| e-texts navigator |
| Wylie |
299b1 གནས་ངན་ནོ། །གཤིན་རྗེ་གདུག་པའི་མདུང་རྗེས་དང་། །སྲིན་པོ་དུས་པའི་མཆི་རྗེས་དང་། ཁྲོ་བོ་གནོད་སྦྱིན་ལྕམ་རྗེས་དང་། མ་མོ་རྔམ་པའི་སྦར་རྗེས་དང་། འབྱུང་པོ་རྐུ་བའི་འཛོལ་ས་དང་། །གདུག་པ་ཀླུ་ཡི་རྒྱུན་སྲང་དང་། །སྐྱོན
299b2 ཅན་རྒྱུ་བའི་ལམ་སྲང་དང་། །ཞང་བློན་གདུག་པའི་འདུག་ས་དང་། །ཁ་ནས་མ་ཐོའི་འདུན་ས་དང་། །ཉེན་དང་འབྲེལ་བའི་གནས་རྣམས་ནི། །སྦྲུལ་གདུག་པང་དུ་འོངས་པ་ལྟར། །ཝ་ཡི་བརྟུལ་ཞུགས་ཆེན་པོ་ཡིས། །ལོ་ཡི
299b3 བཤུགས་ཏེ་རབ་ཏུ་སྤང་། །ཞེས་གསུངས་སོ། །དེ་ལ་འདི་ནི་ས་བསླང་བའི་ལས་ཏེ། དེ་ནས་བསླང་བའི་ལས་རྣམས་ཀྱང་། །མངོན་དང་མི་མངོན་བདག་པོ་ལ། །རྩོད་པ་ཉེ་བར་ཞི་བྱའྀ་ཕྱིར། །སེར་སྣ་སྤངས་པའི་སེམས་ཀྱིས་ནི། །
299b4 རིན་དང་བདེན་པས་བསྒོ་ལ་བསླང་ཞེས་གསུངས་སོ། །དེ་ལ་འདི་ནི་ས་གཟུང་བ་སྟེ། །དེ་ནས་སློབ་དཔོན་བདག་ཉིད་ཀྱིས། །རྡོ་རྗེ་དྲིལ་བུར་ལྡན་པ་ཡིས། །རྩེ་གསུམ་འགྲོས་ཀྱིས་ཀུན་ཏུ་བསྐོར། །ཁྲོས་པས་ཧཱུ~ཾ་གི་ང་རྒྱལ་བྱ། །
299b5 དངོས་གྲུབ་བར་དུ་གཅོད་པའི་བགེགས། །དེངས་ཤིག་ཅེས་སུ་བསྒོ་ནས་ཀྱང་། །སེང་ལྡེང་ཕུར་བུ་སོར་བརྒྱད་པ། །ཁྲོ་བོར་བྱིན་བརླབས་གདབ་པར་བྱ། །ཞེས་གསུངས་སོ། །དེ་ལ་འདི་ནི་སའི་ལྷ་མོ་སྤྱན་དྲང་། བའོ། །
299b6 དེ་ནས་དཔང་གྱུར་ལྷ་མོ་དེ། །སྤྱན་དྲངས་བསྐྱེད་དང་གཉིས་མིན་པར། །མཆོད་བསྟོད་ཚུལ་བཞིན་བྱས་ནས་ནི། །བདག་ཅག་རྣལ་འབྱོར་སྒྲུབ་པ་པོ། །བདུད་བཏུལ་མངོན་པར་རྫོགས་པའི་ཚེ། །རུ་ཏྲ་ཚོགས་ཀྱིས་རྒལ
299b7 བ་ལ། །དགྱེས་པའི་ལས་ཀྱི་དོན་བགྲངས་ཏེ། །བདག་ཅག་ས་ལ་བགྲོད་པའི་ཚེ། །རུ་ཏྲའི་རྒོལ་བ་བྱུང་བ་ན། །སྤྱན་ལྡན་དེ་ལ་དཔང་བཅོལ་ལོ་ཞེས་གསུངས་སོ། །དེ་ལ་འདི་ནི་རྟགས་བརྟག་པའོ། །མཚན་མས་མཚན་མ
299b8 གཞོམ་པའི་ཕྱིར། །རོ་ལྔ་མཚན་ཉིད་བརྟག་པར་བྱ། །དགེ་བའི་རྟགས་ན་དངོས་གྲུབ་འབྱུང་། །གལ་ཏེ་ཤེས་པར་མ་གྱུར་ན། །ཐབས་ལ་མཁས་པས་སྤང་བར་བྱ། །ཡང་ན་སྦྱིན་སྲེག་བྱ་བར་བརྟག་ཅེས་ཤེས་གསུངས
iiif viewer powered by OpenSeadragon
