| e-texts navigator |
| Wylie |
303b1 ཏོ། །བཅོམ་ལྡན་འདས་གསང་བ་མཆོག་གི་བདག་པོ་ཧེ་རུ་ཀ་རྣམས་ཀྱི་དཀྱིལ་འཁོར་ཇི་ལྟ་བུ་ལགས་པ་བདག་ཅག་རྣམས་ལ་བཤད་དུ་གསོལ། གསང་བ་མཆོག་གི་བདག་པོས་བཤད་དུ་གསོལ་ཞེས་གསོལ་བ་བཏབ་པ་ལས།
303b2 བཅོམ་ལྡན་འདས་གསང་བ་མཆོག་གི་བདག་པོ་དེས་དེ་བཞིན་གཤེགས་པ་ཐམས་ཅད་ཀྱི་ཁྲོ་བོ་རྣམ་པར་འཕྲོ་བའི་རྒྱལ་པོ་ཡེ་ཤེས་རྔམ་པ་གློག་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། ཉིད་ཀྱི་སྐུ་ཁྲོ་བོ་ཆེན་པོར་འདུ
303b3 མཛད་དེ། དེ་ཅིའི་ཕྱིར་ཞེ་ན། འཇིག་རྟེན་ན་དྲེགས་པ་ཆེན་པོ་ལ་སོགས་པ་གདུག་པའི་དབང་དུ་འགྲོ་བ་རྣམས་གྱུར་ཏེ། ཁམས་གསུམ་འདི་ན། དེ་བཞིན་གཤེགས་པ་གསུང་རབ་ཟེར་བར་སྟོན་པ་དང་། འཇུག་པ་དང་། བསྟན་པ་ལ
303b4 གནས་ཤིང་དཀོན་མཆོག་གསུམ་ལ་འཇུག་པ་ནི་འགའ་ཡང་མེད། ཁྲོས་པས་གཏུམ་པོ་རབ་ཏུ་གདུག་པའི་སེམས་དང་། འདོད་ཆགས་ཞེ་སྡང་གཏི་མུག་གིས་བསྒྲིབས་པ་གཏུམ་ཞིང་འཁྲུག་པ་དང་། གཞན་གྱི་སྲོག་དང་སེམས་འཕྲོག་པ
303b5 དང་། མི་དགེ་བ་བཅུའི་ལས་ཀྱིས་ཉོན་མོངས་པ་དང་ཉེ་བའི་ཉོན་མོངས་པས་གཞན་ལ་གཅོས་པ་དང་། གཅིག་ཤི་གཅིག་ཟ་བ་དང་། ལོག་པའི་ལམ་ལ་གནས་པའི་འཇིག་རྟེན་གསུམ་པོ་འདི་བརླག་གོ་ཞེས་སྔོན་གྱི་སྨོན་ལམ་ལ་གནས་པའི་དེ
303b6 བཞིན་གཤེགས་པ་རྣམས་དང་། གསང་བ་མཆོག་གི་བདག་པོ་ཆེན་པོས་རྣམ་པར་གཟིགས་ནས་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས་ཁྲོ་བོའི་དཀྱིལ་འཁོར་གློག་རྣམ་པར་འཕྲོ་བ་འདི་ཕྱུང་ངོ་། །ུ0f00་བཛྲ་མ་ཧཱ་ཙཎ་ཌ་སརྦ་དུཥྚན
303b7 ཏ་ཀ་ཧཱ་ན་ད་ཧ་པ་ཙ། བི་ཤྭ་ཀྲོ་དྷ་ཛྭ་ལ་མཎ་ཌ་ལ། ཕཊ་ཕཊ་ཕཊ་ཧ་ལ་ཧ་ལ། འདི་ཕྱུང་མ་ཐག་ཏུ་ཁྲོ་བོ་ཆེན་པོའི་མཐུས་ཁམས་གསུམ་འདི་དག་ཐམས་ཅད་གཡོས་རབ་ཏུ་གཡོས། ཀུན་དུ་རབ་ཏུ་གཡོས། འུར་འུར་རབ་ཏུ་འུར་འུར། ཀུན་དུ་རབ
303b8 ཏུ་འུར་འུར་རོ། ཤིག་ཤིག་རབ་ཏུ་ཤིག་ཤིག་། ཀུན་དུ་རབ་ཏུ་ཤིག་ཤིག་།གཏོར་གཏོར། རབ་ཏུ་གཏོར་གཏོར། ཀུན་དུ་རབ་ཏུ་གཏོར་གཏོར་རོ། །ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ནམ་མཁའ་ལྡིང་དང་། སྲིན་པོ་ལ་སོགས་པ་རྣམས
iiif viewer powered by OpenSeadragon
