| e-texts navigator |
| Wylie |
305b1 ཨ་ལ་ལ་ཧོ་ཞེས་གསོལ་བ་བཏབ་སྟེ། ལ་ལས་ནི་རང་གི་ལུས་གདན་ཁྲིར་ཕུལ། །ལ་ལས་ནི་རང་གི་མགོ་བཅད་ནས་འབར་བའི་ཚོགས་ཀྱིས་ཞལ་བུར་ཕུལ། ལ་ལས་ནི་རང་གི་སྙིང་ཕྱུང་ནས་ཞལ་དུ་གསོལ། ལ་ལ་ནི་རང་གི་ལྤགས
305b2 པ་བཤུས་ཏེ་སྐུ་ལ་གཡང་གཞིར་གསོལ་ཏོ། །དབང་ཕྱུག་ཆེན་པོ་རྣམས་དཔལ་ཆེན་པོའི་སྐུ་ལ་སྦྲུལ་ལྟར་འཁྲིལ་བས་དེས་དྲེགས་པའི་ཚོགས་རྣམས་ཀྱང་ཤེས་བྱའི་སྒྲིབ་པ་བྱང་སྟེ། བདེན་པ་མཐོང་ནས་དམ་ཚིག་དང་ལྡན་པར
305b3 མཐོང་བར་གྱུར་ཏེ། དེའི་ཚེ་འདུས་པའི་འཁོར་ཚོགས་ཀྱང་རབ་ཏུ་སྤྲོ་བའི་སེམས་ཀྱིས་རྫུ་འཕྲུལ་རྣམ་པ་དུ་མ་དང་ལྡན་ཏེ། ལ་ལ་ནི་འཇིག་རྟེན་གྱི་ཁམས་རྒྱང་མ་རིང་དུ་འཕེན། །ལ་ལ་ནི་རི་རབ་ཀླད་ལ་སྐོར། ལ་ལ་ནི་ཉི་ཟླ
305b4 ཞབས་འོག་གནོན། །ལ་ལ་ནི་འཇིག་རྟེན་རྣམ་པ་དྲུག་ཏུ་གཡོ་བ་ལ་སོགས་པའི་ཆོ་འཕྲུལ་རྣམ་པ་དུ་མ་སྟོན་ཅིང་ཨ་ལ་ལ་ཞེས་པའི་སྒྲ་རྣམ་པར་འབྱིན་ཏོ། །དེ་ནས་བཅོམ་ལྡན་འདས་གསང་བ་མཆོག་གི་བདག་པོ་དེས་འཇིགས
305b5 བྱེད་ཚོགས་ཀྱི་དཀྱིལ་འཁོར་ཆེན་པོ་འདི་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས་ཕྱུང་ངོ་། །དུར་ཁྲོད་ཆེན་པོའི་གནས་ཆེན་དུ། །རག་ཏའི་རྦ་རླབས་འཁྲུག་པའི་དཀྱིལ། །ཀེང་རུས་རི་རབ་འབར་བའི་སྟེང་། །མེ་འབར་སྲེག་པའི་ཀློང
305b6 དཀྱིལ་ན། །དུར་ཁྲོད་འབར་བའི་གཞལ་ཡས་ཁང་། །ཚད་དང་རྒྱ་ཡོངས་མ་ཆད་པ། །ཕྱི་ནང་མེད་པར་གསལ་བའི་འོད། །འཁོར་ལོ་འབར་བའི་རྩིབས་བཞི་པ། །གྲུ་ཆད་བར་ཁྱམས་བཞིས་བརྒྱན་པ། །གྲུ་བཞི་སྒོ་ཁྱུད་འབར
305b7 བས་མཛེས། །བར་ཁྱམས་གཉིས་ནི་འབར་བར་གསལ། །ཉི་ཟླ་སྦྲུལ་དང་ཐོད་པས་བརྒྱན། །ཁྱུ་མཆོག་དང་ནི་མ་ཧེ་གཟིག་།སྟག་དང་གཏུམ་ཐུང་དོམ་དག་གིས། །སྡེར་མོས་དྲེགས་པ་བརྒྱ་བྱིན་དང་། །ཚངས་པ་དབང་ཕྱུག་བཟུང
305b8 བ་ནི། །གདན་ཆེན་རྣམས་ཀྱང་བཟུང་བའོ། །དབུས་སུ་འཇིགས་བྱེད་ཆེན་པོ་ནི། །སྨུག་ནག་ཆེན་པོ་འཇིགས་པའི་གཟུགས། །དབུ་དགུ་ཕྱག་ཀྱང་བཅཝ་བརྒྱད་དེ། །སྤྱན་འབར་བ་ནི་ཉི་ཤུ་བདུན། །ཞབས་བརྒྱད་མཐུར་དུ་གཏམས་པའོ། །
iiif viewer powered by OpenSeadragon
