| e-texts navigator |
| Wylie |
300b1 པས་དྲག་པོའི་སྔགས་ཟློས་ཤིང་། །ཁྲོ་བོ་ཁྲོ་མོའི་སྟངས་ཀྱིས་བསྐོར། །བདེ་བར་གཤེགས་པའི་ཐུགས་དམ་བསྐུལ། །ཐིག་སྐུད་སར་པ་གཙང་མ་འམ། །གསང་བའི་ལྕང་ལོ་འཁྲིལ་མདངས་སམ། །རྡོ་རྗེ་རྒྱུན་ཐག་ལ་སོགས
300b2 ལ། །ཡུམ་གྱི་གྲངས་དང་འཐུན་པར་བསྒྲིམ། །རྡོ་རྗེ་རྩེ་ལྔའི་ལུ་གུ་རྒྱུད། །བྱང་ཆུབ་སེམས་སུ་བྱིན་གྱིས་བརླབ། །ཐིག་གཡོག་ལས་ཀྱི་སེམས་མ་སྟེ། །མཚན་ལྡན་བྱིན་གྱིས་བརླབས་ནས་ནི། །ཕྱག་རྒྱ་གར་དང་བཅས་པ་ཡིས། །རང
300b3 བཞིན་དཀྱིལ་འཁོར་གནམ་ཐིག་གདབ། །དེ་ནས་ས་ཐིག་གདབ་པ་ཡང་། །འདུལ་བའི་དབང་གི་བྱེ་བྲག་ལས། །མཎ་ཌལ་ཚད་མ་ངེས་པ་མེད། །སོར་བཞི་པ་ནས་བརྩམ་ནས་སུ། །ཇི་སྲིད་དཔག་ཚད་ཐུབ་པར་རོ། །ུ0f00་ཛྙཱ་ན
300b4 ཙཀྲ་སུ་ཏྲ་མ་ཏི་ཀྲ་མ་ཧཱུ~ཾ་ཞེས་གསུངས་སོ། །དེ་ལ་འདི་ནི་ཚོན་དགྱེ་བའི་ཆོ་གའོ། །རང་བཞིན་ཀུན་རྫོབ་ཅི་འདྲ་དང་། །ཏིང་འཛིན་དཀྱིལ་འཁོར་དེ་འདྲ་བར། །བརྙན་མ་ཡང་ནི་དེ་འདྲ་བྲི། །ཚོན་སྣ་འབྲས་དང་འབྱུང་ཁུངས་སམ། །རྡོ
300b5 ཁམས་རིན་ཆེན་དག་ལ་བྱ། །སྣ་གསུམ་སྣ་ལྔ་དག་དང་ནི། །རིན་ཆེན་ཕུང་པོའི་ཚོན་གྱིས་ནི། །དབུས་ཀྱི་ཕོ་བྲང་བསྐོར་བ་ཡིན། །སྒོ་ལ་རྣམ་ལྔས་བསྐོར་བར་བྱ། །ཕྱག་རྒྱ་གཞན་ལ་རྐྱང་བས་སོ། །དཀར་དམར་སེར་ལྗང
300b6 ནག་པོ་རྣམས། །གོ་རིམས་དེ་ཡིས་བཀོད་པར་བྱ། །གཙོ་བོ་གཟུགས་སུ་རྫོགས་པར་བྲི། །འཁོར་རྣམས་ཕྱག་རྒྱ་དག་ཏུ་བྱ། །ཕལ་པ་དག་ལ་ཡིག་འབྲུས་སོ་ཞེས་གསུངས་སོ། །དེ་ལ་འདི་ནི་དཀྱིལ་འཁོར་གྱི་རྒྱན
300b7 དགོད་པའི་ཆོ་གའོ། །དེ་ནས་བསྒྲུབ་པའི་དཀྱིལ་འཁོར་ལ། །བླ་རེ་རྒྱལ་མཚན་འཕན་དང་གདུགས། །པི་བང་གླིང་བུ་བརྡབ་པ་དང་། །རྫ་རྔ་མུ་ཀུན་རྔ་ཆེན་དང་། །ད་རྔ་ར་དང་མུ་ཙར་དང་། །དབྱངས་དང་གར་དང་བཞད་པ་ཆེ། །རོལ
300b8 མོའི་ཡོ་བྱད་ཇི་སྙེད་པས། །དགའ་བྱེད་དཀྱིལ་འཁོར་དག་ལ་བརྒྱན། །བུམ་པ་རྣམ་པ་སྣ་ཚོགས་ཀྱི། །གསེར་དང་དངུལ་ལས་བྱས་པའོ། །རིགས་དང་འཐུན་པའི་གོས་ཀྱིས་དཀྲིས། །མེ་ཏོག་འབྲས་བུས་བརྒྱན་པ་ལ། །བདུད་རྩི
iiif viewer powered by OpenSeadragon
