདྡྷ། བཛྲ་རཏྣ། པདྨ་ཀརྨ། ཤྲཱི་ཤྲཱི་ཤྲཱི་ཤྲཱི་ཤྲཱི། ཧེ་ཧེ་ཧེ་ཧེ་ཧེ།
iiif viewer powered by OpenSeadragon
