| e-texts navigator |
| Wylie |
304b1 པ་བསྒྲལ། ལ་ལ་ནི་རིན་ཆེན་ཁྲག་འཐུང་དུ་གྱུར་ཏེ་ཚངས་པ་འཁོར་དང་བཅས་པ་བསྒྲལ། ལ་ལ་ནི་པད་མ་ཁྲག་འཐུང་ཆེན་པོར་གྱུར་ཏེ། མ་ཧཱ་དེ་བ་འཁོར་དང་བཅས་པ་བསྒྲལ། ལ་ལ་ནི་ལས་ཀྱི་ཁྲག་འཐུང་ཆེན་པོར་གྱུར་ཏེ། ཁྱབ་འཇུག
304b2 འཁོར་དང་བཅས་པ་བསྒྲལ། ཁྲོ་བོ་དེ་དག་གིས་དྲེགས་པ་ཅན་དེ་དག་གི་ནང་གྲོལ་ཀུན་དྲངས། ཁྲག་འཐུངས་རུས་པ་ཀུན་འཆོས་སོ། །དེ་ནས་དགྱེས་ཏེ་ཨོ~ཾ`་རུ་ལུ་རུ་ལུ་ཛ་ཛ་ཞེས་བརྗོད་པས། །དབང་ཕྱུག་ཆེན་པོ་བཅུ་གཉིས་དང་བརྒྱད
304b3 ཀྱི་འཁོར་ཚོགས་མ་ལུས་པ་ཡུད་ཙམ་ཅིག་གིས་དབང་དུ་འདུས་པར་གྱུར་པ་ནི་དཔེར་ན་རྡོ་ཁབ་ལེན་ལ་ལྕགས་འདུ་བའི་ཚུལ་ལོ། །བཅོམ་ལྡན་འདས་དཔལ་ཆེན་པོའི་སྐུ་ལ་རྣམ་པ་བརྒྱད་ཀྱིས་འཁྲིལ་བའི་ཚུལ་དུ་གནས་སོ། །ཁྲག
304b4 ཐུང་བཞི་ལ་རྣམ་པ་ལྔ་ལྔས་འཁྲིལ་བའི་ཚུལ་གྱིས་རྣམ་པར་གནས་པ་དང་། དགྱེས་ཏེ་ཧ་ཧ་ཞེས་བརྗོད་པས་བྱང་ཆུབ་སེམས་ལས་དཀར་མོའི་ཚོགས་དང་། རྐུན་མོའི་ཚོགས་དང་། སྤོས་མོའི་ཚོགས་དང་། གཏུམ་མོའི་ཚོགས་དང་།
304b5 རྨོངས་མོའི་ཚོགས་དང་། ཐལ་བྱེད་མའི་ཚོགས་དང་། སྨེ་ཤ་ཅན་གྱི་ཚོགས་དང་། མ་མོའི་ཚོགས་རྣམས་འཐོན་ཏོ། །དེ་ནས་ཡང་དགྱེས་ཏེ་ཧེ་ཧེ་ཞེས་བརྗོད་པས་བྱང་ཆུབ་སེམས་ལས་སེང་གདོང་གི་ཚོགས་དང་། སྟག་གདོང་གི་ཚོགས་དང་།
304b6 ཝ་གདོང་གི་ཚོགས་དང་། ཁྱི་གདོང་གི་ཚོགས་དང་། བཞད་གདོང་གི་ཚོགས་དང་། དུར་བྱའི་གདོང་གི་ཚོགས་དང་། བྱ་རོག་གདོང་གི་ཚོགས་དང་། འུག་པའི་གདོང་གི་ཚོགས་རྣམས་འཐོན་ཏོ། །དེ་ནས་ཡང་དགྱེས་ཏེ་ཕཊ་ཅེས་བརྗོད་པས
304b7 བྱང་ཆུབ་སེམས་ལས་སྟག་གདོང་གི་ཚོགས་དང་། ཕག་གདོང་གི་ཚོགས་དང་། སེང་གདོང་གི་ཚོགས་དང་། སྦྲུལ་གདོང་གི་ཚོགས་མཐོན་ནས་ཉི་ཤུ་རྩ་བརྒྱད་འཁོར་དང་བཅས་པ་རྣམས་རང་རང་གི་གདན་ག་ལ་བ་དེར་ཡུད་ཙམ་གྱིས་ཕྱིན
304b8 པར་ཕཊ་ཅེས་སྤྲོས་སོ། །དེའི་ཚེ་འཇིག་རྟེན་གྱི་ཁམས་མཐའ་ཡས་མུ་མེད་པ་རྣམས་ན་དྲེགས་པ་གང་ཇི་སྙེད་ཡོད་པ་ཐམས་ཅད་ཚུལ་ཇི་ལྟར་འདུལ་བ་དང་། ཐབས་ཅིས་འདུལ་བ་སྣ་ཚོགས་ཀྱིས་བཅོམ་ལྡན་འདས་ཀྱིས་མཐུས
iiif viewer powered by OpenSeadragon
