| e-texts navigator |
| Wylie |
305a1 བཏུལ་བར་གྱུར་ཏོ། །དེ་ནས་བཅོམ་ལྡན་འདས་ཀྱིས་ཁྲོ་བོ་དེ་དག་ལ་དྲེགས་པའི་ཚོགས་སླར་གསོལ་ཤིག་ཞེས་བཀའ་སྩལ་བས། ཁྲོ་བོ་དེ་དག་གིས་གསོལ་པ། བཅོམ་ལྡན་འདས་ཉིད་ཀྱིས་གསོ་བར་གསོལ་ཞེས་པ་དང་།
305a2 བཅོམ་ལྡན་འདས་ཉིད་ཀྱིས་ཁྲོ་བོ་དེ་དག་གཅིག་ཏུ་ཧཱུ~ཾ་ཞེས་པས་བསྡུས་ཏེ། དབུ་དགུ་ཕྱག་བཅཝ་བརྒྱད་པའི་ཚུལ་དུ་རྣམ་པར་གནས་སོ། །དེ་ནས་ཡེ་ཤེས་རྔམ་པའི་རྒྱལ་པོ་དེས་ཕྱག་བཅཝ་བརྒྱད་བསྣོལ་ཏེ་བཙིར་བས་མི་གཙང་བའི
305a3 འདམ་ཆེན་པོར་འཁྱིལ་ཏོ། །དེ་ནས་བདུད་རྩི་འབྱུང་བའི་ཏིང་ངེ་འཛིན་ལ་ཞུགས་ནས་བདུད་རྩི་འབྱུང་ཞེས་བྱ་བ་གནམ་ནས་རྣམ་པར་ཕྱུང་ངོ་། །ོཾ་བཛྲ་ཨ་མྲྀ་ཏ་མ་ཧཱ་ཀྲོ་དྷི་ཤྭ་རི་ཨུ་སྤྲི་ཛྭ། བཛྲ་ཨ་མྲྀ་ཏ་ཧཱུ~ཾ་ཨ། དེ་ནས་ཁྲོ་མོ་བདུད
305a4 ར་ཙི་ཆེན་མོ་དེ་སྨིན་མ་སྒྱུར་ཞིང་ཤིན་ཏུ་རྔམ་པའི་བགད་པས་རུ་ལུ་རུ་ལུ་ཁཱ་ཧི་ཁཱ་ཧི་ཞེས་བདུད་རྩིར་བསྒྲུབས་ཏེ་གསོལ་བས་གདུག་པ་ཅན་ཐམས་ཅད་སྔ་མ་བཞིན་དུ་རང་རང་གི་ལུས་སོས་པར་གྱུར་ཏེ་སེམས་དྲན་ནས་དཔལ་ཆེན
305a5 ཡེ་ཤེས་རྔམ་པའི་རྒྱལ་པོའི་སྐུ་དབུ་དགུ་བརྒྱ་ཕྱག་སྟོང་བརྒྱད་བརྒྱ། ཞབས་བརྒྱད་བརྒྱར་གནས་ཤིང་ཡབ་ལ་ཁྲོ་བོ་བརྒྱ་རྩ་བརྒྱད་ལྷུན་གྱིས་གྲུབ་པར་མཐོང་ངོ་། །འཕྲ་མེན་མ་ཉི་ཤུའི་ཚོགས་ཀྱང་ཤིན་དུ་རྔམ་པའི་གཟུགས
305a6 རང་རང་གི་སྟན་དང་ལག་ཆར་གནས་པ་མཐོང་ནས། ཤིན་དུ་ངོ་མཚར་དུ་གྱུར་ནས་ཞུམ་པའི་ང་རོས་གསོལ་བ་བཏབ་པ། བདག་ཅག་འཁོར་དང་བཅས་པ་རྣམས། །རྔམ་ཆེན་རྒྱལ་བའི་འབངས་སུ་མཆི། །འབངས་སུ་ནན
305a7 ཏན་མ་བགྱིས་ན། །མགོ་ལུས་སྙིང་ཡང་རུལ་ནས་ནི། །བཙོ་བསྲེག་གནས་སུ་འབོད་སྒྲོགས་ཤོག་།བདག་ཅག་རྣམས་ཀྱི་མ་དང་སྲིང་། །མཆིས་བྲང་དང་ནི་བུ་མོ་རྣམས། །འབར་བའི་དཀྱིལ་འཁོར་བཞེས་སུ་གསོལ། །
305a8 བདག་ཅག་རྣམས་ཀྱི་མགོ་བཅད་ལ། །འབར་བའི་དཀྱིལ་འཁོར་རྒྱན་དུ་བཞེས། །བདག་ཅག་རྣམས་ཀྱི་སྙིང་ཕྱུང་ལ། །དཔལ་ཆེན་ཉིད་ཀྱི་ཞལ་དུ་གསོལ། །བདག་ཅག་རྣམས་ཀྱི་ལྤགས་ཤུས་ལ། །དཔའ་བོ་ཆེན་པོ་སྐུ་ལ་གསོལ། །
iiif viewer powered by OpenSeadragon
